ءبىر عانا قاراپايىم مىسال. ءبىزدىڭ پارتيانىڭ ەكى دەپۋتاتى ەلىمىزدىڭ ۇزدىك كاسىپورىندارىندا 10 مىڭنان اسا جۇمىس ورنىن جاساقتادى, ۇلكەن ۇجىم قۇردى. ەگەر ۇكىمەتپەن جۇمىس دۇرىس جولعا قويىلسا, تاعى قانشا جۇمىس ورنى قۇرىلاتىنىن جانە ەڭبەك جاعدايى جاقساراتىنىن ەلەستەتىپ كورىڭىزدەرشى. بۇل تەك شەشىم قابىلداۋ جىلدامدىعى تۋرالى عانا ەمەس, سونىمەن قاتار دەپۋتاتتار تاراپىنان باقىلاۋ تۋرالى پىكىرىمىز.
مەملەكەت باسشىسى ارقاشان ىقپالدى پارلامەنت پەن ەسەپ بەرەتىن ۇكىمەتتىڭ ءرولىن ەرەكشە اتاپ وتەدى. ءماجىلىستىڭ وكىلەتتىگى زاڭداردى ازىرلەۋمەن شەكتەلمەيدى, ەندى ءبىز ءوز كەزەگىمىزدە ولاردى قابىلداۋمەن دە اينالىساتىن بولامىز. پرەزيدەنت ءوز سوزىندە بىزگە ءماجىلىس پەن مينيسترلەر كابينەتىنەن جاڭا سەرپىن كۇتىپ تۇرعانىن جەتكىزدى. ءبىز مينيسترلەردى ماقۇلداۋدى نەمەسە وتستاۆكاعا جىبەرۋدى عانا ەمەس, بۇكىل ەلدىڭ يگىلىگى ءۇشىن بىرلەسىپ جۇمىس ىستەۋدى ايتىپ وتىرمىز. ۇكىمەت پەن ءماجىلىستىڭ ءوزارا ءىس-قيمىلى جوسپارلاردى بىرلەسىپ ازىرلەۋ, ولاردىڭ ورىندالۋىن باقىلاۋ تۇرعىسىنان دا وزگەشە بولۋعا ءتيىس.
پرەزيدەنت قاسىم-جومارت توقاەۆ پارلامەنتتىڭ ءبىرىنشى سەسسياسىندا وزەكتى كۇن ءتارتىبىن ايقىنداپ بەردى. ەندى ءبىزدىڭ ناقتى مىندەتىمىز – تۋىندايتىن ماسەلەلەردى بارىنشا جەدەل شەشۋ, مينيسترلەر كابينەتىنەن ءدال وسىلاي تالاپ ەتۋ جانە حالىق پەن مەملەكەتتىڭ مۇددەلەرى ارقاشان ءبىرىنشى ورىنعا قويىلاتىنىنا كوز جەتكىزۋ. ءبىزدىڭ پارتيا ارقاشان زاڭ شىعارۋ ۇدەرىسىن دە, بارلىق ماسەلە بويىنشا ءبىزدىڭ ۇستانىمىمىزدى دا جەدەل جانە اشىق جاريالايتىنىن باسا ايتامىن.
دينارا شۇكىجانوۆا,
«Respubliسa» پارتياسىنىڭ وكىلى
