سوزمەرگەن-2025
مادەنيەت • 14 تامىز, 2025
شەشەندىك – قىزىل ءسوزدى ساپىرعان قىزدىرما جەلىك ەمەس. ونىڭ اۋىلى سوفيستيكادان الىس قونعان. ونىڭ شىن ماقسۇتى – اقيقاتتى تانۋ. حوش, ماسەلە مۇنىمەن اياقتالا ما؟ اقيقاتتى تانىپ ۇلگەرسەڭىز, ارىپتەسىڭىزگە تۇسىندىرە قويۋدان جەڭىل زات بار ما؟ وسىلاي تۇجىرىمداساق, دالمارلىق ءمانىن ۇقپاعاندىعىمىز. سوكرات حاكىم ديالوگ بارىسىندا جەتەكتەۋشى سۇراقتار قويىپ, ءوزى تۇسىنگەن اقيقاتقا ارىپتەسىنىڭ دە اقىلى «جۇكتى» بولىپ, ونى ءوزى دۇنيەگە كەلتىرۋىنە جاعداي جاسايدى. ال قازىرگى قازاق قوعامىنداعى ءسوزدىڭ قۋاتى قانداي, شەشەندىك شەبەرلىك قاي دەڭگەيدە؟ وسى ويلارمەن ءبىز استانادا وتكەن «سوزمەرگەن-2025» بايقاۋىنا كەلىپ تۇستىك.
