جاڭاارقا اۋدانى
بوكس • 19 مامىر, 2024
جاڭاارقادا ۇلتتىق ۇلان باتىرىن ەسكە الۋعا ارنالعان تۋرنير اياقتالدى
بۇگىن ۇلىتاۋ وبلىسىنا قاراستى جاڭاارقا اۋدانىندا ۇلتتىق ۇلاننىڭ باتىرى, رەسپۋبليكالىق جارىستاردىڭ چەمپيونى مارقۇم ايبات امانوۆتىڭ قۇرمەتىنە ۇيىمداستىرىلعان بوكستان ءۇش كۇندىك تۋرنير مارەسىنە جەتتى. جابىلۋ سالتاناتىنا باتىردىڭ اتا-اناسى مەن تۋىستارى, مارقۇمنىڭ قىزمەت اتقارعان ۇلتتىق ۇلاننىڭ «وڭتۇستىك» وڭىرلىك قولباسشىلىعى 5514 اسكەري ءبولىمى, سونداي-اق اۋدان اكىمدىگىنىڭ ارداگەرلەرى مەن وكىلدەرى قاتىستى. وبلىستىڭ دەنە شىنىقتىرۋ جانە سپورت باسقارماسىنىڭ قولداۋىمەن وتكەن دودادا جاڭاارقا, شەت اۋدانى, اقادىر كەنتىنەن كەلگەن بوكسشىلار ءوزارا مىقتىنى انىقتادى. ساراپشىلار دا سپورتتىق شارانىڭ جوعارى دەڭگەيدە وتكەنىن ءبىراۋىزدان ايتتى.
