• 29 مامىر, 2013

قازاقستان رەسپۋبليكاسى ۇكىمەتىنىڭ قاۋلىسى № 137

673 رەت

كورسەتىلدى

10 مين

وقۋ ءۇشىن

Egemen Qazaqstan

قازاقستان رەسپۋبليكاسى ۇكىمەتىنىڭ قاۋلىسى № 137

سارسەنبى, 29 مامىر 2013 1:00

2013 جىلعى 15 اقپان, استانا, ۇكىمەت ءۇيى

«جولاۋشىلاردى, باگاجدى جانە جۇكتەردى اۋە كولiگiمەن تاسىمالداۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 13 جەلتوقسانداعى № 1522 قاۋلىسىنا تولىقتىرۋلار ەنگىزۋ تۋرالى

قازاقستان رەسپۋبليكاسىنىڭ ۇكىمەتى قاۋلى ەتەدى:
1. «جولاۋشىلاردى, باگاجدى جانە جۇكتەردi اۋە كولiگiمەن تاسىمالداۋ قاعيدالارىن بەكiتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 13 جەلتوقسانداعى № 1522 قاۋلىسىنا (قازاقستان رەسپۋبليكاسىنىڭ ءپۇاج-ى, 2012 ج., № 8, 153-قۇجات) مىناداي تولىقتىرۋلار ەنگىزىلسىن:
كورسەتىلگەن قاۋلىمەن بەكىتىلگەن جولاۋشىلاردى, باگاجدى جانە جۇكتەردi اۋە كولiگiمەن تاسىمالداۋ قاعيدالارىندا:

سارسەنبى, 29 مامىر 2013 1:00

2013 جىلعى 15 اقپان, استانا, ۇكىمەت ءۇيى

3-تارماقتا:
مىناداي مازمۇنداعى 48), 49), 50), 51), 52), 53), 54), 55) جانە 56) تارماقشالارمەن تولىقتىرىلسىن:
«48) قىزمەت (قىزمەت كورسەتۋ ءتۇرى) – پايدالانۋشى (تاسىمالداۋشى) مەن جولاۋشىنىڭ ءوزارا ءىس-قيمىلى جانە جولاۋشىنىڭ قاجەتتىلىگىن قاناعاتتاندىرۋ بويىنشا پايدالانۋشى قىزمەتىنىڭ ناتيجەسى;
49) جولاۋشىلارعا قىزمەت كورسەتۋ – جولاۋشىلاردىڭ اۋە تاسىمالىن رەسىمدەۋگە جانە جۇزەگە اسىرۋعا جانە ولارعا قاجەتتىلىكتەرىن قاناعاتتاندىرۋعا باعىتتالعان قىزمەتتەردىڭ مىندەتتى اسسورتيمەنتىن ۇسىنۋعا بايلانىستى راسىمدەردى ورىنداۋ جونىندەگى پايدالانۋشىنىڭ قىزمەتى;
50) قىزمەت كورسەتۋ كلاسى – جايلىلىق دەڭگەيى جانە اۋە تاسىمالىنىڭ تاريفىنە سايكەس جولاۋشىلارعا ۇسىنىلاتىن قىزمەتتەردىڭ كولەمى;
51) اۋە كەمەسىنىڭ بورتىنداعى جايلىلىق – جولاۋشىلارعا بەلگىلى ءبىر فيزيكالىق-گيگيەنالىق جاعداي جانە بورتسەرىكتەردىڭ ولارعا قىزمەت كورسەتۋ قولايلىلىعىن جاساۋعا ارنالعان, جولاۋشىلار كابيناسىنىڭ جايعاستىرىلۋىنا, ينتەرەرىنە جانە قاجەتتى جابدىقتارمەن جانە تىرشىلىكتى قامتاماسىز ەتۋ جۇيەلەرىمەن (ەلەكتر, وتتەگى, اۆاريالىق-قۇتقارۋ جۇيەسى, سۋمەن جابدىقتاۋ, كارىز, قىسىمدى, گاز قۇرامىن جانە اۋانى باپتاۋدى رەتتەۋ) جاراقتاندىرىلۋىنا بايلانىستى تۇرمىستىق جاعدايلار, قولايلىلىقتار جانە كليمات جيىنتىعى;
52) جولاۋشىلار كابيناسى – اۋە كەمەسى فيۋزەلياجىنىڭ ءتيىستى جابدىقتارمەن جاراقتالعان, جولاۋشىلار مەن بورتسەرىكتەردى ورنالاستىرۋعا ارنالعان جولاۋشىلار سالوندارىنان, تۇرمىستىق جانە قوسىمشا ءۇي-جايلار جيىنتىعىنان تۇراتىن بولىگى;
53) جولاۋشىلار سالونى – اۋە كەمەسى جولاۋشىلار كابيناسىنىڭ جولاۋشىلار كرەسلولارىمەن جابدىقتالعان جانە جولاۋشىلاردى ورنالاستىرۋعا ارنالعان بولىگى;
54) تۇرمىستىق ءۇي-جاي – اۋە كەمەسى جولاۋشىلار كابيناسىنىڭ تۇرمىستىق جابدىقتارمەن جاراقتالعان جانە بۋفەتتى, اسحانا مەن دارەتحانالاردى قامتيتىن بولىگى;
55) جەكە قىزمەت كورسەتۋ – جولاۋشىلارعا ۇشاققا وتىرعان ساتىنەن باستاپ جانە ولاردىڭ مەجەلى پۋنكتكە كەلگەن ساتىنە دەيىن تىلەكتەستىك جاعداي, پسيحولوگيالىق جايلىلىق جاساۋ;
56) قوسالقى ءۇي-جايلار – اۋە كەمەسى جولاۋشىلار كابيناسىنىڭ قوسالقى جابدىقتارمەن جاراقتالعان, ۆەستيبيۋلدى, گاردەروبتى, باگاجدىق جانە قىزمەتتىك ءۇي-جايلاردى قامتيتىن بولىگى.»;
مىناداي مازمۇنداعى 2-1-تاراۋمەن تولىقتىرىلسىن:
«2-1. اۋە كەمەسىنىڭ بورتىندا قىزمەت كورسەتۋ ءتارتىبى
38-1. تاسىمالداۋشى اۋە كەمەلەرىنىڭ بورتىندا جولاۋشىلارعا وسى قاعيدالارعا قوسىمشاعا سايكەس قىزمەتتەر كورسەتۋ تىزبەسىن ۇسىنادى.
تاسىمالداۋشى جولاۋشىلاردىڭ قاجەتتىلىكتەرىن, سۇرانىستارىن جانە تەحنيكالىق مۇمكىندىكتەرىن زەردەلەۋ نەگىزىندە قىزمەتتەر كورسەتۋ اسسورتيمەنتىن كەڭەيتەدى.
38-2. اۋە كەمەسىنىڭ بورتىندا جولاۋشىلارعا قىزمەت كورسەتۋ:
1) اۋە كەمەسىنىڭ بورتىندا جاسالاتىن جايلىلىق دەڭگەيىنىڭ جولاۋشىلاردىڭ قاجەتتىلىكتەرىنە سايكەستىگىمەن;
2) ۇشۋدا جولاۋشىلارعا ۇسىنىلاتىن قىزمەتتەردىڭ مىندەتتى اسسورتيمەنتىمەن ايقىندالادى.
38-3. اۋە كەمەسىنىڭ بورتىندا جولاۋشىلارعا قىزمەت كورسەتۋ جاعدايى مەن دەڭگەيى:
1) جولاۋشىلار سالونىنىڭ جابدىعىمەن جانە ينتەرەرىمەن;
2) جولاۋشىلاردىڭ قاۋىپسىزدىگىن, سالونداعى قورشاعان ورتانىڭ جاي-كۇيى مەن جايلىلىقتى قامتاماسىز ەتەتىن تەحنيكالىق قۇرالدارمەن جانە جۇيەلەرمەن;
3) جولاۋشىلار كابيناسىنىڭ سانيتاريالىق-گيگيەنالىق جاي-كۇيىمەن, اقاۋسىزدىعىمەن جانە قاجەتتى جابدىقپەن, مۇكاممال جيناعىمەن جانە جولاۋشىلارعا قىزمەت كورسەتۋ قۇرالدارىمەن جاساقتالۋىمەن;
4) ءوندىرۋشى كوزدەگەن اۋە كەمەلەرى ۇلگىلەرىندە بالالاردىڭ بەسىكتەرىن ورناتۋ مۇمكىندىگىمەن بالاسى بار جولاۋشىلارعا ارنالعان ورىنداردىڭ بولۋىمەن;
5) ءوندىرۋشى كوزدەگەن اۋە كەمەلەرى ۇلگىلەرىندە زەمبىلدەگى ناۋقاستاردى جانە مۇگەدەكتەردى ورنالاستىرۋ مۇمكىندىگىمەن;
6) جولاۋشىلار ءۇشىن جەكە پايدالانۋ قۇرالدارىمەن (جەكە جارىقتاندىرۋ, جەلدەتكىش, تاماقتانۋعا ارنالعان ۇستەل, بايلامالى قاۋىپسىزدىك بەلدىكتەرىنىڭ جۇيەسى, قۇتقارۋ كەۋدەشەلەرى, وتتەگى نەمەسە تۇتىننەن قورعاۋ ماسكالارى);
7) سىرتقى كيىمدى ورنالاستىرۋ ءۇشىن گاردەروبتاردىڭ بولۋىمەن قامتاماسىز ەتىلۋگە ءتيىس.
38-4. مۇمكىندىكتەرى شەكتەۋلى جولاۋشىلارعا قىزمەت كورسەتۋ كەزىندە بورتسەرىكتەر ۇشۋدا ورنالاستىرۋدى, اقپاراتتىق قىزمەت كورسەتۋدى, اۆياتسيالىق قاۋىپسىزدىك قاعيدالارىن ورىنداۋ بويىنشا كومەك كورسەتۋدى, تاماقتاندىرۋ قىزمەتىن كورسەتۋدى, العاشقى مەديتسينالىق كومەك كورسەتۋدى قوسا العاندا, اۋە كەمەسىنىڭ بورتىندا كوممۋنيكاتسيا جانە قاۋىپسىز كومەك كورسەتۋ بويىنشا پراكتيكالىق داعدىلاردى مەڭگەرۋگە ءتيىس.
مۇمكىندىكتەرى شەكتەۋلى جولاۋشىلاردى تاسىمالداۋ كەزىندە تىركەۋ بويىنشا ءتيىستى راسىمدەر جۇرگىزىلگەننەن كەيىن اۆياكومپانيا (اۋەجاي) وكىلى ولاردى اۋە كەمەسىنە (نەن) الىپ جۇرەدى.
مۇمكىندىكتەرى شەكتەۋلى جولاۋشىلاردى جانە الىپ جۇرەتىن ادامداردى اۋە كەمەسىنىڭ بورتىنا وتىرعىزۋ جولاۋشىلاردىڭ نەگىزگى بولىگىن وتىرعىزۋ جاريالانعانعا دەيىن ءبىرىنشى كەزەكتە جانە اۋە كەمەسىنەن ءتۇسىرۋ سوڭعى كەزەكتە جۇرگىزىلەدى.
38-5. تاسىمالداۋشى ءاربىر ۇشۋدىڭ الدىندا مىنالاردى:
1) اۋە كەمەسىنىڭ جولاۋشىلار سالوندارىنداعى تازالىقتى;
2) دارەتحانالىق بولمەلەردىڭ تازالىعىن جانە گيگيەنالىق قۇرالدارمەن جاساقتالۋىن;
3) جولاۋشىلار كرەسلولارى مەن باگاج سورەلەرىنىڭ اقاۋسىزدىعىن;
4) ستاتسيونارلىق جانە المالى-سالمالى جابدىقتارمەن, قىزمەت كورسەتۋ قۇرالدارىمەن جانە جۇمساق مۇكاممالمەن جيناقتالۋىن جانە ولاردىڭ جارامدىلىعىن;
5) جولاۋشىلار سالونىن جىلىتۋدى /سالقىنداتۋدى قامتاماسىز ەتەدى.
38-6. تاسىمالداۋشى بۇكىل ۇشۋ بويىندا مىنالاردى:
1) ءوندىرۋشى كوزدەگەن اۋە كەمەسى ۇلگىلەرىندەگى بۋفەت-اسحانا مەن دارەتحانالارعا سۋىق جانە ىستىق سۋ بەرۋدى;
2) سالونداردا +18 گرادۋستان تومەن ەمەس جانە +25 گرادۋستان جوعارى ەمەس اۋا تەمپەراتۋراسىن;
3) جولاۋشىلار سالونىنداعى تازالىق پەن ءتارتىپتى;
4) اۋە كەمەسىنىڭ بورتىندا جولاۋشىلاردىڭ ءوزىن-ءوزى ۇستاۋ قاعيدالارىن ساقتاۋىن تۇراقتى باقىلاۋدى قامتاماسىز ەتەدى.
38-7. حاباردار ەتۋ جولاۋشىمەن تىكەلەي قارىم-قاتىناس جاساۋ كەزىندە نەمەسە داۋىس زورايتقىش بايلانىسى بويىنشا جۇزەگە اسىرىلادى.
38-8. ازىق-ت ۇلىك ونىمدەرىمەن قامتاماسىز ەتۋ ونىمدەردى ساقتاۋ مەرزىمدەرىن قاتاڭ ساقتاۋدى ەسكەرە وتىرىپ, جۇزەگە اسىرىلادى.
38-9. تاسىمالداۋشى ۇشۋدىڭ ۇزاقتىعى مەن باعىتىن ەسكەرە وتىرىپ, ۇشاققا گازەتتەردى, جۋرنالداردى دايىنداۋ مەن جەتكىزۋدى قامتاماسىز ەتەدى.
38-10. مۋزىكالىق باعدارلامالاردى تۇنگى ۋاقىتتا جەكە قۇلاقشالار ارقىلى عانا (جولاۋشىلار دەمالىپ جاتقان كەزدە) ترانسلياتسيالاۋعا بولادى.
وسى قاعيدالارعا قوسىمشادا كورسەتىلگەن قىزمەت كورسەتۋدىڭ بارلىق تۇرلەرى ۇشۋ قاۋىپسىزدىگىنە نۇقسان كەلتىرىلمەي ۇسىنىلۋى ءتيىس.
38-11. تاسىمالداۋشى جولاۋشىنىڭ تالاپ ەتۋى بويىنشا اۋە كەمەسىنىڭ بورتىندا قىزمەت كورسەتۋ ساپاسى بويىنشا تىلەك-ارىز جۋرنالىن بەرۋدى قامتاماسىز ەتەدى.»;
مىناداي مازمۇنداعى 124-تارماقپەن تولىقتىرىلسىن:
«124. حالىقارالىق اۆيامارشرۋتتاردى ورىندايتىن تاسىمالداۋشى مەجەلى جانە جونەلتۋ پۋنكتتەرىندە جولاۋشىلارعا مەملەكەتتىك تىلدە اقپاراتتىق-انىقتامالىق قىزمەت كورسەتۋدi قامتاماسىز ەتەدى. قوسىمشا باسقا تiلدەردi پايدالانۋعا جول بەرiلەدi.»;
كورسەتىلگەن قاعيدالار وسى قاۋلىعا قوسىمشاعا سايكەس قوسىمشامەن تولىقتىرىلسىن.
2. وسى قاۋلى العاشقى رەسمي جاريالانعانىنان كەيىن كۇنتىزبەلىك جيىرما ءبىر كۇن وتكەن سوڭ قولدانىسقا ەنگىزىلەدى.

قازاقستان رەسپۋبليكاسىنىڭ پرەمەر-ءمينيسترى س.احمەتوۆ.

قازاقستان رەسپۋبليكاسى ۇكىمەتىنىڭ
2013 جىلعى 15 اقپانداعى № 137 قاۋلىسىنا قوسىمشا

جولاۋشىلاردى, باگاجدى جانە جۇكتەردi اۋە كولiگiمەن تاسىمالداۋ قاعيدالارىنا قوسىمشا

اۋە كەمەسىنىڭ بورتىندا جولاۋشىلارعا ۇسىنىلاتىن قىزمەتتەر تىزبەسى
1. اقپاراتتىق-انىقتامالىق قىزمەت كورسەتۋ – اۋە كەمەسىنىڭ بورتىندا ءوزىن-ءوزى ۇستاۋ قاعيدالارى, كورسەتىلەتىن قىزمەتتەر, ۇشۋ جانە اۆاريالىق-قۇتقارۋ جابدىقتارىن پايدالانۋ شارتتارى تۋرالى جولاۋشىلاردى قازاق, ورىس جانە اعىلشىن تىلدەرىندە ۋاقتىلى جانە دۇرىس حاباردار ەتۋ. اقپاراتتار نەگىزگى جانە قوسىمشا تۇرلەرگە بولىنەدى:
1) اقپاراتتىڭ نەگىزگى تۇرلەرى:
سالەمدەسۋ;
ۇشۋدا قاۋىپسىزدىكتى قامتاماسىز ەتۋ جونىندە;
تەمەكى تارتۋعا تىيىم سالۋ تۋرالى;
ۇشاقتىڭ جابدىقتارى تۋرالى;
ۇشۋدا ۇسىنىلاتىن قىزمەتتەر تۋرالى;
ۇشۋ مارشرۋتى بويىنشا تاماقتانۋ تۋرالى;
بيىكتىك الۋ مەن تومەندەۋ جانە قونۋ پۋنكتى تۋرالى;
اۋە كەمەسى مەجەلەنگەن اۋەجايعا قونعاننان كەيىن;
قونۋ پۋنكتىندەگى اۋا-رايى تۋرالى;
2) اقپاراتتىڭ قوسىمشا تۇرلەرى (قاجەتتىلىك تۋىنداعان كەزدە):
ۇشۋ جوسپارىنىڭ وزگەرگەنى تۋرالى;
ۇشۋ باعىتىنىڭ وزگەرگەنى تۋرالى;
رەيستىڭ كىدىرىسى تۋرالى;
ءماجبۇرلى قونۋ تۋرالى;
ۇشىپ شىققان پۋنكتكە قايتا ورالۋ تۋرالى;
قوسالقى اۋەايلاققا قونۋ تۋرالى;
اۆاريالىق جاعداي, قونۋ تۋرالى;
مەجەلى پۋنكتكە كەشىگىپ بارۋ تۋرالى;
تۋربۋلەنتتىك ايماعىندا ۇشۋ تۋرالى;
قۇتتىقتاۋ.
2. جەكە قىزمەت كورسەتۋ:
1) بۇكىل ۇشۋ كەزىندە ءاربىر جولاۋشىعا قىزمەت كورسەتۋ;
2) ناۋقاس, مۇگەدەك, ەگدە ادامدارعا جانە بالاسى بار جولاۋشىلارعا ەرەكشە كوڭىل ءبولۋ;
3) جەكە جارىقتاندىرۋدى جانە جەلدەتكىشتى قوسۋ;
4) جولاۋشىلاردىڭ سۇراقتارىنا جاۋاپ بەرۋ;
5) بالا بەسىكتەرىن ورناتۋ جانە جابدىقتاۋ ء(وندىرۋشى كوزدەگەن اۋە كەمەسى ۇلگىلەرىندە);
6) الىپ ءجۇرۋشىسى جوق بالالارعا قىزمەت كورسەتۋ.
3. مەديتسينالىق كومەك كورسەتۋ, بورتتىق مەديتسينالىق قوبديشاداعى مەديتسينالىق قۇرالدارمەن جانە پرەپاراتتارمەن دارىگەرگە دەيىنگى العاشقى جاردەم كورسەتۋ.
4. جولاۋشىلاردى ۇشۋدا جۇمساق مۇكاممالمەن قامتاماسىز ەتۋ.
5. جولاۋشىلارعا مەرزىمدى باسىلىمداردى ۇسىنۋ (گازەتتەر, جۋرنالدار).
6. مۋلتيمەديالىق قىزمەتتەردى, ونىڭ ىشىندە مۋزىكالىق باعدارلامالاردى مەملەكەتتىك, ورىس جانە باسقا تىلدەردە ء(تيىستى جابدىق بولسا) ۇسىنۋ.
7. اۋە كەمەسىنىڭ ۇلگىسىنە جانە اۆيامارشرۋتتىڭ ۇزاقتىعىنا بايلانىستى سالقىنداتىلعان سۋسىنداردى, ازىق-ت ۇلىك ونىمدەرىن ۇسىنۋ.