دارىگەر ءازيزا
مەديتسينا • 23 قاراشا, 2023
بالاڭىزدا اۋرۋدىڭ بۇل بەلگىلەرى بايقالعاندا دەرەۋ دارىگەرگە قارالۋ كەرەك - پەدياتر
قىستىڭ ىزعارى سەزىلىپ, كۇن سۋىتا باستاعاندا بالالار اراسىندا تۇماۋدىڭ ءورشيتىنى بەلگىلى. اۋرۋدىڭ اسقىنۋىنا اتا-انانىڭ دەر كەزىندە ساۋاتتى ەم-شارا جۇرگىزبەۋى دە اسەر ەتەدى. بالا اعزاسىن سالقىن تەمپەراتۋراعا بەيىمدەۋ, سۋىققا قارسى يممۋنيتەت قالىپتاستىرۋ ماڭىزدى. قىس كەلسە بالانى قابات-قابات كيىممەن قىمتاپ, ۇيدە قاماپ ۇستاۋ ادەتى قانعا سىڭگەن. بۇل قانشالىقتى دۇرىس؟ بالانىڭ تۇماۋعا قارسى قالقانىن دايىنداۋدا بەرىلەتىن بازالىق دارۋمەندەر جيىنتىعى قانداي؟ بالا اعزاسىن قىستا ءورشيتىن اۋرۋلارعا قارسى قويۋدا اتا-انا ەسكەرەتىن العاشقى جادنامالاردى جالپى تاجىريبەلىك دارىگەر, پەدياتر-ماسساجيست, «دارىگەر - انا» كىتابىنىڭ اۆتورى, ونلاين ارقىلى مىڭداعان اناعا وي سالىپ جۇرگەن كاسىبي مامان ءازيزا ابدىراسىلقىزىنان سۇراپ بىلدىك.
