كەرۋەن جىردىڭ كۇيمەسىندە
مادەنيەت • 12 ماۋسىم, 2025
استانا قالاسىندا جىرشى ۇلدانا نۇرتۋعانقىزىنىڭ «كەرۋەن جىردىڭ كۇيمەسىندە» اتتى جەكە كونتسەرتى ءوتتى. قازاق ۇلتتىق ونەر ۋنيۆەرسيتەتىن بيىل تامامداعان جاس ونەرپاز سىر وڭىرىندەگى جيەنباي جىراۋ مەكتەبىنىڭ وكىلى. قازىر ونىڭ زەردەسىندە بالقى بازار, تۇرماعامبەت, شوراياقتىڭ ومارى سىندى سىر ساڭلاقتارىنىڭ مۇراسىنان باستاپ, كورۇعلى, ەدىگە باتىر سىندى ەپيكالىق شىعارمالاردىڭ ۇلكەن قورى بار. راسىندا ساف ونەردىڭ جۇپارى جۇقپاعان اسىرەڭكى ارتىستەردىڭ كەۋلەگەن تۇسىندا قىرىق مىڭ جولدىق داستانداردى جادىنا توقىعان جاس ونەرپازدىڭ ۇلكەن ساحناعا كوتەرىلۋى – ەل رۋحانياتىنىڭ جاڭا تىنىسى ءھام جارقىن قۇبىلىسى, دەپ جازادى Egemen.kz.
