مومىنجانوۆتار
قازاقستان • 13 قىركۇيەك, 2021
الماتى مەملەكەتتىك قۋىرشاق تەاترىنداعى مومىنجانوۆتار وتباسىن ارىپتەستەرى سىرتىنان «ميلليونەر وتباسى» دەپ ازىلدەيدى. ايتپەگەندە شە, ءبىر كاسىپ, ءبىر تەاتر, ءبىر ورتا, ءبىر وتباسى ورتاقتاستىرعان ەرلى-زايىپتى ارتىستەردىڭ ەكەۋى دە تالانتتى, ەكەۋى دە ەڭبەكقور. وتاعاسى بولات مومىنجانوۆ ەلىمىزدىڭ مادەني كەڭىستىگىندە رۋحاني قۇندىلىقتاردى دارىپتەپ جۇرگەن ۇزدىكتەرگە بەرىلەتىن «ساحناگەر» ۇلتتىق تەاتر بايقاۋىنىڭ جۇلدەگەرى بولسا, جۇبايى ۇلبوسىن تەاتر قايراتكەرلەرى وداعىنىڭ «ەڭلىكگۇل» سىيلىعىن جەڭىپ العان. تەاتر ونەرىندەگى تالانتتى ارتىستەرگە بەرىلەتىن ەڭ جوعارعى سىيلىقتى ميلليون تەڭگەمەن بىرگە ەنشىلەگەن ەكەۋى سودان بەرى ءوز ورتاسىندا «ميلليونەر وتباسى» اتانىپ كەتتى.
