كورسەڭ
ايماقتار • 25 قاڭتار, 2022
قوستانايدا اتا-انا قامقورلىعىنان ايىرىلعان جانە جەتىمدەر ساناتىنا جاتاتىن 2 مىڭنان استام بالا باسپانا كەزەگىندە تۇر. بالا دەيمىز-اۋ, كەزىندە كەزەككە بالا بولىپ تىركەلگەن مۇقتاجداردىڭ الدى بۇگىندە وتىزدان اسىپ كەتكەن. مۇنىڭ سىرتىندا, ءۇي كەزەگىندە تۇرعان ءى جانە ءىى توپتاعى 795 مۇگەدەك تاعى بار. ولاردىڭ ءبىرازى مەملەكەتتەن الاتىن ازىن-اۋلاق جاردەماقىنىڭ كوبىن وزدەرى جالداپ وتىرعان پاتەردىڭ ايلىق اقىسىنا جۇمسايدى. بۇلار دا جەتىم. كوپ ىشىندە جوقتىقپەن, جالعىزدىقپەن بەتپە-بەت قالىپ, تۇرمىس پەن دەنساۋلىقتىڭ تاۋقىمەتىن قاتار تارتىپ, شاراسىزدىقتىڭ شىرماۋىنان شىعا الماي وتىرعان الەۋمەتتىك جەتىمدەر. كوبى جاسىق, مومىن, بىرتوعا تىرشىلىك ەتىپ جاتقان ارتىق اڭگىمەسى جوق بۇيىعى جاندار. ولاردىڭ جالدامالى پاتەردىڭ ىشىندەگى جالدامالى جاستىققا توگىلگەن ىستىق كوز جاسىن سۋىق قابىرعانىڭ سىرتىنداعى كوپشىلىك سەزىنە المايدى.
