ءدىلدار مامىرباەۆا
اباي • 28 ءساۋىر, 2025
«اباي جولىن» العاش وقىعاندا...
بيىل حاكىم ابايدىڭ ومىرگە كەلگەنىنە 180 جىل تولدى. اقىلى مەن دانالىعى جۇرتتان اسقان اعا سۇلتاننىڭ بالاسى زامانىنان وزىپ تۋعان تۇلعا رەتىندە ۇلىقتالىپ كەلەدى. تەك قازاق جۇرتى عانا ەمەس, كۇللى الەم ادەبيەتىندە وزىندىك ورىنى بار اباي قۇنانباي ۇلىنىڭ ءومىرىن سۋرەتتەگەن «اباي جولى» ەپوپەياسى كىتاپ بولىپ جارىققا شىققاننان بەرى وقىرماننىڭ قولىنان تۇسپەي, جىل سايىن بيىكتەپ كەلەدى. وتكەندە جازۋشى مۇحتار ماعاۋيننىڭ «ابايدىڭ سۋرەتى» اتتى كولەمدى ەسسەسىن وقىپ وتىرىپ, «ابايدى العاش وقىعاندا ءار ادام ءارتۇرلى كۇي كەشكەن بولار؟» دەگەن ساۋالدىڭ توڭىرەگىندە ويلاندىم. ايتپاقشى, مۇحتار ماعاۋين «اباي جولى» رومانىنىڭ ەكى تومىن نەبارى 8 جاسىندا وقىپ تاۋىسقانىن جازادى. ال وزگە قالامگەرلەر ابايدى العاش وقىعاندا, قانداي اسەردە بولدى ەكەن, سويلەتىپ كورەلىك. بۇل تۋرالى جازۋشى ءدىلدار مامىرباەۆا اڭگىمەلەستىك.
