قۇتتى قالا
تانىم • 13 ناۋرىز, 2022
قۇتتى قوعام قانداي بولۋى كەرەك؟
بۇل سۇراققا اركىم ارقيلى جاۋاپ بەرۋى مۇمكىن. ايتسە دە, ونىڭ بارلىعىنىڭ ورتاق جاۋابى ەلىمىزدىڭ وركەندەۋىنە, كوركەيۋىنە, وركەنيەتتى الەمدە وزىندىك ورنىن الۋىنا بارىپ تىرەلەتىنى ءسوزسىز. جاڭا رەفورما باعزىداعى اسان قايعى بابامىزدىڭ مىنا دۇنيەنىڭ جۇماعى ىسپەتتەس جەرۇيىعىن ىزدەۋى, بولماسا ەكى جىل بۇرىن عانا 1150 جىلدىعىن تويلاعان ءال-فارابي بابامىزدىڭ قايىرىمدى قالا تۋرالى تراكتاتىنىڭ جازىلۋى نەمەسە ءاز تاۋكە حاننىڭ تۇسىندا «جەتى جارعىنىڭ» قابىلدانۋى, وسىدان ءبىر عاسىر بۇرىنعى الاش قايراتكەرلەرىنىڭ الاشوردا ۇكىمەتىن جاساقتاۋداعى باعدارلاماسى سياقتى ۇلى دالانى مەكەندەگەن جۇرتتىڭ «قوي ۇستىندە بوزتورعاي جۇمىرتقالاعان زاماندا» ءومىر سۇرۋىنە جاسالعان ۇمتىلىسىنىڭ جالعاسى دەپ باعالاۋعا بولار.
