قانات بىرلىك ۇلى«Egemen Qazaqstan»
ايبىن • 29 قازان, 2024
اۋە قالقانى: كۋرسانتتاردىڭ وقۋ-جاتتىعۋ بازاسىنان رەپورتاج
«اعا, تىكۇشاققا مىنگەن قالاي ەكەن؟» دەدى اسكەري جىگىت جانىما جەتە بەرە انتەك جىميىپ. «كەرەمەت, اسەرىمدى سوزبەن سۋرەتتەپ جەتكىزە المايمىن» دەپ اقتارىلا ءتىل قاتتىم. ء«سىز ايتقانداي ىلعي دا كەرەمەت بولا بەرمەيدى» دەدى كەيىپكەرىم اۋىر كۇرسىنىپ. جۇزىندە باعاناعى جىلت ەتكەن كۇلكىنىڭ ءىزى دە قالماپتى. ونىڭ ورنىن لەزدە مۇڭ تورلاپ العانىن سەزدىم. وزىمنەن مۇشەل جاس كىشى جىگىتتىڭ اۋىر كۇرسىنگەنى اسپانعا قاراي الىپ ۇشقان كوڭىلىمدى ءاپ-ساتتە جەرگە ءتۇسىردى. «اعا, سۋ تاسقىنى كەزىندەگى وقيعالاردى كوزىڭىزبەن كورسەڭىز عوي», دەدى ۇزىلگەن اڭگىمەسىن جالعاپ.
