سپورت • 20 مامىر, 2025

ەلىمىزدە ۇلتتىق سپورتقا قانشالىقتى كوڭىل ءبولىنىپ جاتىر

ەلىمىزدە ۇلتتىق سپورتتى ۇناتىپ قانا قويماي, ءمان بەرە اينالىسىپ جۇرگەندەر ءنوپىرى ارتىپ كەلەدى. قالىڭ قاۋىم دەن قويىپ, قايتا سانگە اينالعان سپورتتىڭ ءبىرى – ساداق اتۋ. ەجەلدە جاۋعا شاپقاندا العىشەپتەن قورامساققا قول سالعان مەرگەندەر ورىن العان. بەيبىت كۇندە مازمۇنى تۇرلەنگەن ساداق اتۋ ويدى جيناقتاپ, ەپتىلىككە باۋليتىن – ۇلتتىق سپورت. ەلىمىزدە رەسپۋبليكالىق ساداق اتۋ فەدەراتسياسى 2019 جىلى قۇرىلعان. 2022 جىلعا دەيىن ءوزىن سپورت رەتىندە دالەلدەپ, سول جىلدىڭ قازانىندا تۇڭعىش رەت ماڭعىستاۋدا قر چەمپيوناتى ءوتتى. العاشقى مەرگەندەر باسەكەسىنە 200-گە جۋىق ادام قاتىسقان. فەدەراتسيا قۇرىلعان تۇستا ساداق اتۋدى جانىنان سەرىك ەتىپ, كاسىبي دەڭگەيدە كوڭىل بولگەن 50 سپورتشى بولسا, بۇگىندە بۇل كورسەتكىش 300-گە جەتكەن. ونىڭ ىشىندە 52 مەرگەن ەل نامىسىن ءار دەڭگەيدەگى ءدۇبىرلى دودالاردا قورعاپ ءجۇر. سونداي-اق حالىقارالىق دەڭگەيدەگى 8 ساداقشى مەملەكەت تاراپىنان ستيپەنديا يەگەرى اتانعان. ساداق اتۋدىڭ تارتىمدىلىعى ارتا تۇسكەنىن فەدەراتسيانىڭ 20 وڭىردە اشىلعانىن-اق اڭعارۋعا بولادى, دەپ جازادى Egemen.kz.