مەدياكەڭىستىك
وقيعا • 28 ماۋسىم, 2020
مەدياكەڭىستىك: مۇمكىندىك پەن بار شىندىق
مەديا سالاسى جىلدان جىلعا تۇرلەنىپ, تەحنولوگيانىڭ دامۋىمەن بۇرىنعى شەڭبەرىنەن شىعىپ, تۇتىنۋشىعا جاڭا فورمالار مەن فورماتتا اقپارات ۇسىنىپ كەلەدى. قازىر حابار تاراتۋدىڭ الۋان ءتۇرلى جولى مەن ءتاسىلى بار. قوعامدا ءداستۇرلى باق جاڭا مەديانىڭ كولەڭكەسىندە قالىپ قويدى دەگەن پىكىر دە ايتىلىپ قالادى. دەسە دە جاھانداعى سوڭعى وقيعالار اۋديتوريانىڭ سەنىمدى اقپارات كوزىنە دەگەن سۇرانىسى ءالى دە جوعارى ەكەنىن ايقىن كورسەتتى. اسىرەسە الەۋمەتتىك جەلى مەن ينتەرنەت پورتالدارداعى قاپتاعان كۇماندى حابارلاردىڭ قاسىندا ساپالى دۇنيە ۇسىنعان ءداستۇرلى باق-تىڭ دارالانىپ تۇراتىنى ءسوزسىز.
