2013 جىلعى 29 قاراشا, استانا, ۇكىمەت ءۇيى
جەتىم بالالاردىڭ, اتا-اناسىنىڭ قامقورلىعىنسىز قالعان بالالاردىڭ تۇرعىن ءۇيىن ساقتاۋ قاعيدالارىن بەكىتۋ تۋرالى
«قازاقستان رەسپۋبليكاسىنداعى بالانىڭ قۇقىقتارى تۋرالى» 2002 جىلعى 8 تامىزداعى قازاقستان رەسپۋبليكاسى زاڭىنىڭ 14-1-بابىنىڭ 2-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان جەتىم بالالاردىڭ, اتا-اناسىنىڭ قامقورلىعىنسىز قالعان بالالاردىڭ تۇرعىن ءۇيىن ساقتاۋ قاعيدالارى بەكىتىلسىن.
2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ
2013 جىلعى 29 قاراشاداعى №1271 قاۋلىسىمەن بەكىتىلگەن
جەتىم بالالاردىڭ, اتا-اناسىنىڭ قامقورلىعىنسىز قالعان بالالاردىڭ تۇرعىن ءۇيىن ساقتاۋ قاعيدالارى
1. جالپى ەرەجەلەر
1. وسى جەتىم بالالاردىڭ, اتا-اناسىنىڭ قامقورلىعىنسىز قالعان بالالاردىڭ تۇرعىن ءۇيىن ساقتاۋ قاعيدالارى (بۇدان ءارى - قاعيدالار) «قازاقستان رەسپۋبليكاسىنداعى بالانىڭ قۇقىقتارى تۋرالى» 2002 جىلعى 8 تامىزداعى قازاقستان رەسپۋبليكاسى زاڭىنىڭ 14-1-بابىنىڭ 2-تارماعىنا سايكەس ازىرلەندى جانە جەتىم بالالاردىڭ, اتا-اناسىنىڭ قامقورلىعىنسىز قالعان بالالاردىڭ (بۇدان ءارى - بالالار) تۇرعىن ءۇيىن ساقتاۋ ءتارتىبىن ايقىندايدى.
2. بالالاردىڭ تۇرعىن ءۇيىنىڭ ساقتالۋىن باقىلاۋدى جەرگىلىكتى اتقارۋشى ورگاندار (بۇدان ءارى - ورگاندار) قامتاماسىز ەتەدى.
3. بالالاردى قورعانشىلىققا نەمەسە قامقورشىلىق, پاتروناتتىق تاربيەلەۋگە بەرگەنگە, ءبىلىم بەرۋ ۇيىمدارىنا, مەديتسينالىق جانە باسقا دا ۇيىمدارعا ورنالاستىرعانعا دەيىن ولاردىڭ تۇرعىن ءۇيىن ساقتاۋدى ورگاندار قامتاماسىز ەتەدى.
4. بالالاردى قورعانشىلىققا نەمەسە قامقورشىلىققا, پاتروناتتىق تاربيەلەۋگە بەرۋ, ءبىلىم بەرۋ ۇيىمدارىنا, مەديتسينالىق جانە باسقا دا ۇيىمدارعا ورنالاستىرۋ كەزىندە ولاردىڭ تۇرعىن ءۇيىن ساقتاۋدى بالالاردىڭ زاڭدى وكىلدەرى قامتاماسىز ەتەدى.
5. مەملەكەتتىك تۇرعىن ءۇي قورىنان بەرىلگەن تۇرعىن ءۇي نەمەسە جەكە تۇرعىن ءۇي قورىنان ورگان جالداعان تۇرعىن ءۇي بالالاردا ولار ءبىلىم بەرۋ ۇيىمدارىندا, مەديتسينالىق جانە باسقا دا ۇيىمداردا, ونىڭ ىشىندە قوعامنان ۋاقىتشا وقشاۋلاۋدى قامتاماسىز ەتەتىن ۇيىمداردا بولعان كەزەڭدە, قورعانشىلىقتا نەمەسە قامقورشىلىقتا, پاتروناتتىق تاربيەدە بولعاندا كامەلەتكە تولعانعا دەيىن ساقتالادى.
6. ون ءتورت جاسقا تولماعان بالالاردىڭ تۇرعىن ءۇيىن يەلىكتەن شىعارۋعا, ونىڭ ىشىندە ايىرباستاۋ نەمەسە سىيعا تارتۋ بويىنشا مامىلەلەر جاساۋعا نەمەسە ولاردىڭ اتىنان كەپىلگەرلىك شارتىن, تۇرعىن ءۇيدى وتەۋسىز پايدالانۋعا تاپسىرۋ نەمەسە كەپىلگە قويۋ بويىنشا مامىلەلەر, زاڭ جۇزىندە, وسيەت بويىنشا ولارعا تيەسىلى مۇراگەرلىك قۇقىقتاردان باس تارتۋىنا, ولاردىڭ تۇرعىن ءۇيىن بولۋگە نەمەسە ودان ۇلەس ءبولىپ الۋعا اكەپ سوقتىراتىن مامىلەلەر جاساسۋعا جول بەرىلمەيدى.
2. جەتىم بالالاردىڭ, اتا-اناسىنىڭ قامقورلىعىنسىز قالعان بالالاردىڭ تۇرعىن ءۇيىن ەسەپكە الۋ ءتارتىبى
7. ورگاندار بالالاردىڭ تۇرعىن ءۇيىنىڭ بار-جوعىن انىقتايدى جانە ولاردى جىلجىمايتىن م ۇلىككە قۇقىقتاردى مەملەكەتتىك تىركەۋ سالاسىنداعى قازاقستان رەسپۋبليكاسىنىڭ زاڭناماسىنا سايكەس ەسەپكە الادى.
8. بالالاردا تۇرعىن ءۇيىنىڭ بار ەكەنى انىقتالعان جاعدايدا, ورگاندار:
1) تەكسەرىلەتىن تۇرعىن ۇيدە تىركەلگەن ادامدار, سونداي-اق ناقتى تۇراتىن ادامداردى كورسەتە وتىرىپ, تۇرعىن ءۇيدىڭ تەحنيكالىق, سانيتاريالىق جاي-كۇيى تۋرالى اكتىنى;
2) ارقايسىسىنىڭ ەرەكشە بەلگىلەرىن كورسەتە وتىرىپ, تۇرعىن ۇيدەگى م ۇلىكتىڭ تىزىمدەمەسىن جاسايدى.
9. تىزىمدەمە مەن اكت 2 دانادا جاسالادى:
1) ءبىر داناسى ءتيىستى تۇرعىن ءۇي ورنالاسقان اۋماقتاعى ورگاندا;
2) ەكىنشى داناسى بالانىڭ زاڭدى وكىلدەرىندە بولادى.
3. جەتىم بالالاردىڭ, اتا-اناسىنىڭ قامقورلىعىنسىز قالعان بالالاردىڭ تۇرعىن ۇيىنە قورعانشىلىقتى بەلگىلەۋ ءتارتىبى
10. ورگاندار بالالاردى قورعانشىلىققا نەمەسە قامقورشىلىققا, پاتروناتتىق تاربيەلەۋگە بەرۋ, ءبىلىم بەرۋ ۇيىمدارىنا, مەديتسينالىق جانە باسقا دا ۇيىمدارعا ورنالاستىرۋ قاجەتتىلىگى تۋرالى بەلگىلى بولعان ساتتەن باستاپ ءبىر اي ىشىندە بالالاردىڭ تۇرعىن ۇيىنە قورعانشىلىق بەلگىلەيدى.
11. تۇرعىن ۇيگە قورعانشىلىق وسى قاعيدالاردىڭ 2-بولىمىندە بەلگىلەنگەن راسىمدەر ورىندالعاننان كەيىن ورگاننىڭ تۇرعىن ۇيگە قورعانشىلىق بەلگىلەۋ تۋرالى شەشىم شىعارۋى جولىمەن بەلگىلەنەدى.
12. ورگاندار بالالاردى قورعانشىلىققا نەمەسە قامقورشىلىققا, پاتروناتتىق تاربيەلەۋگە بەرۋ, ءبىلىم بەرۋ ۇيىمدارىنا, مەديتسينالىق جانە باسقا دا ۇيىمدارعا ورنالاستىرۋ قاجەتتىلىگى تۋرالى بەلگىلى بولعان ساتتەن باستاپ دەرەۋ اۋماقتىق ادىلەت ورگاندارىنا وسى قاعيدالاردىڭ 6-تارماعىندا بەلگىلەنگەن جاعدايلاردا مامىلەلەر جاساۋعا تىيىم سالۋ تۋرالى قورعاۋ حاتتارىن جولدايدى.
4. جەتىم بالالاردىڭ, اتا-اناسىنىڭ قامقورلىعىنسىز قالعان
بالالاردىڭ تۇرعىن ءۇيىن جالعا (جالداۋعا) بەرۋ ءتارتىبى
13. بالانىڭ زاڭدى وكىلدەرى قورعانشىلىق نەمەسە قامقورشىلىق جونىندەگى فۋنكتسيالاردى جۇزەگە اسىراتىن ورگاننىڭ كەلىسىمىمەن بالالاردىڭ تۇرعىن ءۇيىن قازاقستان رەسپۋبليكاسىنىڭ ۇكىمەتى بەكىتەتىن ۇلگى شارت نەگىزىندە جالعا (جالداۋعا) بەرە الادى.
14. تۇرعىن ءۇيدى جالعا (جالداۋعا) بەرۋگە كەلىسىم الۋ ءۇشىن بالانىڭ زاڭدى وكىلدەرى قورعانشىلىق نەمەسە قامقورشىلىق فۋنكتسيالارىن جۇزەگە اسىراتىن ورگانعا مىناداي قۇجاتتاردى بەرەدى:
1) ەركىن نىساندا رەسىمدەلەتىن بالالاردىڭ تۇرعىن ءۇيىن جالعا (جالداۋعا) بەرۋ ءۇشىن رۇقسات الۋعا ءوتىنىش;
2) 10 جاسقا تولعان, تۇرعىن ۇيگە مەنشىك قۇقىعى نەمەسە تۇرعىن ءۇيدى پايدالانۋ قۇقىعى بار كامەلەتكە تولماعان بالانىڭ كەلىسىم-انىقتاماسى;
3) زاڭدى وكىلدىڭ جانە بالالاردىڭ جەكە باسىن كۋالاندىراتىن; بالالاردى قورعانشىلىققا نەمەسە قامقورشىلىققا, پاتروناتتىق تاربيەلەۋگە بەرۋ نەمەسە ءبىلىم بەرۋ ۇيىمدارىنا, مەديتسينالىق جانە باسقا دا ۇيىمدارعا ورنالاستىرۋ تۋرالى قۇجاتتاردىڭ كوشىرمەسى;
4) تۇرعىن ۇيگە كۇقىق بەلگىلەيتىن قۇجاتتاردىڭ كوشىرمەلەرى.
15. بالالاردىڭ تۇرعىن ءۇيىن جالعا (جالداۋعا) بەرۋگە ورگانداردىڭ كەلىسىم بەرۋى قۇجاتتار كەلىپ تۇسكەنىن ساتتەن باستاپ بەس جۇمىس كۇنى ىشىندە جۇزەگە اسىرىلادى.
16. زاڭدى وكىلدەر تۇرعىن ءۇيدى جالعا الۋ (جالداۋ) شارتى بويىنشا الىنعان اقشانى بالالاردىڭ بانكتىك شوتىنا اۋدارعا ءتيىس.
17. بالالاردىڭ تۇرعىن ءۇيىن جالعا (قوسىمشا جالعا) بەرۋ شارتىن جاساۋ نەمەسە ونىڭ قولدانىسىن توقتاتۋ (بۇزۋ) كەزىندە تۇرعىن ءۇي بالالاردىڭ زاڭدى وكىلدەرىنىڭ, قورعانشىلىق نەمەسە قامقورشىلىق جونىندەگى فۋنكتسيالاردى جۇزەگە اسىراتىن ورگان وكىلىنىڭ, جالعا الۋشىنىڭ (قوسىمشا جالداۋشىنىڭ) قاتىسۋىمەن قابىلداۋ-بەرۋ اكتىسى بويىنشا بەرىلەدى.
5. بالانىڭ زاڭدى وكىلدەرىنىڭ جەتىم بالالاردىڭ, اتا-اناسىنىڭ قامقورلىعىنسىز قالعان بالالاردىڭ تۇرعىن ءۇيىن ساقتاۋ جونىندەگى مىندەتتەرىن ورىنداۋىن باقىلاۋدى جۇزەگە اسىرۋ ءتارتىبى
18. بالانىڭ زاڭدى وكىلدەرى تۇرعىن ءۇي ەسەپتە تۇرعان ورگانعا التى ايدا كەمىندە ءبىر رەت وسى تۇرعىن ءۇيدىڭ جاي-كۇيى, تۇرعىن ۇيگە قاتىستى جۇزەگە اسىرىلاتىن ءىس-ارەكەتتەر تۋرالى مالىمەتتەردى قامتيتىن قامقورلىعىنداعى بالانىڭ تۇرعىن ءۇيىن باسقارۋ جونىندەگى ەركىن نىسانداعى ەسەپتى بەرەدى.
19. بالالاردىڭ زاڭدى وكىلدەرىنىڭ بالالاردىڭ تۇرعىن ءۇيىن ساقتاۋ بويىنشا مىندەتتەرىن ورىنداۋىن باقىلاۋدى قازاقستان رەسپۋبليكاسىنىڭ مەملەكەتتىك باقىلاۋ جانە قاداعالاۋ تۋرالى زاڭناماسىنا سايكەس ورگاندار جۇزەگە اسىرادى.
20. بالانىڭ زاڭدى وكىلدەرى تۇرعىن ءۇيدى ساقتاۋ بويىنشا مىندەتتەرىن تيىسىنشە ورىنداماعان جاعدايدا, قامقورشىلىق نەمەسە قورعانشىلىق جونىندەگى فۋنكتسيالاردى جۇزەگە اسىراتىن ورگان زاڭدى وكىلدەردى ولاردىڭ مىندەتتەرىنەن شەتتەتەدى جانە قازاقستان رەسپۋبليكاسىنىڭ ەرلى-زايىپتىلىق تۋرالى زاڭناماسىنا سايكەس ءتيىستى شارالار قابىلدايدى.
