وليمپياداشىلار
سپورت • 14 شىلدە, 2021
ساناۋلى كۇندەردەن كەيىن جاپونيانىڭ باس شاھارى – توكيودا XXXII جازعى وليمپيا ويىندارىنىڭ جالاۋى جەلبىرەيدى. ەكى اپتاعا سوزىلاتىن تورتجىلدىقتىڭ باستى دوداسىندا قازاقستاننىڭ 95 سپورتشىسى (96 جولداما) سپورتتىڭ 27 ءتۇرى بويىنشا ەل نامىسىن قورعايدى. الدىڭعى وليمپيادالارمەن سالىستىرار بولساق, ارينە, بيىلعى كورسەتكىش كوڭىل كونشىتپەيدى. توكيوداعى جارىس – قازاقستاننىڭ وليمپيا ويىندارى تاريحىندا ەڭ از سپورتشى قاتىسقان باسەكە بولماق. بۇعان دەيىنگى ەڭ تومەنگى كورسەتكىش – اتلانتا وليمپياداسى بولاتىن. تاۋەلسىزدىك العاننان كەيىنگى تۇڭعىش جازعى وليمپيادادا ءبىزدىڭ ەلدىڭ 96 ساڭلاعى باق سىناعان ەدى.
