جاقىپ حايرۋشەۆ
ەنەرگەتيكا • 08 تامىز, 2025
جاقىپ حايرۋشەۆ: قازاقستان ەكونوميكالىق دامۋدىڭ جاڭا كەزەڭىندە
ءبىزدىڭ ەل اۆازا ءىس-قيمىل باعدارلاماسىن تۇراقتى, ينكليۋزيۆتى جانە ورنىقتى كەلەشەككە جەتكىزەر جول كارتاسى رەتىندە تولىق قولدايدى. بۇل تۋرالى پرەزيدەنت تەڭىزگە شىعار جولى جوق دامۋشى ەلدەرگە ارنالعان بۇۇ-نىڭ 3-ءشى كونفەرەنتسياسىندا ايتتى. قاسىم-جومارت توقاەۆ بۇل ماڭىزدى باستاما ترانزيتتىك ەلدەردىڭ, دامۋ جونىندەگى حالىقارالىق ۇيىمدار مەن قارجى ينستيتۋتتارىنىڭ ساياسي قولداۋىنا يە بولۋى ءتيىس, دەدى. مەملەكەت باسشىسى كولىك, ەنەرگەتيكا مەن تسيفرلىق ينفراقۇرىلىم سياقتى نەگىزگى سەكتورلارعا ينۆەستيتسيا ىنتالاندىرۋعا يننوۆاتسيالىق قارجى تەتىكتەرى قاجەت ەكەنىن ايتتى. ەنەرگەتيكا مينيسترلىگى قوعامدىق كەڭەسىنىڭ توراعاسى جاقىپ حايرۋشەۆتىڭ پىكىرىنشە, قازاقستان ورتا ەكونوميكاسى بار ەل رەتىندە كوبىرەك قابىلدانۋدا ءارى بۇل مارتەبە ونىڭ ەنەرگەتيكالىق الەۋەتى تۇرعىسىنان ەرەكشە وزەكتى. تولىمدى تاقىرىپتى ارنايى سۇحباتتا تالقىلاپ كورەلىك.
