جاستار – ەلدىڭ ەرتەڭى

اقتوبە وڭىرىندەگى جۇمىس ساپارىنىڭ ەكىنشى كۇنى مەم­لەكەتتىك حاتشى گۇلشارا ابدىقالىقوۆا مەن وبلىس اكىمى بەر­دىبەك ساپارباەۆ الدىمەن 2013 جىلى پايدالانۋعا بەرىلگەن 155 كەرەۋەتتىك «دارۋ كلينيكاسى» مەديتسينالىق وڭالتۋ ورتا­لىعى» جشس-ىنە باردى. سەرىكتەستىكتىڭ باس ديرەكتورى عالىمجان ەلەۋوۆ ورتالىق جۇ­مى­سىمەن تانىستىردى. بۇل جوبا­نىڭ قۇنى – 774154,296 ميل­ليون تەڭگە. ورتالىق وسى زامان­عى وزىق مەديتسينالىق قوندىر­عى­لارمەن جانە اپپاراتتارمەن جا­راق­تاندىرىلعان. مۇندا بالالار مەن ەرەسەكتەرگە كوپتەگەن اۋرۋ ءتۇر­لەرى بويىنشا ارناۋلى امبۋ­لا­توريالىق جانە ستاتسيو­نارلىق مەديتسينالىق كومەك كور­سە­تىلەدى. مۇندا گەرمانيادان, شۆەي­تساريادان, يزرايلدەن, چەحيا­دان, تۇركيادان, كورەيادان كاسى­بي بىلىكتىلىگىن جەتىلدىرىپ كەل­گەن مامان دارىگەرلەر جۇمىس ىستەي­دى. وڭالتۋ ورتالىعىندا ەڭبەك ەتە­تىن 303 قىزمەتكەردىڭ 102-ءسى ءدارى­گەر, ونىڭ ون ءتورتى مەديتسينا عى­لىم­دارىنىڭ دوكتورى مەن كاندي­داتى, وتىز التىسى جوعارى سانات­تى دارىگەر بولىپ تابىلادى. ورتا­لىق پايدالانۋعا بەرىلگەننەن بەرى 4277 ادام مەديتسينالىق وڭال­تۋ­دان وتكەن. بۇل مەملەكەت-جەكە­مەنشىك ارىپتەستىگى نەگىزىندە ىسكە قوسىلعان مەديتسينا مەكەمەسى. الداعى ۋاقىتتا وسىنداي تاعى ەكى ەمدەۋ مەكەمەسى مەملەكەت-جە­كەمەنشىك ارىپتەستىك نەگىزىندە پايدالانۋعا بەرىلمەك. وڭىردە مەديتسينالىق كلاستەر قۇرۋ جانە مەديتسينالىق ءتۋريزمدى دامىتۋ كوزدەلۋدە. سودان كەيىن مەملەكەتتىك حات­شى «كاسپي پليۋس» جشس-ءى­نە اتباسىن تىرەدى. كاسىپورىن تاۋ-كەن جانە ءوندىرۋ ونەركاسىبى ءۇشىن ءارتۇرلى بەكىتكىش بۇيىمدار وندىرىسىمەن اينالىسادى. سەرىك­تەستىك ديرەكتورى جاندوس پانگەرەەۆتىڭ مالىمدەۋىنشە, كاسىپ­ورىن جىلىنا 10 مىڭ توننا بەكىت­كىش بۇيىمدار شىعارادى, 1000 توننا مەتالل وڭدەيدى. جوبا­عا 500 ميلليون تەڭگە قارجى سا­لىنعان. قازىر مۇندا 30 ادام ەڭبەك ەتەدى. كاسىپورىنداعى زاما­ناۋي ستانوكتاردىڭ ارقايسىسى وننان استام تەمىر وڭدەۋ جانە جونۋ وپەراتسيالارىن اتقارادى. قازىر كاسىپورىننىڭ قۋاتى قانداي دا كۇردەلى قوسالقى بولشەكتەردى شىعارۋعا, مەتالل وڭدەۋ سالاسىندا قازاقستاننىڭ اۋماعىندا باسەكەگە قابىلەتتىلىكتى جانە يمپورت الماسۋدى ۇلعايتۋعا مۇمكىندىك بەرەدى. مەملەكەتتىك حاتشى مەن ءوڭىر باسشىسى ق.جۇبانوۆ اتىن­داعى وڭىرلىك مەملەكەتتىك ۋنيۆەر­سيتەتىنىڭ ستۋدەنتتەر سارايىندا وتكەن «مەنىڭ جەتىستىگىم – تاۋەل­سىزدىكتىڭ جەتىستىگى» اتتى اي­ماق­ارالىق جاستار فورۋمىنا قاتىستى. فورۋمعا ەلىمىزدىڭ باتىس ايماقتارىنان, كورشىلەس قى­زىل­وردا, رەسەيدىڭ ورىنبور وبلىستارىنان دەلەگاتتار كەلدى. ايماقارالىق جاستار كەزدەسۋلەرىن وتكىزۋ – جاس­تار ساياساتى باعىتىنداعى قا­زاقستان مەن رەسەيدىڭ ەكىجاقتى ينتە­گراتسياسىنىڭ جارقىن ۇلگىسى دەۋگە بولادى. جاستار جيىنىنىڭ شىمىلدىعى ەگەمەن ەلىمىزدىڭ تاۋەلسىزدىك العان 25 جىل ىشىندە ءجۇرىپ وتكەن جولى مەن قول جەتكەن تابىستارى تۋرالى بەينەفيلممەن اشىلدى. وندا الەم مويىنداعان قازاقستاننىڭ ەكونوميكالىق-ساياسي دامۋ باعىتتارى باياندالعان. فورۋمدى كىرىسپە ءسوز سويلەپ اشقان وبلىس اكىمى بەردىبەك ساپارباەۆ بۇگىنگى جاستار جيىنىن نۇرسۇلتان نازارباەۆ ايقىنداپ بەرگەن باسىم باعىتتاردى ورىنداۋ, ايماقتاردىڭ ەكونوميكاسىن دا­مىتۋ, ايماقتار اراسىندا ىن­تىماقتاستىقتى نىعايتۋ ماقسا­تىندا جاسالعان ماڭىزدى قادام رەتىندە باعالادى. ەلباسىنىڭ باس­تاماسىمەن قولعا الىنعان «100 ناقتى قادام» ۇلت جوسپارىنىڭ بەس ينستيتۋتتىق رەفورماسىن جۇزەگە اسىرۋعا جاستاردى بەلسەندى تارتۋ جانە ولاردىڭ شىعارماشىلىق الەۋەتىن دامىتۋعا ىقپال ەتۋ- مەملەكەتتىك ورگانداردىڭ باس­تى مىندەتى ەكەنىن اتاپ ءوتتى. مەم­لەكەت باسشىسى نۇرسۇلتان نازار­باەۆتىڭ «قازاقستان جاڭا جا­ھاندىق ناقتى احۋالدا: ءوسىم, رەفورمالار, دامۋ» اتتى قازاقستان حالقىنا جولداۋىندا اتاپ كور­سەتىلگەنىندەي, جاستارعا زور جاۋاپ­كەرشىلىك جۇكتەلەتىنىن العا تارتا سويلەدى. سونداي-اق, ەل كەلەشەگىنىڭ كەمەلدىلىگى جاستاردىڭ تەرەڭ ءبىلىم الىپ, بىلىكتى مامان بولىپ شىعۋى, ءسويتىپ, تاۋەلسىزدىكتىڭ تۇعىرلى بولۋىنا ەلەۋلى ۇلەس قوسۋى ارقىلى قالىپتاساتىنىن جەتكىزدى. بۇل باعىتتا ەلىمىزدە جاستارعا قولايلى جاعدايلار تۋعىزىلىپ وتىرعانىن اتاپ ءوتتى. سونىڭ ءبىر كورىنىسى رەتىندە «بولاشاق» مەملەكەتتىك باع­دارلاماسىنا توقتالىپ, كوپ­تەگەن جاستاردىڭ شەتەلدەردە ءبىلىم الىپ كەلگەنىن, جاستاردىڭ قو­عامعا قاجەتتى ازامات بولىپ قالىپتاسۋىنا العىشارت جاسايتىن باسقا دا باعدارلامالاردىڭ جۇزەگە اسىرىلىپ جاتقانىن تىلگە تيەك ەتتى. –تاۋەلسىزدىك جىلدارى ەگەمەن ەلگە ايانباي قىزمەت ەتەتىن, العىر دا جۇرەكتى جاستاردىڭ تۇتاس تولقىنى ءوسىپ-جەتىلدى. سوندىقتان دا الەمدەگى وركەنيەتتى ەلدەر قا­تار­ىندا بولۋ ءۇشىن جىگەرلى, جاڭا­شىل يدەيالارمەن قارۋلانعان, ءبىلىم­گە قۇشتار, ۇلتتىق قۇندىلىق­تاردى بويىنا سىڭىرگەن جاستاردى تاربيەلەۋ قاجەت. بۇل ەلىمىزدى الەم­دەگى دامىعان 30 ەلدىڭ قا­تارى­نان ورىن الۋعا جەتكىزەدى, – دەدى ءوڭىر باسشىسى. مەملەكەتتىك حاتشى گ.ءاب­دى­قالىقوۆا مەملەكەت تاراپىنان وسكەلەڭ ۇرپاقتى تاربيەلەۋگە باسا نازار اۋدارىلىپ وتىرعانىن, ەلىمىزدە جاستاردىڭ جان-جاقتى دامۋى ءۇشىن قولايلى جاعدايلار مەن ءتيىمدى جۇمىس ىستەۋ ۇلگىسى جاسالعانىن, قالا مەن اۋدانداردا جاستاردىڭ رەسۋرستىق ورتا­لىقتارى قۇرىلعانىن اتاپ ءوتتى. ول ەلىمىزدە «بولاشاق», «جاسىل ەل», «ديپلوممەن –اۋىلعا!», «جاستار ءتاجى­ريبەسى» «سەرپىن» جوبالارى تابىس­تى جۇزەگە اسىرىلعانىن, ەلبا­سىنىڭ قولداۋىمەن 2017 جىلى تەگىن كاسىپتىك-تەحنيكالىق ءبىلىم بەرۋدى كوزدەيتىن جاڭا جوبا­نىڭ باستاۋ الاتىنىن مالىمدەدى. – ەلباسى ادامي كاپيتالدى دامىتۋ – قازاقستاننىڭ قازىرگى زامان­عا ساي قالىپتاسۋى مەن ءوسۋىنىڭ باستى شارتى رەتىندە ءار­دايىم جاستاردىڭ ءرولىن ەرەكشە اتاۋدا. باسەكەگە قابىلەتتى ادا­مي كاپيتالدى تاربيەلەۋ, اسىرە­سە, جاستاردىڭ بەلسەندىلىگى ارقى­لى «قازاقستان-2050» ستراتەگيا­سىندا بەلگىلەنگەن ماقساتتار­عا قول جەتكىزە الامىز. 25 جىل­دىق تاۋەلسىزدىك تاريحىندا قازاق­ستان حالقىنىڭ الەۋمەتتىك-ەكونو­مي­كالىق ءال-اۋقاتى ارتىپ, ىشكى ساياسي, ۇلتارالىق, دىنارالىق تۇراقتىلىق قامتاماسىز ەتىلىپ, حالىقارالىق قاتى­ناستاردى نىعايتا وتىرىپ, ءبىلىم, عىلىم, مادەنيەت سالالارىن­دا تولاعاي تابىستارعا قول جەت­كىزدىك, – دەدى گۇلشارا ناۋشاقىزى. فورۋمدا ستۋدەنتتىك, جۇمىسشى جانە اۋىل جاستارىنىڭ, ەتنو­مادەني بىرلەستىكتەردىڭ وكىل­دەرى, جاس كاسىپكەرلەر مەن تاۋەل­سىز­دىك قۇرداستارى ءسوز الىپ, تاۋەل­سىزدىك جىلدارى قول جەتكەن جەتىس­تىكتەر جايلى اڭگىمە ءوربىتتى. تاۋەل­سىز­دىك­تىڭ 25 جىلدىعىنا ارنال­عان شارا­دا ەل, وتان, تۋعان جەر تۋ­رالى پات­ريوتتىق اندەر شىرقا­لىپ, جاستار جۇرەگىنە جول تاپتى, وتانشىلدىق سەزىمگە جىگەرلەن­دىردى. شارا بارىسىندا رەسپۋب­ليكا­­لىق دەڭگەيدە وتكىزىلەتىن «سپورت­­سىز ءبىر كۇن جوق» سپورت­تىق, «بولا­شاقتىڭ 25 يدەياسى» عىلى­مي, «25 قايىرىمدى ءىس» قايىرىم­دىلىق, «ەكوترەند-04» ەكولو­گيالىق جانە «بابالار ىزىمەن» ۇلت­تىق مادەني شىعارماشىلىق مارا­فون­دارى باستاۋ الدى. القالى جيىن سوڭىندا فورۋمعا قاتىسۋ­شىلار ەلىمىزدىڭ جاستارىنا ۇندەۋ قابىلدادى. ساتىبالدى ءساۋىرباي, «ەگەمەن قازاقستان». اقتوبە وبلىسى.