سينوفوبيا
قوعام • 20 اقپان, 2022
سينوفوبيالىق كوزقاراستاردىڭ اسەرى مەن سالدارى
سينوفوبيا –انتيقىتايلىق كوڭىل كۇيدى بىلدىرەتىن تەرمين. ياعني بۇل – قىتايعا قاتىستى بارلىق نارسەگە ۇرەيمەن, كۇدىكپەن قاراۋ تۇسىنىكتەرىنىڭ جيىنتىق ۇعىمى. قىتايعا بۇنداي كوزقاراسپەن قاراۋ قوعامدا شيەلەنىستەردىڭ تۋىنداۋىنا, ءدىني جانە ۇلتتىق تۇرعىدان بولشەكتەۋگە اكەلەتىن جاعىمسىز جايتتاردىڭ پايدا بولۋىنا سەبەپ بولادى. سينوفوبيا قازىر جاھاندىق ترەندكە اينالۋدا. دەگەنمەن بۇل ءۇردىس – قىتايعا گەوگرافيالىق تۇرعىدا جاقىن ورنالاسقان ەلدەر مەن قىتايدىڭ ينۆەستيتسيالىق بەلسەندىلىگى كەڭىنەن تاراعان ەلدەرگە ءتان قۇبىلىس بولىپ وتىر. اسىرەسە بۇل قىتايمەن شەكارالاس جاتقان شىعىس, ورتالىق جانە وڭتۇستىك ازيا ەلدەرىندە ءجيى كەزدەسەدى. سونداي-اق سينوفوبيا ءۇردىسى باتىس الەمىنىڭ كەيبىر ەلدەرىندە دە, ياعني اۋستراليا مەن كانادادا, رەسەي مەن تۇركيادا كورىنىس بەرەدى.
