ءسۇيىنباي ارون ۇلى
رۋحانيات • 29 قاڭتار, 2025
ءسۇيىنباي ارون ۇلى – ايتىس, سۋىرىپسالمالىق ونەردىڭ ءدۇلد ۇلى. ال ونىڭ اقىندىق مۇراسى – قازاق ادەبيەتى مەن مادەنيەتىنىڭ ەڭ ءبىر ءماندى دە ماعىنالى, سوقتالى سالاسى. قازاق حالقىنىڭ اقىندىق ونەرىنىڭ دامۋىنا ەرەن ەڭبەك سىڭىرگەن ءدۇلدۇل اقىننىڭ دۇنيە ەسىگىن اشقانىنا بيىل 210 جىل. ۋاقىت وتكەن سايىن اقىن شىعارمالارىنىڭ كوركەمدىك-ەستەتيكالىق بايلىعى مەن قۇندىلىعى جارقىراي ءتۇسىپ, بۇگىنگى كۇننىڭ قوعامدىق-الەۋمەتتىك مۇرات-مۇددەسىمەن دە, اقىندىق-ازاماتتىق ىزدەنىستەرىمەن دە تىعىز ساباقتاسىپ جاتقان بيىك قادىر-قاسيەتىمەن, سىرىن دا, سىنىن دا ارتتىرىپ وتىرعان اسىل بولمىس-بىتىمىمەن ەرەكشەلەنەدى.
