اتىراۋ ەكسپەديتسياسى
رۋحانيات • 16 قىركۇيەك, 2021
تالاي عاسىر تۇرا بەرەر ءالى دە
اتىراۋدىڭ ءاپايتوس دالاسى قۇندى تاريحقا تۇنىپ تۇر. قازىنالى ءوڭىردىڭ توپىراعىندا جاۋعا قارسى قول باستاعان باتىرلار دا, قازاقتىڭ شۇرايلى تىلىمەن ورنەكتى ءسوز ورگەن اقىندار مەن جىراۋلار دا, ءتىپتى تىلسىمى جۇمباق سان عاجايىپ قاسيەتىمەن جۇرت جادىندا جاتتالعان اۋليەلەر دە ماڭگىلىككە تىنىستاپ جاتىر. تاريحي-مادەني مۇرانى زەرتتەۋ ورتالىعىنىڭ باسشىسى مۇحامبەتقالي كيپيەۆتىڭ ايتۋىنشا, ەلباسى – تۇڭعىش پرەزيدەنت نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىنان كەيىن قازاقستاننىڭ كيەلى جەرلەر گەوگرافياسىنىڭ كارتاسىنا 7 نىسان ەنگەن. سونداي-اق جەرگىلىكتى ماڭىزى بار نىساندار تىزىمىندە 20 نىسان بار. اپتا باسىندا «Egemen Qazaqstan» مەن «كازاحستانسكايا پراۆدا» گازەتتەرى ۇيىمداستىرعان «اتامەكەن» ەكسپەديتسياسى سول نىسانداردىڭ بۇگىنگى جاي-كۇيىمەن تانىستى.
