راسيما تەمەرباەۆا
قوعام • 18 مامىر, 2021
شاعىن اسحانادا جۇمىس قاۋىرت. مۇندا تاماقتانۋعا كەلەتىندەردىڭ دەنى قارتتار. قايىرىمدىلىق ماقساتتا ۇلەستىرىلەتىن تاعامدار تەك مۇقتاج جاندارعا عانا ارنالعانىنا قاراماستان, زەينەت جاسىنداعى تۇرعىندار ءۇشىن راسيما تەمەرباەۆا اشقان اسحاناداعى ءدامدى تاعامنان اۋىز تيۋ داستۇرگە اينالعان. وسىلايشا, كۇندەلىكتى الماتى قالاسىنداعى ايمانوۆ جانە شاشكين كوشەلەرىندەگى دۇڭگىرشەكتەر ماڭى تۇسكى مەزگىلدە ابىر-سابىر. مۇندا دەمالىستان تىس كۇندەلىكتى 150-دەي ادام تەگىن تاماقتانا الادى. بايقاعانىمىز, اسحاناعا زەينەتكەرلەر تاماقتانۋ ءۇشىن عانا كەلمەيدى. ءبىر-ءبىرىن ساعىنا كورىسكەن, اڭگىمە ايتۋعا بەيىل جانداردىڭ جۇزىنەن جىلىلىقتىڭ نىشانى بايقالادى.
