ورازبەك سارسەنباي
ادەبيەت • 02 ماۋسىم, 2021
جازۋشى ورازبەك سارسەنباي تۋرالى ءبىر ۇزىك سىر
جيىرماسىنشى عاسىردىڭ الپىسىنشى جىلدارى ادەبيەت اسپانىندا جاسىنداي جارق ەتكەن ءبىر شوعىر جاس بۋىن جارىق جۇلدىزداردىڭ ورتاسىنان ويىپ تۇرىپ ورىن العان ورازبەك سارسەنباي, «ولەڭ – ءسوزدىڭ پاتشاسى ءسوز ساراسى» دەپ ۇلى اباي ايتقانداي, العاش قازىرگىدەي قارا ءسوزدىڭ ەمەس, سارا ءسوزدىڭ ساڭلاعى بولىپ تانىلعانىن كوزىقاراقتى وقىرمان قاۋىمى جاقسى بىلەدى. بىلگەندە دە اقىن ورازبەكتىڭ سول 1962 جىلى رەسپۋبليكالىق جاستار گازەتى «لەنينشىل جاستىڭ» (قازىرگى «جاس الاش») بەتىندە جارىق كورگەن «1961 جىل» پۋبليتسيستيكالىق پوەماسى ادەبيەتتىڭ اينالاسىندا جۇرگەن جايساڭداردىڭ وزدەرىنىڭ توبەلەرىنەن جاي تۇسىرگەندەي ايدى اسپانعا ءبىر-اق شىعارعانىنان دا, سوڭى ۇلكەن شۋ مەن داۋ-دامايعا اينالعانىنان دا حاباردار بولاتىن.
