ايماقتار • 19 شىلدە, 2019
قاسيەتتى قىزبەلگە قامقورلىق قاجەت
قوستاناي وبلىسىنا قاراستى ارقالىق-تورعاي باعىتىنداعى تاس جولدىڭ 200 شاقىرىمىنان سوڭ كولىكتى وڭعا بۇرىپ, كەڭەس زامانىندا سالىنعان كوتەرمە جولدىڭ ويقى-شويقىسىنا ءتوزىپ تاعى 50 شاقىرىم ءجۇرىپ وتسەڭىز قىزبەل اۋىلىنان ءبىر-اق شىعاسىز. بۇل اۋىل كەڭەس وداعىنىڭ دۇركىرەپ تۇرعان كەزىندە رەسپۋبليكادا ءىرى قارا سانى بويىنشا الدىڭعى ورىنداردا تۇرعان. بۇگىن دە الەۋەتى ءالسىز ەمەس. 800-گە جۋىق تۇرعىن مال ءوسىرىپ, ساۋدا-ساتتىقپەن كۇن كورەدى.