مەملەكەتتىك ءانۇران
قازاقستان • 04 ماۋسىم, 2025
بۇگىن – مەملەكەتتىك رامىزدەر كۇنى
مەملەكەتتىك رامىزدەر – ەلدىڭ ۇلتتىق بولمىسىن, دەربەستىگى مەن تاۋەلسىزدىگىن بۇكىل الەمگە تانىتاتىن بەلگى. قازاقستان دا ءوز ەگەمەندىگىن جاريالاعان كەزدە ونى ەڭ الدىمەن تاۋەلسىز ەلدىڭ ساياسي مارتەبەسىن بىلدىرەتىن تاۋەلسىزدىك دەكلاراتسياسىن قابىلداۋ ارقىلى بەكىتتى. سودان كەيىن كۇن تارتىبىندە مەملەكەتتىك رامىزدەردى قابىلداۋ ماسەلەسى تۇردى. ەلىمىزدىڭ تۇڭعىش رامىزدەرى – تۋ مەن ەلتاڭبا تاۋەلسىزدىگىمىزدىڭ جاريالانۋىنىڭ ءدال 130-شى كۇنى, ياعني 1992 جىلدىڭ 4 ماۋسىمىندا قابىلداندى. ال ءانۇران ءماتىنى سول جىلدىڭ 11 جەلتوقسانىندا بەكىتىلدى. بيىل وسى رامىزدەرگە 33 جىل تولدى. رامىزدەردىڭ مەملەكەتتىك جانە ەتنيكالىق بىرەگەيلىكتى بىلدىرەتىن ءتۇرلى ءمان-مازمۇنى بار, دەپ جازادى Egemen.kz.
