رۋحاني تۇتاستىق
رۋحانيات • 07 قاڭتار, 2025
روجدەستۆو مەرەكەسى جانە ءداستۇرلى يسلام تۇسىنىكتەرى
زايىرلىلىق – ەلىمىزدىڭ مورالدىك جانە الەۋمەتتىك قۇرىلىمىنىڭ ماڭىزدى قاعيداتتارىنىڭ ءبىرى. بۇل ۇستانىم قوعامداعى رۋحاني-ادامگەرشىلىك قۇندىلىقتار مەن دىنارالىق كەلىسىمدى نىعايتىپ, ءارتۇرلى سەنىم وكىلدەرىنىڭ ءبىر شاڭىراق استىندا بەيبىت ءومىر سۇرۋىنە جول اشادى. ىزگىلىك پەن ءىلتيپاتتىڭ, مەيىرىم مەن ماحابباتتىڭ سان عاسىرلىق ءداستۇرىن دارىپتەيتىن ءدىني مەرەكەلەردى اتاپ ءوتۋ دە ادامدار اراسىنداعى عيزات-قۇرمەتتىڭ ارتۋىنا ىقپال ەتەدى. سوندىقتان حريستيان مىللەتىنىڭ روجدەستۆو مەرەكەسى كەزىندە اتالعان ءدىننىڭ نەگىزگى دوكترينالارىن تانىستىرىپ, ونىڭ قازاق دۇنيەتانىمىنا ەجەلدەن ورنىققان ءداستۇرلى يسلام تۇسىنىكتەرىمەن ۇقساس تۇستارىن سالىستىرا ساراپتاۋدى ءجون كوردىك.
