28 قاڭتار، 2014

قازاقستان – رەسەي: Cتراتەگيالىق سەرىكتەستىك سەرپىنى جوعارى

113 رەت كورسەتىلدى

ءماجىلىس توراعاسىنىڭ ورىنباسارى سەرگەي دياچەنكو باستاعان قازاقستاندىق ماجىلىسمەندەر ماسكەۋدە وتكەن قر پارلامەنتى ءماجىلىسى مەن رف مەملەكەتتىك دۋما فەدەرالدىق جينالىسى اراسىنداعى ىنتىماقتاستىق بويىنشا پالاتاارالىق كوميسسيانىڭ توعىزىنشى وتىرىسىنا قاتىستى، دەپ حابارلادى ءماجىلىستىڭ ءباسپاسوز قىزمەتى.

 

ءماجىلىس توراعاسىنىڭ ورىنباسارى سەرگەي دياچەنكو باستاعان قازاقستاندىق ماجىلىسمەندەر ماسكەۋدە وتكەن قر پارلامەنتى ءماجىلىسى مەن رف مەملەكەتتىك دۋما فەدەرالدىق جينالىسى اراسىنداعى ىنتىماقتاستىق بويىنشا پالاتاارالىق كوميسسيانىڭ توعىزىنشى وتىرىسىنا قاتىستى، دەپ حابارلادى ءماجىلىستىڭ ءباسپاسوز قىزمەتى.

وتىرىس قازاقستاندىق تاراپتان ءماجىلىستىڭ ۆيتسە-سپيكەرى، كوميسسيانىڭ تەڭتوراعاسى سەرگەي دياچەنكو مەن رەسەيلىك تاراپتان رف مەملەكەتتىك دۋما فەدەرالدىق جينالىسى توراعاسىنىڭ ورىنباسارى، كوميسسيانىڭ تەڭتورايىمى ليۋدميلا شۆەتسوۆانىڭ توراعالى­عىمەن ءوتتى.

كەزدەسۋ شەڭبەرىندە قازاقستان­دىق جانە رەسەيلىك پارلامەنتشىلەر ەكىجاقتى ىنتىماقتاستىقتىڭ ءوزارا پايداسىنا قاتىستى ماسەلەلەردى كەڭ اۋقىمدا تالقىلاپ، سونىمەن بىرگە، ولاردى زاڭنامالىق جولمەن قامتاماسىز ەتۋدى قاراستىردى.

پارلامەنتشىلەر، اسىرەسە، ەكى ەل باسشىلارىنىڭ وتكەن جىلدىڭ قاراشا ايىندا ەكا­تەرين­بۋرگتە قازاقستان مەن رەسەي ىنتىماقتاستىعىنىڭ ايماق­تىق مەرەكەلىك 10-فورۋمى شەڭبەرىندە قول قويىلعان قا­زاقستان مەن رەسەي اراسىنداعى ءححى عاسىرداعى تاتۋ كورشىلىك پەن ىنتىماقتاستىق تۋرالى شارتتى جۇزەگە اسىرۋدىڭ كەلەشەگىنە اي­رىقشا نازار اۋداردى.

بىرلەسكەن تالقىلاۋعا قازىرگى زامانداعى قاۋىپ پەن قاتەر (اناشا تاسىمالى، لاڭكەستىك، ادام ساۋداسى)، اگرووندىرىستىك كەشەن سالاسىن وركەندەتۋ، ءبىلىم، عىلىم، جاڭا تەحنولوگيالار، يننوۆاتسيالىق ءوندىرىس، ساۋدا، ەكونوميكا مەن ءوندىرىس، ەكولوگيا جانە قورشاعان ورتانى قورعاۋ، مادەني-گۋمانيتارلىق سالا، سونداي-اق، شەكارا ماڭى مەن ايماقارالىق ىنتىماقتاستىق ماسەلەلەرى تاقىرىپ بولدى.

تاراپتار كوميسسيانىڭ كەلەسى وتىرىسىنىڭ كۇن ءتارتىبىن تالقىلايتىن جۇمىسشى توبىن قۇرۋعا كەلىستى.

كوميسسيانىڭ ونىنشى – مەرەكەلىك وتىرىسىن كەلەر جىلدىڭ باسىندا استانادا وتكىزۋ جوسپارلانىپ وتىر.

سوڭعى جاڭالىقتار

پولياك اندەرى ورىندالدى

ونەر • بۇگىن، 09:00

ءتورت تىلدە جازىلعان كىتاپ

ايماقتار • بۇگىن، 08:55

كەلەسى قارسىلاس – سەربيا

تەننيس • بۇگىن، 08:51

ءوندىرىس ورىستەگەن ءوڭىر

ايماقتار • بۇگىن، 08:49

سۇرانىس پەن ۇسىنىستىڭ اراسى

ءبىلىم • بۇگىن، 08:43

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار