باعداۋلەت كەنجاليەۆ
قوعام • 09 قاڭتار, 2024
پرەزيدەنتتىڭ «Egemen Qazaqstan» گازەتىنە بەرگەن سۇحباتىنىڭ ء«بىز وزىق ويلى ۇلت رەتىندە تەك قانا العا قاراۋىمىز كەرەك!» دەپ اتالۋى بىزگە, عالىمدار الدىنا ۇلكەن ماقسات قويىپ وتىر. بۇگىندە ەلىمىز ىلگەرى دامۋ ءۇشىن اۋقىمدى رەفورمالار جۇرگىزىلىپ جاتىر. وسىعان ساي, قوعامنىڭ بەت-بۇرىسى وزگەرىسكە ءتۇسىپ وتىر. ادامداردىڭ ساناسى جاڭارىپ جاتىر, عىلىمي كوزقاراسقا دەگەن سەرپىلىس قالىپتاسىپ وتىر. كەشەندى رەفورمالار ساناتىندا عىلىم-بىلىمگە دەگەن قۇلشىنىستار دامۋ ۇدەرىسىنە تۇسكەن. كەز كەلگەن باستاما جاڭا مۇمكىندىكتەرگە شاقىراتىنى راس. پرەزيدەنت ءوز سۇحباتىندا «ەڭبەكقورلىق پەن جاسامپازدىق جوعارى باعالانۋعا, بىلىمپازدىق پەن جاڭاشىلدىق سالتانات قۇرۋعا ءتيىس ەكەنىن» ناقتى كورسەتىپ بەرۋى عىلىمي ورتادا قولداۋ تاۋىپ وتىر. پرەزيدەنتتىڭ بۇل اۋقىمدى ىسكە ۇلكەن دايىندىقپەن سالانى زەرتتەپ, ءبىلۋ ارقىلى كەلگەنى بايقالادى.
