تۇلعا تاعىلىمى ءھام تاۋەلسىزدىك تولعاۋى
پىكىر • 07 جەلتوقسان, 2021
تۇلعا تاعىلىمى ءھام تاۋەلسىزدىك تولعاۋى
تاۋەلسىزدىكتىڭ وردالى وتىزجىلدىق بەلەسىندە ەلىمىزدىڭ ءار ازاماتى بوستاندىقتىڭ قادىر-پارقى تۋرالى, الەمدىك قاۋىمداستىقتا ايشىقتى ورىن العان الەۋەتتى دە قۋاتتى مەملەكەتىمىزدىڭ قوعامىمىزدىڭ ءار مۇشەسىنە تيگىزگەن شاپاعاتى مەن شاراپاتى جايىندا وي-تەبىرەنىسكە بەرىلىپ, ءبىر ءسات تولعانىستا ءجۇرۋى تابيعي جايت. ويتكەنى اركىمنىڭ ازاتتىقتىڭ ارايلى تاڭى, اسپان تۇستەس الىپ كوك تۋىمىزدىڭ ساياسى جايىندا ايتار ويى, ساباقتار سىرى بار. ايتكەنمەن وسى ءبىر تاريحي مەزگىلدە قارا ورمان حالقىمىز اڭساعان ارايلى ازاتتىقتى سۇيىنشىلەپ جاريالاپ, تاۋەلسىز مەملەكەتىمىزدىڭ ىرگەتاسىن قالاعان ازاتتىق ارحيتەكتورى, ەلباسى ن.نازارباەۆتىڭ اقجارما لەبىزىن بىلگىسى كەلەتىنى انىق. ويتكەنى ەلباسى تاۋەلسىزدىكتى جاريالاپ قانا قويماي «وتىز جىل بويى حالقىن قاناتتىعا قاقتىرماي, تۇمسىقتىعا شوقىتتىرماي, قايراڭعا قالدىرماي, قاتارعا قوسقان» تۇعىرلى تۇلعا ەكەنى امبەگە ايان.
