2013 جىلعى 28 قاراشا, استانا قالاسى
قازاقستان رەسپۋبليكاسى وڭىرلىك دامۋ مينيسترلىگى مەملەكەتتىك قىزمەتشىلەرىنىڭ قىزمەت ەتيكاسىنىڭ قاعيدالارىن بەكىتۋ تۋرالى
«قازاقستان رەسپۋبليكاسى مەملەكەتتىك قىزمەتشiلەرiنiڭ ار-نامىس كودەكسى تۋرالى» قازاقستان رەسپۋبليكاسى پرەزيدەنتىنىڭ 2005 جىلعى 3 مامىرداعى № 1567 جارلىعىنا وزگەرىستەر ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2013 جىلعى 1 قازانداعى № 651 جارلىعىنىڭ 2-تارماعىن ورىنداۋ ءۇشىن بۇيىرامىن:
1. قوسا بەرىلىپ وتىرعان قازاقستان رەسپۋبليكاسى وڭىرلىك دامۋ مينيسترلىگى (بۇدان ءارى – مينيسترلىك) مەملەكەتتىك قىزمەتشىلەرىنىڭ قىزمەت ەتيكاسىنىڭ قاعيدالارى بەكىتىلسىن.
2. مينيسترلىكتىڭ پەرسونالدى باسقارۋ دەپارتامەنتى (كادر قىزمەتى):
1) زاڭنامادا بەلگىلەنگەن تارتىپتە وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن جانە كەيىن ونىڭ بۇقارالىق اقپارات قۇرالدارىندا رەسمي جاريالانۋىن;
2) وسى بۇيرىقتىڭ قازاقستان رەسپۋبليكاسى وڭىرلىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى;
3) وسى بۇيرىقتى قۇرىلىمدىق بولىمشەلەر مەن ۆەدومستۆولار باسشىلارىنىڭ نازارىنا جەتكىزۋدى قامتاماسىز ەتسىن.
3. وسى بۇيرىقتىن ورىندالۋىن باقىلاۋ مينيسترلىكتىڭ جاۋاپتى حاتشىسى ا.ك. قابىكەنوۆكە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ب.جامىشەۆ.
قازاقستان رەسپۋبليكاسى وڭىرلىك دامۋ ءمينيسترىنىڭ
2013 جىلعى 28 قاراشاداعى № 344/نق بۇيرىعىمەن بەكىتىلگەن
قازاقستان رەسپۋبليكاسى وڭىرلىك دامۋ مينيسترلىگى مەملەكەتتىك قىزمەتشىلەرىنىڭ قىزمەت ەتيكاسىنىڭ
قاعيدالارى
1. جالپى ەرەجەلەر
1. وسى قازاقستان رەسپۋبليكاسى وڭىرلىك دامۋ مينيسترلىگى مەملەكەتتىك قىزمەتشىلەرىنىڭ قىزمەت ەتيكاسىنىڭ قاعيدالارى (بۇدان ءارى - قاعيدالار) «قازاقستان رەسپۋبليكاسى مەملەكەتتىك قىزمەتشىلەرىنىڭ ار-نامىس كودەكسى تۋرالى» قازاقستان رەسپۋبليكاسى پرەزيدەنتىنىڭ 2005 جىلعى 3 مامىرداعى № 1567 جارلىعىنا وزگەرىستەر ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2013 جىلعى 1 قازانداعى № 651 جارلىعىنىڭ 2-تارماعىنا سايكەس ازىرلەنگەن.
2. وسى قاعيدالار قازاقستان رەسپۋبليكاسى وڭىرلىك دامۋ مينيسترلىگىنىڭ (بۇدان ءارى - مينيسترلىك), ونىڭ ۆەدومستۆولارى مەن اۋماقتىق ورگاندارىنىڭ مەملەكەتتىك قىزمەتشىلەرىنىڭ وزدەرىنىڭ قىزمەتتىك مىندەتتەرىن ورىنداۋى بارىسىندا, ارىپتەستەرى مەن ازاماتتارمەن ءوزارا قارىم-قاتىناستا مىنەز-قۇلقىنىڭ نەگىزگى نورمالارىن بەلگىلەيدى.
3. مينيسترلىكتىڭ جاۋاپتى حاتشىسى, قۇرىلىمدىق بولىمشەلەر مەن ۆەدومستۆولاردىڭ باسشىلارى وسى قاعيدالار تالاپتارىنىڭ ورىندالۋىن قامتاماسىز ەتەدى.
4. وسى قاعيدالاردىڭ ماقساتتارى مىنالار بولىپ تابىلادى:
1) مينيسترلىكتىڭ, ۆەدومستۆولار مەن اۋماقتىق ورگانداردىڭ مەملەكەتتىك قىزمەتشىلەرىنىڭ جوعارى كورپوراتيۆتىك مادەنيەتىن قالىپتاستىرۋ;
2) مينيسترلىكتىڭ, ۆەدومستۆولار مەن اۋماقتىق ورگانداردىڭ مەملەكەتتىك قىزمەتشىلەرىنىڭ «قازاقستان رەسپۋبليكاسى مەملەكەتتىك قىزمەتشىلەرىنىڭ ار-نامىس كودەكسى تۋرالى» قازاقستان رەسپۋبليكاسى پرەزيدەنتىنىڭ 2005 جىلعى 3 مامىرداعى № 1567 جارلىعىمەن بەلگىلەنگەن قازاقستان رەسپۋبليكاسىنىڭ مەملەكەتتىك قىزمەتشىلەرىنىڭ مىنەز-قۇلقىنىڭ نەگىزگى ستاندارتتارىن ساقتاۋى;
3) مينيسترلىكتىڭ, ۆەدومستۆولار مەن اۋماقتىق ورگانداردىڭ ۇجىمىندا جاعىمدى مورالدىك-پسيحولوگيالىق كليمات جاساۋ جانە قالىپتاستىرۋ;
4) مينيسترلىكتىڭ, ۆەدومستۆولار مەن اۋماقتىق ورگانداردىڭ قىزمەتكەرلەرىنىڭ ءيميدجىن نىعايتۋ جانە ارتتىرۋ.
5. مينيسترلىك, ۆەدومستۆولار مەن اۋماقتىق ورگاندار قىزمەتكەرلەرىنىڭ:
1) ادالدىق, تارتىپتىك, جاۋاپكەرشىلىك, بەلسەندىلىك, باستاماشىلىق تانىتقانى;
2) ءوز ءبىلىمى مەن بىلىكتىلىگى دەڭگەيىن ارتتىرۋعا تالپىنعانى;
3) ءبىر بىرىنە جانە وزگە ازاماتتارعا ادامگەرشىلىك, ادالدىق, اشىقتىق, ادەپتىلىك, ءوزارا تۇسىنىستىك تانىتقانى;
4) قىزمەتتىك ەتيكا مەن سۋبورديناتسيانى ساقتاعانى;
5) ارىپتەستەرگە كومەك كورسەتكەنى, ءبىلىمى مەن تاجىريبەسىمەن بولىسكەنى;
6) ستراتەگيالىق ماقساتتار مەن مىندەتتەرگە قول جەتكىزۋدە ۇجىمنىڭ ىنتىماعىنا ىقپال ەتكەنى ءجون.
6. مينيسترلىكتىڭ, ۆەدومستۆولار مەن اۋماقتىق ورگانداردىڭ مەملەكەتتىك قىزمەتشىلەرىنە ءوزىنىڭ ارىپتەستەرىنە جانە وزگە ازاماتتارعا قاتىستى:
1) بالاعات سوزدەر ايتۋعا, ۇستامسىزدىق پەن اگرەسسيا تانىتۋعا;
2) ارىپتەستەردىڭ جەكە جانە كاسىبي قاسيەتتەرىن تالقىلاۋعا;
3) ۇجىمدا قاقتىعىس جاعدايلاردىڭ تۋىنداۋىن ۋشىقتىرۋعا بولمايدى.
7. مينيسترلىكتىڭ, ۆەدومستۆولار مەن اۋماقتىق ورگانداردىڭ مەملەكەتتىك قىزمەتشىلەرى بارلىق كەلۋشىلەردى ىلتيپاتپەن قارسى الادى.
مينيسترلىكتىڭ, ۆەدومستۆولار مەن اۋماقتىق ورگانداردىڭ مەملەكەتتىك قىزمەتشىلەرىنىڭ كەلۋشىلەرمەن قاتىناسى مينيسترلىك پەن ونىڭ اۋماقتىق ورگاندارى قىزمەتكەرلەرىنىڭ مىنەز-قۇلقى مادەنيەتى مەن كاسىبيلىگى تۋرالى كەلۋشىلەردىڭ وڭ پىكىرىن قالىپتاستىرۋعا ىقپال ەتۋگە ءتيىس.
8. ازاماتتارمەن تەلەفونمەن سويلەسكەندە مينيسترلىكتىڭ, ۆەدومستۆولار مەن اۋماقتىق ورگانداردىڭ قىزمەتكەرلەرى مىناداي مىنەز-ق ۇلىقتى ۇستانۋى قاجەت:
1) قوڭىراۋ تۇسكەن كەزدە ءوزىن سىپايى تانىستىرىپ امانداسۋ;
2) ەگەر ازامات تەلەفون ءنومىرىن قاتە تەرسە, ونى تەرگەن تەلەفون ءنومىرىن قايتا تەكسەرۋدى سىپايى تۇردە سۇراۋ;
3) ەگەر كىرىس قوڭىراۋ قازىرگى ساتتە جۇمىس ورنىندا جوق مەملەكەتتىك قىزمەتشىگە ارنالعان بولسا, ونى تابۋعا نەمەسە وعان حابارلاما قابىلداۋعا كومەك كورسەتۋ.
9. تەلەفون بويىنشا قويىلعان سۇراق مەملەكەتتىك قىزمەتشىنىڭ قۇزىرەتىنە كىرمەگەن جاعدايدا, وندا ول قويىلعان سۇراقتى شەشۋ بويىنشا مىناداي ىقتيمال شارالاردىن بىرەۋدىن قابىلدايدى:
1) قوڭىراۋدى قۇزىرلى مەملەكەتتىك قىزمەتشىگە قايتا باعىتتاۋ;
2) ازاماتتى قويىلعان سۇراقتى ءتۇسىندىرۋ ماقساتىندا ونىمەن كەيىن سويلەسۋ ءۇشىن ءوزىنىڭ تەلەفون ءنومىرىن قالدىرۋدى سۇراۋ;
3) ازاماتتان جازباشا سۇراۋ سالۋدى ءوتىنۋ.
10. مينيسترلىكتىڭ, ۆەدومستۆولار مەن اۋماقتىق ورگانداردىڭ مەملەكەتتىك قىزمەتشىلەرى سىبايلاس جەمقورلىق كورىنىستەرىنە قارسى تۇرادى, سىبايلاس جەمقورلىق قۇقىق بۇزۋشىلىقتارعا نە سىبايلاس جەمقورلىقپەن جىمداسقان نەمەسە سىبايلاس جەمقورلىق ءۇشىن جاعداي تۋعىزاتىن ارەكەتتەرگە جول بەرمەيدى.
مينيسترلىكتىڭ مەملەكەتتىك قىزمەتشىلەرى باسقا مەملەكەتتىك قىزمەتشىلەر تاراپىنان بولاتىن سىبايلاس جەمقورلىق قۇقىق بۇزۋشىلىق فاكتىلەرىنىڭ جولىن كەسۋى ءتيىس.
11. مينيسترلىكتىڭ, ۆەدومستۆولار مەن اۋماقتىق ورگانداردىڭ مەملەكەتتىك قىزمەتشىلەرى, ەگەر سىبايلاس جەمقورلىق قۇقىق بۇزۋشىلىق تۋرالى انىق اقپاراتى بولسا, مۇنداي قۇقىق بۇزۋشىلىقتى بولعىزباۋ جانە توقتاتۋ جونىندە قاجەتتى شارالار قولدانادى, ونىڭ ىشىندە جوعارى تۇرعان باسشىعا, جازباشا نىساندا دەرەۋ حابارلايدى.
مينيسترلىكتىڭ باسشىلىعى اقپاراتتى العان كۇننەن باستاپ ءبىر اي مەرزىمدە مەملەكەتتىك قىزمەتشىنىڭ سىبايلاس جەمقورلىق قۇقىق بۇزۋشىلىقتار, ءوزىن وسى بۇزۋشىلىقتاردى جاساۋعا كوندىرۋ جاعدايلارى تۋرالى مالىمدەۋلەرى بويىنشا, ونىڭ ىشىندە تەكسەرۋلەر ۇيىمداستىرۋ جانە ۋاكىلەتتى ورگاندارعا وتىنىشتەر جولداۋ ارقىلى شارالار قولدانادى.
مينيسترلىكتىڭ باسشىلىعى سىبايلاس جەمقورلىق قۇقىق بۇزۋشىلىقتاردىڭ, ءوزىن وسى بۇزۋشىلىقتاردى جاساۋعا كوندىرۋدىڭ انىق جاعدايلارى تۋرالى حابارلاعان مەملەكەتتىك قىزمەتشىنى ونىڭ قۇقىقتارىن, زاڭدى مۇددەلەرىن كەمسىتەتىن قۋدالاۋدان قورعاۋ جونىندە شارالار قولدانادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 26 جەلتوقسانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 9032 بولىپ ەنگىزىلدى.
