بۇعان باستاماشى بولعاندار – «CSI» ستراتەگيالىق ورتالىعى مەن «اقتوبە» الەۋمەتتىك-كاسىپكەرلىك كورپوراتسياسى». اتالعان قوس قۇرىلىم ترانسفورماتسيا ءتاسىلىن ەنگىزۋ ءۇشىن ەڭ الدىمەن ستراتەگيالىق سەسسيا وتكىزۋدى ۇيعارىپتى. بۇل تىركەس تە تۇڭعىش رەت ايتىلىپ وتىرعاندىقتان انىقتاما بەرە كەتكەننىڭ ارتىقشىلىعى بولا قويماس. «CSI» كومپانياسىنىڭ سەرىكتەسى ولجاس قۇدايبەرگەنوۆتىڭ ايتۋىنشا, ستراتەگيالىق سەسسيا ۇعىمى ءبىر ماقساتقا جۇمىلعان جانداردىڭ ءوزارا ۇندەستىگى مەن سەنىمى, ء«بىر جاعادان باس, ءبىر جەڭنەن قول شىعارۋ» جولىنداعى بىرلەسكەن ءىس-قيمىلى. ايتالىق, بۇگىندە اكىمشىلىك عيماراتتارىندا وتكىزىلەتىن ءارتۇرلى جيىندار كوپ. وندا كۇن تارتىبىندە تۇرعان بىرقاتار ماسەلە ايتىلعانىمەن, تۇرمىستىڭ كوپتەگەن پروبلەماسى جانە شەشۋدىڭ جولدارى قاعابەرىستە قالىپ قويا بەرەتىنى جاسىرىن ەمەس. بەلگىلى ءبىر تاقىرىپتىق ماسەلەگە ارنالعان جيىن ۇستىندە ماسەلە اياقسىز قالدى دەۋدىڭ دە قيسىنى جوق. ساراپشىلاردىڭ مالىمدەۋىنشە, ءوزارا سەنىم مەن اۋىزبىرشىلىك جاعدايىندا, مىنبەر ۇستىندە ەمەس, كەرىسىنشە شاي ۇستىندە پروبلەمالار تىزبەگى كوبىرەك كورىنىس بەرەدى ەكەن. مىنە, ستراتەگيالىق سەسسيانىڭ باستى ءبىر ەرەكشەلىگى وسىندا كورىنەدى.
اقتوبەدە العاش رەت وتكەن ستراتەگيالىق سەسسيا كەزىندە رەسمي جينالىستاردا ايتىلا بەرمەيتىن پروبلەمالار انىقتالدى. العاشقى تاجىريبە ورتاق ماسەلەلەر مەن تاپسىرمالاردى بىرلەسىپ شەشۋگە مۇمكىندىك بەردى. ستراتەگيالىق سەسسيا بارىسىندا بايقالعان وڭ احۋال وسىنداي ءتۇيىن جاساۋعا العىشارت قالايدى. وسى ورايدا رەسپۋبليكا كولەمىندە تۇڭعىش رەت وتكىزىلگەن جىلى شىرايلى باسقوسۋعا قاتىسۋشىلار – مەملەكەتتىك مەكەمە وكىلدەرى, كاسىپكەرلەر مەن دارىگەرلەر جانە ۇستازدار مەن قوعام بەلسەندىلەرى. ولاردىڭ جالپى سانى جۇزدەن اسىپ جىعىلادى.
وسىلايشا جاڭاشىلدىق پەن جاسامپازدىقتى تۋ ەتكەندەر توعىز توپقا توپتاسىپ, وبلىستىڭ وسال ءارى ولقى سوعىپ جۇرگەن تۇستارىنا كوبىرەك وي جۇگىرتتى. ءارى ونى قىزۋ تالقىعا سالىپ, وڭ تۇرعىدا شەشۋدىڭ جولدارىن تابۋعا تىرىستى. ايرىقشا سەسسياعا قاتىسۋشىلاردىڭ اراسىندا اقتوبە وبلىسىنىڭ اكىمى وڭداسىن ورازالين دە بولىپ, كوتەرىلگەن پروبلەمالارعا قاتىستى ءوز وي-پىكىرىن جەتكىزدى.
– «جۇمىلا كوتەرگەن جۇك جەڭىل» دەمەي مە حالقىمىز, وڭىرىمىزدە ترانسفورماتسيانى قولداۋعا ءازىر, ءارى ورەلى وزگەرىستەرگە نيەتتەس, تىلەكتەس ازاماتتاردىڭ مول ەكەندىگى ورتاق ماقساتتار مەن جەتىستىكتەرگە قول جەتكىزۋگە بەرىك نەگىز قالاي الادى. مەنىڭ ويىمشا, بۇگىنگى كوتەرىلگەن ماسەلەلەر كوكتەن تۇسە قالعان شەتىن جايتتار ەمەس. ءبارى دە ورىنداۋعا ابدەن بولاتىن قاراپايىم پروبلەمالار. ءبارىمىزدىڭ ماقساتىمىز – بىرەۋ. بۇل وبلىس تۇرعىندارىنىڭ ساپالى ءومىر ءسۇرۋىن قامتاماسىز ەتۋ.
ء«ومىر بولعان سوڭ ونىڭ تولعاعى جەتكەن ماسەلەلەرى مەن پروبلەمالارى بولماي تۇرمايدى. ماسەلە سونى شەشۋدىڭ بالامالى جولدارىن ىزدەستىرۋدە ەمەس پە؟ بۇل رەتتە ءار سالانىڭ ءوز كوشباسشىسىن تابا ءبىلۋدىڭ دە ورنى ەرەكشە. ترانسفورماتسيا جوباسىنىڭ باستى ءبىر تارماعى وسى ماسەلەدەن باستاۋ الادى», دەدى «اقتوبە» الەۋمەتتىك-كاسىپكەرلىك كورپوراتسياسىنىڭ باسقارما توراعاسى ەرمەك يمانتاەۆ.
ونىڭ ايتۋىنشا, وبلىستا ترانسفورماتسيا جوباسى اياقتالعان سوڭ «اقتوبە نUB» وڭىرلىك ورتالىعى قۇرىلماق. ونىڭ باستى مىندەتى – اقتوبە وبلىسىن زاماناۋي بيىك تالاپتارعا بەيىمدەۋ بولماق. ءوڭىر باسشىسىنىڭ تاپسىرماسىنا سايكەس تالداۋلار, ماركەتينگتىك زەرتتەۋلەر مەن ساراپتامالار جۇرگىزۋ كوزدەلگەن. جاۋاپتى ءىس جوعارىدا اتالعان قۇرىلىمدارعا تاپسىرىلعان. وسى ارادا «اقتوبە» اكك سەرىكتەسى «CSI» ستراتەگيالىق باستامالار ورتالىعى تاجىريبەسى باي, كاسىبي دەڭگەيى جوعارى, بىلىكتى ماماندارى مەن ساراپشىلارى مول, ەلدىڭ تىنىس-تىرشىلىگىن زەردەلەي بىلەتىن ءىرى ۇلتتىق كونسالتينگتىك كومپانيا ەكەنى بەلگىلى. ولار ءوڭىردىڭ باستى ەرەكشەلىكتەرى مەن ەكونوميكاسىن تەرەڭ ءارى جان-جاقتى زەرتتەۋگە قىزىعۋشىلىق تانىتىپ وتىر.
مىنە, وسىلايشا اقتوبە ايماعىندا ءوڭىردى باسقارۋدىڭ ومىرشەڭ تاسىلدەرىنە ارقا سۇيەيتىن ترانسفورماتسيا جوباسىنىڭ قاداسى قاعىلدى. بۇل باعىت ايماقتىڭ اجارلانا تۇسۋىنە سەپتىگىن تيگىزە الا ما, وعان ۋاقىتتىڭ ءوزى تورەشى بولماق.
اقتوبە
