جاميليا باحتيارقىزى
ادەبيەت • 05 جەلتوقسان, 2023
اۋىر دەرتتەن ايىققان قازاق قىزىنىڭ كىتابى 7 تىلگە اۋدارىلدى
قالامدى سەرىك ەتكەن قاۋىم قايسىبىر شىعارمالارىنىڭ شىعۋ تەگى – تاعدىرى ەكەنىن ءجيى ايتىپ جۇرەدى. اسىلىندا دا, شىعارمانىڭ شىعۋىنا – اۆتوردىڭ تاعدىرى مەن تۇيگەنى تۇرتكى بولىپ جاتادى. بۇگىن ءبىز 10 جاسىندا توتەننەن تانىنە دەرت جابىسسا دا, رۋحى سىنباعان جاس جازۋشىمەن سىر-سۇحبات ۇسىنباقپىز. 10 جىل بويى نازىك الەمىن «الپاۋىت اۋرۋعا» جەڭدىرمەگەن جاميليا باحتيارقىزى سىن شاقتاعى جان سىرىن «بايشەشەك» تۋىندىسىنا ارقاۋ ەتەدى. اۆتور 20 جاسىندا ەكى كىتاپ جازىپ شىعادى. ەكىنشىسى, «قارلىعاش. ماحاببات ەسكەرتكىشى» دەپ اتالادى. ونىڭ شىعارمالارى تالاي جاننىڭ قايتا اياقتان تۇرۋىنا سەپ بولعان «موتيۆاتسيا مايدانىنىڭ ساربازدارى». جاميليا باحتيارقىزىنىڭ تۋىندىلارى الەمنىڭ 7 تىلىنە اۋدارىلعان.
