ءلاززات قوجاحمەتوۆا
تۇلعا • بۇگىن, 10:00
قۇرمەتكە بولەنگەن انا: ءلاززات تايمىرقىزىنىڭ تاعىلىمعا تولى عۇمىرى
8 ناۋرىز – ايەل-انانىڭ قادىرى مەن قوعامداعى ءرولىن ايرىقشا ايشىقتايتىن مەرەكە. وسىنداي مەرەيلى كۇن قارساڭىندا ەل ىسىنە بەلسەنە ارالاسىپ, قوعامدىق جاۋاپكەرشىلىكتى نازىك بولمىسىمەن ۇيلەستىرە بىلگەن تۇلعالار ەسكە تۇسەدى. سولاردىڭ ءبىرى – ءلاززات تايمىرقىزى قوجاحمەتوۆا. ونىڭ ءومىر جولى ءبىر عانا سالامەن شەكتەلمەيدى. جۋرناليستيكا, ۇستازدىق, قوعامدىق قىزمەت, مەملەكەتتىك باسقارۋ, دەپۋتاتتىق مىندەت, ۇلتتىق دەڭگەيدەگى كەڭەستەر مەن كوميسسيالار – مۇنىڭ ءبارى ونىڭ تاعدىرىندا توعىسقان. ءلاززات تايمىرقىزىنىڭ ەڭبەك جولىنا ۇڭىلگەندە ەڭ الدىمەن انا جۇرەگىن, ازاماتتىق ۇستانىمىن جانە قوعام الدىنداعى جاۋاپكەرشىلىگىن اڭعاراسىز. ونىڭ ونەگەلى ءومىرى – قازىرگى قازاق ايەلىنىڭ جاڭا بەينەسىن ايقىندايتىن تاعىلىمدى ۇلگى.
