2013 جىلعى 26 قىركۇيەك, استانا قالاسى
الدىن الا بولۋ قورىتىندىلارى بويىنشا جىل سايىنعى جيناقتالعان باياندامانى دايىنداۋ قاعيدالارىن بەكىتۋ تۋرالى
قازاقستان رەسپۋبليكاسىنىڭ قىلمىستىق-اتقارۋ كودەكسىنىڭ 21-2-بابى, «حالىقتىڭ دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسى كودەكسىنىڭ 184-2-بابى, «الكوگوليزمگە, ناشاقورلىق پەن ۋىتقۇمارلىق دەرتiنە شالدىققان اۋرۋلاردى ەرiكسiز ەمدەۋ تۋرالى» قازاقستان رەسپۋبليكاسى زاڭىنىڭ 10-2-بابى, «ادامداردى قوعامنان ۋاقىتشا وقشاۋلاۋدى قامتاماسىز ەتەتىن ارناۋلى مەكەمەلەردە ۇستاۋ ءتارتىبى مەن شارتتارى تۋرالى» قازاقستان رەسپۋبليكاسى زاڭىنىڭ 46-11-بابى, «قازاقستان رەسپۋبليكاسىنداعى بالانىڭ قۇقىقتارى تۋرالى» قازاقستان رەسپۋبليكاسى زاڭىنىڭ 47-2-بابى, «كامەلەتكە تولماعاندار اراسىنداعى قۇقىق بۇزۋشىلىقتاردىڭ پروفيلاكتيكاسى مەن بالالاردىڭ قاداعالاۋسىز جانە پاناسىز قالۋىنىڭ الدىن الۋ تۋرالى» قازاقستان رەسپۋبليكاسى زاڭىنىڭ 27-بابىن ىسكە اسىرۋ ماقساتىندا:
1. قوسا بەرىلگەن الدىن الا بولۋ قورىتىندىلارى بويىنشا جىل سايىنعى جيناقتالعان باياندامانى دايىنداۋ قاعيدالارى بەكىتىلسىن.
2. وسى وكىم ونىڭ ءبىرىنشى رەت رەسمي جاريالانعان كۇنىنەن باستاپ ون كۇنتىزبەلىك كۇن وتكەندە قولدانىسقا ەنەدى.
ا.شاكىروۆ.
ادام قۇقىقتارى جونىندەگى ۋاكىلدىڭ 2013 جىلعى 26 قىركۇيەكتەگى №22 وكىمىمەن بەكىتىلگەن
الدىن الا بولۋ قورىتىندىلارى بويىنشا
جىل سايىنعى جيناقتالعان باياندامانى دايىنداۋ قاعيدالارى
1. جالپى ەرەجەلەر
1. وسى الدىن الا بولۋ قورىتىندىلارى بويىنشا جىل سايىنعى جيناقتالعان باياندامانى دايىنداۋ قاعيدالارى (بۇدان ءارى - قاعيدالار) ۇلتتىق الدىن الۋ تەتىگى قاتىسۋشىلارىنىڭ جىل سايىنعى جيناقتالعان بايانداماسىن (بۇدان ءارى - بايانداما) دايىنداۋ ءتارتىبىن رەتتەيدى.
2. باياندامانى ادام قۇقىقتارى جونىندەگى ۋاكىل جانىنداعى ۇيلەستىرۋ كەڭەسى ۇلتتىق الدىن الۋ تەتىگىنىڭ قاتىسۋشىلارى الدىن الا بولۋ, سونداي-اق ۇلتتىق الدىن الۋ تەتىگى اياسىندا جۇرگىزىلگەن وزگە دە ءىس-شارالاردىڭ ناتيجەلەرى بويىنشا وعان ۇسىنىلعان ەسەپتەرى نەگىزىندە دايىندايدى.
باياندامانىڭ قۇرىلىمى وسى قاعيدالارعا بەرىلگەن قوسىمشادا كورسەتىلگەن.
3. بايانداماعا الدىن الا بولۋعا جاتاتىن مەكەمەلەردە ۇستالاتىن تۇلعالارعا قاتىستى قاراۋ جاعدايلارىن جاقسارتۋ, ازاپتاۋلاردى جانە باسقا دا قاتىگەز, ادامگەرشiلiككە جاتپايتىن نەمەسە ار-نامىستى قورلايتىن iس-ارەكەتتەر مەن جازالاۋ تۇرلەرiن بولدىرماۋ بويىنشا ۋاكىلەتتى مەملەكەتتىك ورگاندارعا ۇسىنىمدار, قازاقستان رەسپۋبليكاسىنىڭ زاڭناماسىن جەتىلدىرۋ بويىنشا ۇسىنىستار كىرەدى.
4. ادام قۇقىقتارى جونىندەگى ۋاكىل ۇيلەستىرۋ كەڭەسى مۇشەلەرىنىڭ اراسىنان باياندامانى دايىنداۋدى ۇيلەستىرۋگە جاۋاپتى تۇلعانى تاعايىندايدى.
5. باياندامانى دايىنداۋعا جاۋاپتى تۇلعا باياندامانى دايىنداۋ جونىندە ءىس-شارالار جوسپارىن ازىرلەيدى جانە ادام قۇقىقتارى جونىندەگى ۋاكىلگە بەكىتۋگە ۇسىنادى, وندا ۇيلەستىرۋ كەڭەسىنىڭ بايانداما بولىكتەرىن دايىنداۋعا جاۋاپتى مۇشەلەرىن بەكىتۋ, سونداي-اق باياندامانى جانە ونىڭ بولىكتەرىن قۇرۋ مەرزىمدەرى كورسەتىلەدى.
6. باياندامانى دايىنداۋعا جاۋاپتى تۇلعا ۇيلەستىرۋ كەڭەسىنىڭ مۇشەلەرىنەن جانە ۇلتتىق الدىن الۋ تەتىگىنىڭ قاتىسۋشىلارىنان باياندامانى قۇرۋ ءۇشىن قاجەتتى اقپاراتتى سۇراتادى.
7. ۇيلەستىرۋ كەڭەسىنىڭ مۇشەلەرى بايانداماعا اقپارات پەن ماتەريالداردى قوسۋ جونىندەگى ۇسىنىستاردى ۇيلەستىرۋ كەڭەسىنىڭ قاراۋىنا ەنگىزەدى.
8. باياندامانى دايىنداۋ مەرزىمى باياندامانى دايىنداۋ جوسپارىنا سايكەس ايقىندالادى.
9. بايانداما ۇيلەستىرۋ كەڭەسىنىڭ مۇشەلەرى اشىق داۋىس بەرۋ جولىمەن ۇيلەستىرۋ كەڭەسى مۇشەلەرىنىڭ جالپى سانىنىڭ كوپشىلىك داۋسىمەن بەكىتىلەدى.
10. بەكىتىلگەن بايانداما ۋاكىلەتتى مەملەكەتتىك ورگاندارعا قاراۋ ءۇشىن جىبەرىلەدى جانە ادام قۇقىقتارى جونىندەگى ۋاكىلدىڭ ينتەرنەت-رەسۋرسىنا ونىڭ بەكىتىلۋى كۇنىنەن باستاپ ءبىر اي مەرزىمنەن كەشىكتىرىلمەي ورنالاستىرىلادى.
11. بايانداماعا وتكەن جىلعى الدىن الا بولۋ جونىندەگى قارجىلىق ەسەپ قوسا بەرىلەدى. قارجىلىق ەسەپ قۇجاتتارىنىڭ تۇپنۇسقالارى بيۋدجەتتىك باعدارلاما اكىمشىلىگىنە جىبەرىلەدى.
الدىن الا بولۋ قورىتىندىلارى بويىنشا جىل سايىنعى جيناقتالعان باياندامانى دايىنداۋ قاعيدالارىنا قوسىمشا
جىل سايىنعى جيناقتالعان باياندامانىڭ قۇرىلىمى
1.ازاپتاۋلارعا جانە باسقا دا قاتىگەز, ادامگەرشiلiككە جاتپايتىن نەمەسە ار-نامىستى قورلايتىن iس-ارەكەتتەر مەن جازالاۋ تۇرلەرiنە قارسى كونۆەنتسياسىنا فاكۋلتاتيۆتىك حاتتاماعا سايكەس قىزمەت
1.1. ازاپتاۋلارعا جانە باسقا دا قاتىگەز, ادامگەرشiلiككە جاتپايتىن نەمەسە ار-نامىستى قورلايتىن iس-ارەكەتتەر مەن جازالاۋ تۇرلەرiنە قارسى كونۆەنتسياسىنا فاكۋلتاتيۆتىك حاتتاما.
1.2. ازاپتاۋلاردى جانە باسقا دا قاتىگەز, ادامگەرشiلiككە جاتپايتىن نەمەسە ار-نامىستى قورلايتىن iس-ارەكەتتەر مەن جازالاۋ تۇرلەرiن بولدىرماۋ ماسەلەسى بويىنشا قازاقستان رەسپۋبليكاسىنىڭ زاڭناماسى.
1.3. كونسۋلتاتيۆتىك كەڭەستىڭ, ۇلتتىق الدىن الۋ تەتىگى مۇشەلەرىنىڭ وكىلەتتىكتەرى.
1.4. ۇلتتىق الدىن الۋ تەتىگىن قارجىلاندىرۋ.
1.5. ۇلتتىق الدىن الۋ تەتىگىنىڭ قىزمەتىنە قوعامدىق بىرلەستىكتەردىڭ قاتىسۋى.
1.6. ازاپتاۋلارعا جانە باسقا دا قاتىگەز, ادامگەرشiلiككە جاتپايتىن نەمەسە ار-نامىستى قورلايتىن iس-ارەكەتتەر مەن جازالاۋ تۇرلەرiنە قارسى كونۆەنتسياسىنا فاكۋلتاتيۆتىك حاتتاماسىنانىڭ تالاپتارىنا سايكەس قاماۋدا ۇستاۋ ورىندارىندا الدىن الا بولۋ.
2. ىشكى ىستەر مينيسترلىگىنە ۆەدومستۆولىق باعىنىستاعى مەكەمەلەردە ۇستالاتىن تۇلعالاردىڭ جاعدايى
2.1. جالپى ەرەجەلەر
2.2. جاعدايدى باعالاۋ
2.3. قورىتىندىلار مەن ۇسىنىمدار
3. ۇلتتىق قاۋىپسىزدىك كوميتەتىنە ۆەدومستۆولىق باعىنىستاعى مەكەمەلەردە ۇستالاتىن تۇلعالاردىڭ جاعدايى
3.1. جالپى ەرەجەلەر
3.2. جاعدايدى باعالاۋ
3.3. قورىتىندىلار مەن ۇسىنىمدار
4. قورعانىس مينيسترلىگىنە ۆەدومستۆولىق باعىنىستاعى مەكەمەلەردە ۇستالاتىن تۇلعالاردىڭ جاعدايى
4.1. جالپى ەرەجەلەر
4.2. جاعدايدى باعالاۋ
4.3. قورىتىندىلار مەن ۇسىنىمدار
5. دەنساۋلىق ساقتاۋ مينيسترلىگىنە ۆەدومستۆولىق باعىنىستاعى مەكەمەلەردە ۇستالاتىن تۇلعالاردىڭ جاعدايى
5.1. جالپى ەرەجەلەر
5.2. جاعدايدى باعالاۋ
5.3. قورىتىندىلار مەن ۇسىنىمدار
6. ءبىلىم جانە عىلىم مينيسترلىگىنە ۆەدومستۆولىق باعىنىستاعى مەكەمەلەردە ۇستالاتىن تۇلعالاردىڭ جاعدايى
6.1. جالپى ەرەجەلەر
6.2. جاعدايدى باعالاۋ
6.3. قورىتىندىلار مەن ۇسىنىمدار
7. قورىتىندى
7.1. قورىتىندىلار
7.2. ۇسىنىمدار
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 8 قاراشادا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №8894 بولىپ ەنگىزىلدى.
