ەكونوميكا • 14 قاڭتار, 2026

ابزال نارىمبەتوۆ: مۇناي ەكسپورتتايتىن بالاما باعىتتاردى دامىتپاعانىمىز تاريحي قاتەلىك بولدى

كاسپي قۇبىر كونتسورتسيۋمىنىڭ (كقك) ينفراقۇرىلىمىنا جاسالعان درون شابۋىلى قازاقستاننىڭ مۇناي ەكسپورتى قانشالىقتى وسال ەكەنىن تاعى ءبىر مارتە كورسەتتى. ءبىر باعىتقا تاۋەلدى تاسىمال جۇيەسى ەل ەكونوميكاسىن ميللياردتاعان شىعىنعا ۇشىراتىپ, ەنەرگەتيكالىق قاۋىپسىزدىك ماسەلەسىن كۇن تارتىبىنە شىعاردى. Energy Analytics ديرەكتورى ابزال نارىمبەتوۆ بۇل جاعدايدى «تاريحي قاتەلىك» دەپ باعالادى, دەپ جازادى Egemen.kz.

قوعام • 01 جەلتوقسان, 2025

ۋكراينانىڭ كتك-عا شابۋىلى: احۋالعا بايلانىستى ساراپشىلار نە ايتادى؟

بىرەر كۇن بۇرىن ۋكراينا تاراپى كەزەكتى رەت كاسپي قۇبىر كونسورتسيۋمىنا (كتك) شابۋىل جاسادى. 29 قاراشا كۇنى, استانا ۋاقىتى بويىنشا تاڭعى ساعات 06:00-دە نوۆوروسسيسك قالاسىندا ورنالاسقان پورت اۋدانىنداعى تەڭىز ينفراقۇرىلىمىنا ۇشقىشسىز قۇرىلعىلار شابۋىلداعان. سالدارىنان ايلاقتاعى تيەۋ قوندىرعىسى (اتق-2) ىستەن شىعىپ قالدى. تانكەرلەر تەرمينال اكۆاتورياسىنان تىس جەرگە شىعارىلعان. كتك ارقىلى قازاقستان ءوز مۇنايىنىڭ 80%-ىن ەكسپورتتايدى. ارينە, گەوساياسي جاعداي ۋشىققان 2022 جىلدىڭ اقپانىنان باستاپ مەملەكەت مۇناي تاسىمالىن ءارتاراپتاندىرۋ جولدارىن قاراستىرۋعا كىرىستى. الايدا كتك سياقتى الپاۋىت قۇبىردى كەز كەلگەن تاسىمال جولى وڭايشىلىقپەن الماستىرا سالمايدى. بۇل – تۇسىنىكتى ءجايت. ۋكراينا شابۋىلىنا قاتىستى اۋەلى قازاقستان سىرتقى ىستەر مينيسترلىگى, ودان سوڭ ۋكراينا سىرتقى ىستەر مينيسترلىگى مالىمدەمە جاسادى.