سايىن اراتاەۆ
سۇحبات • 21 قىركۇيەك, 2021
قولىمنان تەك بوكس باپكەرى بولۋ كەلەدى - سايىن اراتاەۆ
بۇگىنگى قازاق بوكسىندا سايىن اراتاەۆتاي باپكەرلەر نەكەن-ساياق... نەگە دەيسىز عوي. ولاي بولسا تىڭداڭىز. بىرىنشىدەن, بۇل كىسى ءبىر جەردە – قاراعاندىداعى ءاليا مولداعۇلوۆا اتىنداعى سپورتقا بەيىمدى, دارىندى بالالارعا ارنالعان مەكتەپ-ينتەرناتتا تابان اۋدارماي 42 جىل قىزمەت ەتتى. ەكىنشىدەن, ساكەڭ – افينا وليمپياداسىنىڭ قولا جۇلدەگەرى سەرىك ەلەۋوۆ پەن لوندون وليمپياداسىنىڭ چەمپيونى سەرىك ساپيەۆتى بالاڭ كەزدەرىندە جاتتىقتىرعان جامپوز باپكەر. البەتتە, بىلايعى جۇرت مۇنى بىلە دە بەرمەيدى. ءبىر ەسەپتەن, سايىن اراتاەۆتىڭ وزىنەن دە بار. باسقالار بولسا باياعىدا-اق جەر-دۇنيەگە جار سالىپ, كەۋدە سوعىپ جۇرەر ەدى-اۋ. ال سايىن اعامىز بولسا ويتپەدى. «شاكىرتتەرىم مەنى كورگەن جەرىندە جاندارى قالماي, استى-ۇستىمە ءتۇسىپ جاتادى. سونىڭ ءوزى جەتەدى ماعان», دەپ كۇرەك ءتىسىن اقسيتىپ كۇلەدى دە تۇرادى...
