گ.بەلگەر
ادەبيەت • 12 مامىر, 2021
فورماتسيالىق دامۋ ۇلگىسى عانا ەمەس, مىنەز-ق ۇلىقتارى دا ءبىر-بىرىنە ۇقسامايتىن حالىقتاردىڭ اراسىن جاقىنداتا تۇسكەنى ءۇشىن ادام بالاسى ەڭ الدىمەن ادەبيەتكە قارىزدار. ءسوز ونەرى قيالىمىز تۋعىزعان مىنا ءفانيدىڭ جالعان كورىنىسى ەكەنىنە قاراماستان, ول بىزگە كۇرمەۋى كۇردەلى تىرشىلىكتىڭ تەرەڭىندە جاسىرىنعان قۇندىلىقتاردى تابۋعا كومەكتەسىپ كەلەدى. ناسىلدىك, ءدىني-عۇرىپتىق ايىرماشىلىعىمىزعا, قاي جەردە, (مەيلى ول ساحارانىڭ ءشولى مە, الدە, تەڭىزدىڭ كوك مايسا جاعالاۋى ما, نەمەسە ءتىپتى شەكسىزدىگى ساعىمدى دا اداستىراتىن كەڭ بايتاق دالا ما) تۋىپ, پەشەنەمىزگە قانداي ۇلتتىڭ وكىلى بولۋ تاعدىرى جازىلعانىنا قاراماستان ادەبيەت ءبارىمىزدى مۇڭايتاتىن, قۋانتاتىن, تابىستىراتىن, تاڭعالدىراتىن, بىرىكتىرەتىن, اياۋشىلىعىمىزدى وياتىپ, باۋىرماشىلدىق سەزىمىمىزدى ارتتىرا تۇسەتىن, اقىلمەن ءتۇسىندىرىپ بەرە المايتىن, ءبىزدىڭ سانامىزدان دا بيىك تۇرعان – قۇدايدىڭ قۇپياسى.
