قازاقستان رەسپۋبليكاسى ۇكىمەتىنىڭ قاۋلىسى №472

2014 جىلعى 11 مامىر,   استانا, ۇكىمەت ءۇيى جەكە كاسىپكەرلىك سۋبەكتىلەرى جۇمىسكەرلەرىنىڭ جىلدىق ورتاشا سانىن جانە جىلدىق ورتاشا تابىسىن ەسەپتەۋ قاعيدالارىن بەكىتۋ تۋرالى «جەكە كاسىپكەرلىك تۋرالى» 2006 جىلعى 31 قاڭتارداعى قازاقستان رەسپۋبليكاسىنىڭ زاڭى 14-بابىنىڭ 23-2) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان جەكە كاسىپكەرلىك سۋبەكتىلەرى جۇمىسكەرلەرىنىڭ جىلدىق ورتاشا سانىن جانە جىلدىق ورتاشا تابىسىن ەسەپتەۋ قاعيدالارى بەكىتىلسىن. 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2014 جىلعى 11 مامىرداعى №472 قاۋلىسىمەن بەكىتىلگەن جەكە كاسىپكەرلىك سۋبەكتىلەرى جۇمىسكەرلەرىنىڭ جىلدىق ورتاشا سانىن جانە جىلدىق ورتاشا تابىسىن ەسەپتەۋ قاعيدالارى 1. جالپى ەرەجەلەر 1. وسى جەكە كاسىپكەرلىك سۋبەكتىلەرى جۇمىسكەرلەرىنىڭ جىلدىق ورتاشا سانىن جانە جىلدىق ورتاشا تابىسىن ەسەپتەۋ قاعيدالارى (بۇدان ءارى – قاعيدالار) «جەكە كاسىپكەرلىك تۋرالى» 2006 جىلعى 31 قاڭتارداعى قازاقستان رەسپۋبليكاسىنىڭ زاڭى (بۇدان ءارى – زاڭ) 14-بابىنىڭ 23-2) تارماقشاسىنا سايكەس ازىرلەندى جانە جەكە كاسىپكەرلىك سۋبەكتىلەرى جۇمىسكەرلەرىنىڭ جىلدىق ورتاشا سانىن جانە جىلدىق ورتاشا تابىسىن ەسەپتەۋ ءتارتىبىن ايقىندايدى. 2. جەكە كاسىپكەرلىك سۋبەكتىلەرى جۇمىسكەرلەرىنىڭ جىلدىق ورتاشا سانىن جانە جىلدىق ورتاشا تابىسىن ەسەپتەۋ ءۇشىن قازاقستان رەسپۋبليكاسى قارجى مينيسترلىگى سالىق كوميتەتىنىڭ دەرەكتەر بازاسىندا قامتىلعان اقپارات پايدالانىلادى. 3. جىلدىق ورتاشا سان جانە جىلدىق ورتاشا تابىس اۆتوماتتى تۇردە جەكە كاسىپكەرلىك سۋبەكتىلەرىنىڭ تىزىلىمىمەن ەسەپتەلەدى. 2. جەكە كاسىپكەرلىك سۋبەكتىلەرى جۇمىسكەرلەرىنىڭ جىلدىق ورتاشا سانىن ەسەپتەۋ ءتارتىبى 4. جەكە كاسىپكەرلىك سۋبەكتىلەرى جۇمىسكەرلەرىنىڭ جىلدىق ورتاشا سانىن ەسەپتەۋ ءۇشىن زاڭنىڭ 6-بابى 7-تارماعىنا سايكەس سالىق ەسەپتىلىگىندە كورسەتىلەتىن جەكە كاسىپكەرلىك سۋبەكتىلەرى جۇمىسكەرلەرىنىڭ سانى تۋرالى دەرەكتەر پايدالانىلادى. 5. جەكە كاسىپكەرلىك سۋبەكتىلەرى جۇمىسكەرلەرىنىڭ جىلدىق ورتاشا سانى جۇمىسكەرلەردىڭ ون ەكى ايداعى سانىن ون ەكىگە بولگەندەگى سوما رەتىندە ەسەپتەلەدى. 6. جاڭادان قۇرىلعان جەكە كاسىپكەرلىك سۋبەكتىلەرى ءۇشىن جۇمىس ىستەۋىنىڭ ءبىرىنشى جىلىنان باستاپ كەلەسى جىلدىڭ 15 قاراشاسىنا دەيىن جۇمىسكەرلەردىڭ جىلدىق ورتاشا سانىن ەسەپتەۋ جۇرگىزىلمەيدى. جەكە كاسىپكەرلىك سۋبەكتىلەرى جۇمىسكەرلەرىنىڭ جىلدىق ورتاشا سانىن ءبىرىنشى رەت ەسەپتەۋ وسى سۋبەكتىلەر ءبىرىنشى جىلدىق سالىق ەسەپتىلىگىن ۇسىنعاننان كەيىن جۇزەگە اسىرىلادى. 3. جەكە كاسىپكەرلىك سۋبەكتىلەرىنىڭ جىلدىق ورتاشا تابىسىن ەسەپتەۋ ءتارتىبى 7. جىلدىق ورتاشا تابىس ەسەبىنە جەكە كاسىپكەرلىك سۋبەكتىلەرىنىڭ سالىق ەسەپتىلىگىنەن مىناداي اقپارات الىنادى: 1) جەكە كاسىپكەرلىك سۋبەكتىلەرىنىڭ جيىنتىق جىلدىق تابىسى; 2) ارناۋلى سالىق رەجيمدەرىن قولداناتىن جەكە كاسىپكەرلىك سۋبەكتىلەرىنىڭ تابىسى. قىزمەتىن ويىن بيزنەسى سالاسىندا جۇزەگە اسىراتىن, شارۋا نەمەسە فەرمەر قوجالىقتارىنا ارنالعان ارناۋلى سالىق رەجيمىن قولداناتىن, تىركەلگەن سالىقتى جانە جەر سالىعىن تولەۋشىلەر بولىپ تابىلاتىن جەكە كاسىپكەرلىك سۋبەكتىلەرىنىڭ جىلدىق ورتاشا تابىسى ەسەپتەلمەيدى. 8. «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسى كودەكسىنىڭ 85-بابىندا كوزدەلگەن جەكە كاسىپكەرلىك سۋبەكتىلەرى تابىستارىنىڭ بارلىق تۇرلەرى, سونداي-اق پاتەنت نەمەسە وڭايلاتىلعان دەكلاراتسيا نەگىزىندەگى ارناۋلى سالىق رەجيمدەرىن قولداناتىن جەكە كاسىپكەرلىك سۋبەكتىلەرىنىڭ تابىستارى جەكە كاسىپكەرلىك سۋبەكتىلەرىنىڭ جىلدىق ورتاشا تابىسىنا كىرەدى. 9. جەكە كاسىپكەرلىك سۋبەكتىسىنىڭ جىلدىق ورتاشا تابىسى سوڭعى ءۇش جىلعى جيىنتىق جىلدىق تابىسىن نەمەسە ارناۋلى سالىق رەجيمىن قولداناتىن جەكە كاسىپكەرلىك سۋبەكتىسىنىڭ تابىسىن ۇشكە بولگەندەگى سوما بولىپ تابىلادى. 10. جاڭادان قۇرىلعان جەكە كاسىپكەرلىك سۋبەكتىلەرى ءۇشىن جۇمىس ىستەۋىنىڭ ءبىرىنشى جىلىنان باستاپ كەلەسى جىلدىڭ 15 قاراشاسىنا دەيىن جىلدىق ورتاشا تابىس ەسەپتەلمەيدى. جىلدىق ورتاشا تابىستى ءبىرىنشى رەت ەسەپتەۋ وسى سۋبەكتىلەر ءبىرىنشى جىلدىق سالىق ەسەپتىلىگىن ۇسىنعاننان كەيىن جۇزەگە اسىرىلادى. بۇل جاعدايدا جىلدىق ورتاشا تابىس ءبىر جىلعى جيىنتىق جىلدىق تابىس نەمەسە ارناۋلى سالىق رەجيمىن قولداناتىن جەكە كاسىپكەرلىك سۋبەكتىسىنىڭ تابىسى بولىپ تابىلادى. 11. ەكى جىل بويىنشا سالىق ەسەپتىلىگىن تاپسىرعان جەكە كاسىپكەرلىك سۋبەكتىسىنىڭ جىلدىق ورتاشا تابىسى ەكى جىلعى جيىنتىق جىلدىق تابىستى نەمەسە ارناۋلى سالىق رەجيمىن قولداناتىن جەكە كاسىپكەرلىك سۋبەكتىسىنىڭ جىلدىق تابىسىن ەكىگە بولگەندەگى سوما بولىپ تابىلادى. 12. جۇمىس ىستەمەيتىن, ونىڭ ىشىندە قازاقستان رەسپۋبليكاسىنىڭ سالىق زاڭناماسىنا سايكەس سالىق ەسەپتىلىگىن بەرۋدى توقتاتا تۇرعان سۋبەكتىلەر بويىنشا جەكە كاسىپكەرلىك سۋبەكتىلەرىنىڭ جىلدىق ورتاشا تابىسىن ەسەپتەۋ وسى قاعيدالاردىڭ 9,10 جانە 11-تارماقتارىنا سايكەس جۇزەگە اسىرىلادى.