شويىن جول
ايماقتار • 25 مامىر, 2021
سىر بويىنىڭ وزگە وڭىرلەردەن ءبىر ايىرماشىلىعى قىزىلوردا قالاسى مەن جەتى اۋدان دا «باتىس ەۋروپا – باتىس قىتاي» اۆتوجولى مەن تاسپاداي تارتىلعان تەمىر جولدىڭ بويىندا ورنالاسقان. وبلىس پەن اۋدان ورتالىقتارىنىڭ ءدال ىرگەسىنەن سىرداريا سىلاڭداي اعىپ جاتىر. بۇل ارينە جول-كولىك لوگيستيكاسىن ءتيىمدى ۇيىمداستىرۋعا ابدەن قولايلى. تۇرعىندارعا ىڭعايلى بولۋ ءۇشىن تەمىر جول استىنان وتكەل قالدىرىلىپ, كەي جەرلەردە كوپىر سالىنعان. بىراق بارىندە ونداي جاعداي جوق. بىلتىر «جۇمىسپەن قامتۋدىڭ جول كارتاسى» باعدارلاماسى اياسىندا شيەلى كەنتىندە تەمىر جول ۇستىنەن كوپىر سالىنىپ, كوپ جىلدارعا سوزىلعان ماسەلە ءبىرجولا شەشىمىن تاپتى. ءدال قازىر وبلىس بويىنشا وتكەلى جوق جالعىز ءوڭىر ارال قالاسى بولىپ تۇر.
