فينالدا سەنەگال مەن مىسىر قۇرامالارى كۇش سىناستى. ياۋندەدەگى پول بييا ستاديونىندا وتكەن كەزدەسۋدە ەسەپ اشىلعان جوق. ءبىر ايتا كەتەرلىگى, باسەكە باستالعان بەتتە مىسىرلىقتاردىڭ قاقپاسىنا پەنالتي بەلگىلەنگەن ەدى. الايدا سەنەگالدىقتاردىڭ باس جۇلدىزى ساديو مانە ءوز مۇمكىندىگىن ۇتىمدى پايدالانا المادى. قوسىمشا ۋاقىتتا دا ەشتەڭە وزگەرمەدى. سودان باس جۇلدەنىڭ يەگەرى پەنالتي سوعۋ بارىسىندا انىقتالدى. بۇل رەتتە سەنەگال فۋتبولشىلارىنىڭ اسىعى الشىسىنان ءتۇستى. بۇل كوماندانىڭ قۇرامىنداعى كۋليبالي كاليدۋ مەن دياللو ابدۋ نىسانانى ءدال كوزدەسە, مىسىرلىقتار ساپىنان سايەد احمەد قانا مەرگەندىك تانىتتى.
وسىلايشا, شەشۋشى سىندا 2:1 ەسەبىمەن جەڭىسكە جەتكەن سەنەگالدىڭ فۋتبولشىلارى ءوز تاريحىندا تۇڭعىش رەت افريكا كۋبوگىن ولجالادى. ال قولا مەدالدى كامەرۋن قۇراماسى يەلەندى.
