قوعام • 18 ءساۋىر, 2019
جالدامالى كەيىپكەر – ارزان رەيتينگ, انايى حابار, توگىلگەن ابىروي
الەمدى كوز الدىمىزعا ايناداي توسىپ وتىرعان تەلەەكراننىڭ الدىندا كىم وتىرمايدى دەيسىز. ساناسى سولقىلداق جاس تا, ساليقالى ءسوز كۇتكەن سالماقتى تىڭدارمان دا, ءاربىر ايتىلعان ءسوزدىڭ استارىن ىزدەگەن كىناراتشىل كورەرمەن دە, كورگەنىن سول كۇيىندە قابىلدايتىن اڭعال جاندار دا, مايدان قىل سۋىرعانداي سۇڭعىلالار دا, ءار نارسەدەن پايدا ىزدەگەن پيعىلى بولەك ادامدار دا وتىر.
قوعام • 12 ءساۋىر, 2019
مۇرات جۇرىنوۆ: ادىلەتسىزدىكتىڭ ۇلكەنى – ءاربىر مامانعا وزىنە لايىق قىزمەتىن بەرمەۋ
كەزىندە كسرو عىلىم اكادەمياسىنىڭ پرەزيدەنتى, اكادەميك ا.پ.الەكساندروۆ: «قازاقستان عىلىمى رەسەي مەن ۋكراينادان كەيىن ءۇشىنشى ورىندا تۇر» دەپ ۇلكەن باعا بەرگەنىن كوپكە دەيىن مالدانىپ كەلدىك. ودان بەرى دۇنيە تۇبەگەيلى وزگەردى. تاۋەلسىزدىكتىڭ ەلەڭ-الاڭىندا عىلىمدى توقىراتپاۋعا تالپىندىق. وسى جىلدار بەدەرىندە دە ونى دامىتۋعا از قاراجات سالىنعان جوق. عىلىمدى ەكونوميكامەن, وندىرىسپەن ۇشتاستىرۋعا ۇمتىلىپ باقتىق. عىلىم كۇنى قارساڭىندا ۇلتتىق عىلىم اكادەمياسىنىڭ پرەزيدەنتى, اكادەميك مۇرات جۇرىنوۆپەن اڭگىمەلەسكەن ەدىك. البەتتە, عالىمداردىڭ تىنىس-تىرشىلىگى, كەشە عانا ۇعا قۇزىرىندا بولعان 45 عىلىمي-زەرتتەۋ ينستيتۋتىنىڭ بۇگىنگى احۋالى, مەملەكەتتىڭ مۇددەسىنە قىزمەت ەتەتىن عىلىمنىڭ ديپلوماتيالىق ءرولى سىندى ساۋالداردى سوڭعى ۋاقىتتا ەلىمىزدە بولىپ جاتقان ۇلكەن وزگەرىستەر كەيىنگى سۇحباتقا ىسىردى. سوندىقتان دا اڭگىمە ەل شەجىرەسىندە ورىن الىپ جاتقان تاريحي وقيعالاردان باستاۋ الدى.
قوعام • 11 ءساۋىر, 2019
وزگە ۇلتتىڭ ازاماتىنا تۇرمىسقا شىعىپ, باقىتىن باسقادان تاۋىپ وتىرعان قاراگوزدەر تۋرالى ءسوز قوزعالسا, كوپشىلىكتىڭ پىكىرى ۇدايى ەكىگە جارىلادى. ارالاس نەكەگە جەكە ادامداردىڭ تاعدىرى دەپ قاراۋ كەرەك پە, الدە بۇل جاھاندانۋعا جۇتىلىپ بارا جاتقان حالىقتاردىڭ تراگەدياسى ما؟
