سىرتقى ساياسات ساباقتاستىعى
تاۋەلسىزدىك • 12 جەلتوقسان, 2021
ءتاۋ ەتەر تاۋەلسىزدىگىمىزدىڭ 30 جىلدىق مەرەيلى بەلەسىنە ەلىمىزدىڭ تولايىم تابىستارمەن جەتۋىنە سىرتقى ساياسات سالاسىنىڭ قوسقان ۇلەسى زور ەكەنى انىق. مامىلەگەرلىكتى ەسە جىبەرمەي, ەسەبىن تاۋىپ, ەلدىڭ ەڭسەسىن تىكتەۋ دەسەك, ەلباسى ەلىمىزدىڭ سىرتقى ساياسي كەلبەتىن سىمباتتى قالىپتاستىردى. شيەلەنىستەردى شەشىپ, شەكارامىزدى شەگەندەپ بەردى. كورشىلەرمەن ىرگەلەس سوزىلعان قۇرلىقتاعى ەڭ الىپ شەكارا وتانىمىزدىڭ مىزعىماس تاعانىنا اينالدى. قازاقستان الەمدىك قاۋىمداستىقتا بەيبىتشىل ايشىقتى ساياساتى ارقىلى ورنەك سالدى, كوپتەگەن جاھاندىق باستاماعا ۇيىتقى بولدى. سىرتقى ساياساتىمىزدا وسى ساباقتاستىقتىڭ جەمىستى جالعاسىپ كەلە جاتقانىن پرەزيدەنت قاسىم-جومارت كەمەل ۇلى توقاەۆتىڭ سوڭعى 100 كۇندەگى ءىس-شارالارىنان دا اڭعارۋعا بولادى.
