اسىرعان
ەلباسى • 30 قاراشا, 2021
XX عاسىرداعى 80-جىلدارىنىڭ سوڭى مەن 90-جىلداردىڭ باسىنداعى سىندارلى وقيعالار سول كەزەڭدەگى حالىقارالىق قارىم-قاتىناستاردىڭ بيپوليارلىق جۇيەسىن قۇلدىراتتى. ءسويتىپ, الەمنىڭ ساياسي كارتاسىندا جاڭا تاۋەلسىز مەملەكەتتەر پايدا بولدى. عالامدىق گەوساياساتتا تەكتونيكالىق وزگەرىستەرمەن قاتار, ەۋرازيا مەن شىعىس ەۋروپا كەڭىستىگىندە بۇرىننان قوردالانىپ قالعان جانە جاڭادان پايدا بولعان ازاماتتىق جانە مەملەكەتارالىق قاقتىعىستار شيەلەنىسە ءتۇستى. سونىمەن بىرگە ۇيىمداسقان قىلمىس, سەپاراتيزم, ءدىني ەكسترەميزم, تەرروريزم, ەسىرتكىنىڭ زاڭسىز اينالىمى سەكىلدى جاڭا سىن-تەگەۋرىندەر مەن قاۋىپ-قاتەرلەر شىعا باستادى. بۇل پوستكەڭەستىك ەلدەرگە عانا ەمەس, شارتاراپتا ورنىققان الەۋمەتتىك-ساياسي جانە ەكونوميكالىق تۇراقتىلىققا نۇقسان كەلتىرۋى مۇمكىن ەدى.
