سوتسياليستىك قازاقستان
قازاقستان • 25 قازان, 2023
قادىر مىرزاليەۆ: 1990 جىلعى 25 قازان كۇنگى 18 ساعات 55 ءمينوتتى ەسىمىزگە ساقتايىق
ەگەمەندىك دەكلاراتسياسى قابىلدانار تۇستا «سوتسياليستىك قازاقستان» گازەتىندە تاريحي قۇجات تۋرالى بىرقاتار ماقالا جاريالاندى. گازەتتىڭ 1990 جىلعى قازان ايىنداعى شىعارىلىمدارىن اقتارىپ وتىرىپ سونىڭ بىرنەشەۋىنە كوزىمىز ءتۇستى. ماسەلەن باسىلىمنىڭ 26 قازانداعى ءنومىرى ەگەمەندىگىمىزدى سۇيىنشىلەگەن. گازەتتىڭ ماڭدايشاسىنا «كەشە, 1990 جىلعى 25 قازاندا, قازاق سسر جوعارعى سوۆەتىنىڭ ەكىنشى سەسسياسى قازاق سوۆەتتىك سوتسياليستىك رەسپۋبليكاسىنىڭ مەملەكەتتىك ەگەمەندىگى تۋرالى دەكلاراتسيا قابىلدادى. ەگەمەندىگىڭ قۇتتى بولسىن, ەلىم!», دەپ جازىلعان. پارلامەنتتەگى تىلشىلەر گ.ەڭسەپوۆا مەن ءا.الىبەكوۆتىڭ «ەگەمەندىك ەل ءۇمىتى ەدى» اتتى ماقالاسى ءبىرىنشى بەتكە بەرىلىپتى.
