شايماردان ساريەۆ
ونەر • 12 تامىز, 2021
وسى سۋرەتكە قاراعان سايىن, ودان ءبىر جىلىلىق كورەم. اتا مەن اجە الدارىنا نەمەرەسىن الىپ, سونىڭ قىزىعىنا تويماي, تاماشالاپ وتىر. بالا كۇنىمىزدە وسى كورىنىستى اۋىلدا ءجيى كوردىك. اتا-اجەمىز ءبىزدى دە وسىلاي الدارىنا الىپ, قىزىقتاپ وتىراتىن. جالپى, بۇل تۋىندىنىڭ ماڭىزى زور, قاراعان جانعا مازمۇندى وي سالادى. اۆتور وسى سۋرەتى ارقىلى اكە-شەشە مەن بالانىڭ اراسىنداعى بايلانىس, ۇرپاق جالعاستىعى دەگەن ومىرلىك قاعيدانى كوركەم جەتكىزەدى. مۇنى سۋرەتشى 1968 جىلى قارىنداشپەن سالىپتى. ونىڭ يەسى ۇلتتىق بەينەلەۋ ونەرىندە قايتالانباس قولتاڭباسىن قالدىرعان كورنەكتى قىلقالام شەبەرى شايماردان ساريەۆ.
