راحىمجان قوشقارباەۆ – 100
تۇلعا • 19 قازان, 2024
نامىسقا باسپاساق, الىسقا بارمايمىز!
2025 جىلى فاشيزمگە قارسى سوعىستىڭ اياقتالعانىنا 80 جىل بولادى. قازاق حالقىنىڭ باتىر ۇلى راحىمجان قوشقارباەۆ پەن ونىڭ قاندىكويلەك قارۋلاسى گريگوري بولاتوۆ ەكەۋى وق پەن وت كەشىپ, 1945 جىلى ءساۋىر ايىنىڭ اياعىندا قاھارماندىقپەن رەيحستاگقا جەڭىس تۋىن تىكتى. ەكىنشى دۇنيەجۇزىلىك سوعىستىڭ اياقتالعانىنا تالاي ۋاقىت وتسە دە, اقيقاتى بۇگىنگە دەيىن تولىق اشىلعان جوق. مىسالى, وسى ەكى تۇلعاعا دا «كەڭەس وداعىنىڭ باتىرى» اتاعىن بەرمەۋ سەبەبى ءالى كۇنگە بەلگىسىز.
