كاسىپوداقتار – الەۋمەتتىك ۇنقاتىسۋدىڭ ماڭىزدى سالاسى

مەملەكەت باسشىسى نۇرسۇلتان نازارباەۆ قازاقستان كا­سىپوداقتارى فەدەراتسياسىنىڭ توراعاسى ابىلعازى قۇسايى­نوۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى. ءا.قۇسايىنوۆ مەملەكەت باسشىسىن كاسىپوداقتاردىڭ قازىرگى قىزمەتى, جۇرگىزىلىپ جاتقان جاڭ­عىر­تۋ جۇمىستارى جانە كاسىپوداق قوزعالىسىن دامىتۋ پەرسپەكتيۆالارى تۋرالى حاباردار ەتتى. قازاقستان پرەزيدەنتى وڭىرلەردە كاسىپوداقتاردىڭ بەلسەندى جۇ­مىس جۇرگىزۋ قاجەتتىگىنە جانە ولار­دىڭ الەۋمەتتىك سەرىكتەستىك ايا­سىندا بارلىق مۇددەلى تاراپتارمەن ءوزارا ىقپالداستىعىنىڭ ماڭىزدىلىعىنا نازار اۋداردى. – كاسىپوداقتاردىڭ نەگىزگى ءمىن­دەتى – ەڭبەككەر مەن جۇمىس بەرۋ­شى­لەر اراسىندا تۋىندايتىن ماسە­لەلەردى دەر كەزىندە شەشۋ, ال ول ءۇشىن كاسىپورىنداردىڭ كاسىپوداق ۇيىمدارى بارلىق تاراپتارمەن تىعىز ىنتىماقتاستىقتا بولۋعا ءتيىس. بۇل رەتتە جۇمىسشىلاردىڭ ەڭ­­بەك قۇقىقتارىن قورعاۋعا باعىت­تال­عان الەۋمەتتىك ۇنقاتىسۋدىڭ جاڭا تۇرلەرىن دامىتۋ ماڭىزدى, – دەپ اتاپ كورسەتتى نۇرسۇلتان نا­زار­باەۆ. فەدەراتسيا توراعاسى جۇ­مىس­شىلاردىڭ ەڭبەك قۇقىقتارى مەن مۇددەلەرىن قورعاۋ ءۇشىن الەۋمەتتىك سەرىكتەستىكتەگى كاسىپوداقتار قوز­عا­لىسىنىڭ ءرولىن ارتتىرۋ, سونداي-اق, الەۋمەتتىك-ەڭبەك داۋلارىنىڭ الدىن الۋ ماقساتىن كوزدەيتىن كاسىپوداقتار تۋرالى جاڭا زاڭدى ازىرلەۋ بارىسى تۋرالى دا ايتتى. سۋرەتتى تۇسىرگەندەر س.بوندارەنكو, ب.وتارباەۆ.