تاۋەلسىزدىك بارىنەن قىمبات
قوعام • 14 اقپان, 2021
وپپوزيتسيانىڭ تامىرى تەرەڭ بە؟
پرەزيدەنت قاسىم-جومارت توقاەۆ «تاۋەلسىزدىك بارىنەن قىمبات» باعدارلامالىق ماقالاسىندا ساياسي رەفورمالاردىڭ ەل ىرگەسىن شايقالتپاي, بەرەكە-بىرلىگىن بۇزباي, بايىپپەن جانە بىرتىندەپ ىسكە اسىرىلاتىنىن ايتا وتىرىپ, «...ەڭ تومەنگى دەڭگەيدەن باستاپ جەرگىلىكتى ءوزىن-ءوزى باسقارۋ جۇيەسىن نىعايتۋعا» كوڭىل اۋدارىپ, وزەكتى ماسەلەلەردى تۇرعىندار مەن جەرگىلىكتى بيلىكتىڭ بىرلەسىپ شەشۋى قاجەتىن اتاپ ءوتتى. بۇل باعىتتاعى ماڭىزدى قادامدار مەملەكەت باسشىسىنىڭ جەتىنشى شاقىرىلىمداعى پارلامەنت ءماجىلىسىنىڭ 1-ءشى سەسسياسىنىڭ اشىلۋىندا جاريالانعان ساياسي رەفورمالارىنىڭ ءۇشىنشى پاكەتىندە ناقتى كورىنىس تاپتى.
