انارگۇل مۋشكانوۆا
ۆولونتەر • 20 ماۋسىم, 2024
تاسقىن كەزىندە بىرلىك پەن قامقورلىقتىڭ نە ەكەنىن تۇسىندىك - اقمولالىق ەرىكتى
بيىلعى سۋ تاسقىنى سالدارىنان ەلدىڭ 10 وبلىسىندا توتەنشە جاعداي جاريالاندى. بۇل - كولەمى جاعىنان سوڭعى 80 جىلداعى ەڭ ءىرى تابيعي اپات. وسىناۋ قيىن-قىستاۋ كەزەڭدە حالىقتىڭ ءبىر جۇدىرىقتاي جۇمىلعانى ءبىرشاما قايعىلى وقيعانىڭ الدىن الدى. بولارى بولدى, تاسىعان سۋ جەرگە ءسىڭدى, جان-جاققا اعىزىلدى. ۋاقىت وتە كەلە ءبارى قالپىنا كەلەتىنى بەلگىلى. الايدا حالىقتىڭ كەزەكتى «داعدارىسقا» ۇشىراۋى ءاپ-ساتتە ەستەن كەتە قويماس. باسپاناسىز, كيىم-كەشەك پەن ازىقسىز, مالى مەن م ۇلىكسىز قالعان ازاماتتارعا كەرەگى - جىلۋلىق.
