1. «جوعارى ءبىلىم بەرۋدىڭ كاسىپتىك وقۋ باعدارلامالارىن ىسكە اسىراتىن قازاقستان رەسپۋبليكاسى ىشكى ىستەر مينيسترلىگىنىڭ ءبىلىم بەرۋ ۇيىمدارىنا وقۋعا قابىلداۋ ەرەجەسىن بەكىتۋ تۋرالى» قازاقستان رەسپۋبليكاسى ىشكى ىستەر ءمينيسترىنىڭ 2011 جىلعى 26 ساۋىردەگى № 186 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6977 بولىپ تىركەلگەن, «كازاحستانسكايا پراۆدا» گازەتىنىڭ 2011 جىلعى 8 ماۋسىمدا № 180 (26601) سانىندا جاريالانعان) مىناداي وزگەرىس ەنگىزىلسىن:
كورسەتىلگەن بۇيرىقپەن بەكىتىلگەن جوعارى ءبىلىم بەرۋدىڭ كاسىپتىك وقۋ باعدارلامالارىن ىسكە اسىراتىن قازاقستان رەسپۋبليكاسى ىشكى ىستەر مينيسترلىگىنىڭ ءبىلىم بەرۋ ۇيىمدارىنا قابىلداۋ ەرەجەسى:
مىناداي مازمۇنداعى 2-1-تارماقپەن تولىقتىرىلسىن:
«2-1. وسى ەرەجە قازاقستان رەسپۋبليكاسى ىشكى ىستەر مينيسترلىگى ىشكى اسكەرلەرىنىڭ اسكەري وقۋ ورىندارىن قوسپاعاندا, قازاقستان رەسپۋبليكاسى ىشكى ىستەر مينيسترلىگىنىڭ جوعارى وقۋ ورىندارىنا وقۋعا قابىلداۋ ءتارتىبىن رەتتەيدى.».
2. قوسا بەرىلىپ وتىرعان جوعارى ءبىلىم بەرۋدىڭ كاسىپتىك وقۋ باعدارلامالارىن ىسكە اسىراتىن قازاقستان رەسپۋبليكاسى ىشكى ىستەر مينيسترلىگى ىشكى اسكەرلەرىنىڭ ءبىلىم بەرۋ ۇيىمدارىنا وقۋعا قابىلداۋ قاعيداسى بەكىتىلسىن.
3. قازاقستان رەسپۋبليكاسى ىشكى ىستەر مينيسترلىگىنىڭ ىشكى اسكەرلەر كوميتەتى وسى بۇيرىقتى قازاقستان رەسپۋبليكاسى ادىلەت مينيسترلىگىندە بەلگىلەنگەن تارتىپپەن مەملەكەتتىك تىركەۋدى جانە مەرزىمدىك باسىلىمداردا جاريالاۋدى قامتاماسىز ەتسىن.
4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ىشكى ىستەر مينيسترلىگىنىڭ ىشكى اسكەرلەر قولباسشىسىنا (ر.ف. جاقسىلىقوۆ) جۇكتەلسىن.
5. وسى بۇيرىق العاش رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر پوليتسيا گەنەرال-لەيتەنانتى ق. قاسىموۆ.
قازاقستان رەسپۋبليكاسى ىشكى ىستەر ءمينيسترىنىڭ 2012 جىلعى 21 قاراشا №620 بۇيرىعىمەن بەكىتىلگەن
جوعارى ءبىلىم بەرۋدىڭ كاسىپتىك وقۋ باعدارلامالارىن ىسكە اسىراتىن قازاقستان رەسپۋبليكاسى ىشكى ىستەر مينيسترلىگى ىشكى اسكەرلەرىنىڭ ءبىلىم بەرۋ ۇيىمدارىنا وقۋعا قابىلداۋ قاعيداسى
1. جالپى ەرەجەلەر
1. وسى جوعارى ءبىلىم بەرۋدىڭ كاسىپتىك وقۋ باعدارلامالارىن ىسكە اسىراتىن قازاقستان رەسپۋبليكاسى ىشكى ىستەر مينيسترلىگى ىشكى اسكەرلەرىنىڭ ءبىلىم بەرۋ ۇيىمدارىنا وقۋعا قابىلداۋ قاعيداسى (بۇدان ءارى – قاعيدا) قازاقستان رەسپۋبليكاسىنىڭ «قازاقستان رەسپۋبليكاسى ىشكى ىستەر مينيسترلىگىنىڭ ىشكى اسكەرلەرى تۋرالى», «اسكەري قىزمەت جانە اسكەري قىزمەتشىلەردىڭ مارتەبەسى تۋرالى», ء«بىلىم تۋرالى» زاڭدارىنا, قازاقستان رەسپۋبليكاسى ۇكىمەتىنىڭ 2012 جىلعى 19 قاڭتارداعى № 111 قاۋلىسىمەن بەكىتىلگەن جوعارى ءبىلىم بەرۋدىڭ كاسىپتىك وقۋ باعدارلامالارىن ىسكە اسىراتىن ءبىلىم بەرۋ ۇيىمدارىنا وقۋعا قابىلداۋدىڭ ۇلگى قاعيداسىنا سايكەس ازىرلەندى جانە جوعارى ءبىلىم بەرۋدىڭ كاسىپتىك وقۋ باعدارلامالارىن ىسكە اسىراتىن قازاقستان رەسپۋبليكاسى ىشكى ىستەر مينيسترلىگى ىشكى اسكەرلەرىنىڭ ءبىلىم بەرۋ ۇيىمدارىنا (بۇدان ءارى – اسكەري وقۋ ورنى) وقۋعا كانديداتتاردى قابىلداۋ ءتارتىبىن ايقىندايدى.
2. اسكەري وقۋ ورىندارىنا:
1) وقۋعا تۇسەتىن جىلى ون جەتىگە تولعان, بىراق جيىرما ءبىر جاستان اسپاعان, اسكەري قىزمەت وتكەرمەگەن قازاقستان رەسپۋبليكاسىنىڭ ازاماتتارى;
2) اسكەري قىزمەت وتكەرگەن ازاماتتار جانە مەرزىمدى اسكەري قىزمەتتەگى اسكەري قىزمەتشىلەر وقۋعا تۇسەتىن جىلى جاسى جيىرما تورتكە دەيىن;
3) كەلىسىمشارت بويىنشا اسكەري قىزمەتشىلەر جاسى جيىرما بەسكە تولعانعا دەيىن;
4) قازاقستان رەسپۋبليكاسى راتيفيكاتسيالاعان قولدانىستاعى حالىقارالىق كەلىسىمشارتتار مەن كەلىسىمدەر نەگىزىندە شەتەل مەملەكەتتەرىنىڭ ازاماتتارى قابىلدانادى.
3. اسكەري وقۋ ورىندارىنا وقۋعا كانديداتتاردى ىرىكتەۋ قازاقستان رەسپۋبليكاسى ءىىم ىشكى اسكەرلەرىنىڭ اسكەري وقۋ ورنىنا قابىلداۋ جوسپارىنا (بۇدان ءارى – قابىلداۋ جوسپارى) سايكەس جۇزەگە اسىرىلادى.
4. قابىلداۋ جوسپارىن قازاقستان رەسپۋبليكاسى ءىىم ىشكى اسكەرلەر كوميتەتى جىل سايىن 30 قاڭتارعا دەيىن ازىرلەيدى.
5. قابىلداۋ جوسپارىنان ءۇزىندى قازاقستان رەسپۋبليكاسى ءىىم ىشكى اسكەرلەرىنىڭ قۇرامالارى مەن اسكەري بولىمدەرىنىڭ كومانديرلەرىنە وقۋعا تۇسەتىن جىلدىڭ 15 اقپانىنا دەيىن جەتكىزىلەدى.
6. قۇرامالار مەن اسكەري بولىمدەردىڭ كومانديرلەرى قابىلداۋ جوسپارىن الىسىمەن, مىناداي جۇمىستاردى جۇرگىزەدى:
1) اسكەري قىزمەتتە تۇرماعان ازاماتتاردى اسكەري كاسىپتىك بەيىمدەۋ جونىندەگى جۇمىسقا قاتىسادى;
2) كانديداتتارعا اسكەري وقۋ ورىندارىنا وقۋعا تۇسەتىن ادامدارعا قويىلاتىن تالاپتار جەتكىزەدى;
3) وقۋعا تۇسەتىن جىلدىڭ 15 مامىرىنا دەيىن اسكەري وقۋ ورىندارىنا وقۋعا كانديداتتاردى الدىن الا ىرىكتەۋ جونىندەگى جۇمىستى ۇيىمداستىرادى;
4) مەرزىمدى قىزمەتتەگى اسكەري قىزمەتشىلەر اراسىنداعى كانديداتتارمەن كەشەندى تەستىلەۋگە دايىندىقتى ۇيىمداستىرادى.
7. ۇگىت شارالارىنا قاتىسۋ ءۇشىن اسكەري وقۋ ورىندارىنىڭ وكىلدەرى وقۋ ورىندارىنىڭ تۇرمىس-تىرشىلىگى تۋرالى ماتەريالداردى بەرە وتىرىپ, اسكەري بولىمدەر مەن جەرگىلىكتى اسكەري باسقارۋ ورگاندارىنا جىبەرىلەدى.
8. اسكەري وقۋ ورىندارىنا وقۋعا نيەت بىلدىرگەن مەرزىمدى قىزمەتتەگى اسكەري قىزمەتشىلەر, كەلىسىمشارت بويىنشا اسكەري قىزمەتشىلەر وقۋعا تۇسەتىن جىلدىڭ 1 ناۋرىزىنا دەيىن 1-قوسىمشادا كورسەتىلگەن تىزبە بويىنشا اسكەري وقۋ ورنىنا تۇسۋگە قاجەتتى قۇجاتتاردى ۇسىنا وتىرىپ, اسكەري ءبولىمنىڭ كومانديرىنە (باستىعىنا) ءوتىنىش بىلدىرەدى.
9. اسكەري قىزمەتتە تۇرماعان جانە اسكەري وقۋ ورىندارىنا وقۋعا تۇسۋگە نيەت بىلدىرگەن ازاماتتار تۇرعىلىقتى ورنى بويىنشا قازاقستان رەسپۋبليكاسى ءىىم ىشكى اسكەرلەرىنىڭ اسكەري ءبولىمى كومانديرىنىڭ (باستىقتىڭ) اتىنا ءتيىستى ءوتىنىش, سونداي-اق وسى قاعيداعا 1-قوسىمشاعا سايكەس تىزبە بويىنشا اسكەري وقۋ ورنىنا تۇسۋگە قاجەتتى قۇجاتتاردى تاپسىرادى.
10. اسكەري بولىمدەردىڭ كومانديرلەرى اسكەري وقۋ ورىندارىنا تۇسۋگە كانديداتتارعا اسكەري-دارىگەرلىك كوميسسيادان وتۋگە وسى قاعيداعا 2-قوسىمشاعا سايكەس نىسان بويىنشا جولداما بەرەدى.
11. ىرىكتەۋدەن ءوتۋ ءۇشىن كانديداتتاردىڭ اسكەري وقۋ ورىندارىنا كەلۋ ۋاقىتى جانە ورنى تۋرالى اسكەري وقۋ ورنىنىڭ قابىلداۋ كوميسسياسى وقۋعا تۇسەتىن جىلدىڭ 1 شىلدەسىنە دەيىن كانديداتتارعا قازاقستان رەسپۋبليكاسى ءىىم ىشكى اسكەرلەرىنىڭ اسكەري بولىمدەرى ارقىلى حابارلايدى.
12. مەرزىمدى قىزمەتتەگى اسكەري قىزمەتشىلەر بەلگىلەنگەن مەرزىمدە ىرىكتەۋدەن ءوتۋ ءۇشىن اسكەري وقۋ ورنىنا ىسساپارعا جىبەرىلەدى.
13. كەلىسىمشارت بويىنشا اسكەري قىزمەتشىلەرگە اسكەري وقۋ ورنىنا ءتۇسۋ ءۇشىن وقۋ دەمالىسى ۇسىنىلادى.
14. اسكەري وقۋ ورنىنا كەلگەن بارلىق كانديداتتار تەگىن تۇرۋ ورنىمەن جانە تاماقپەن قامتاماسىز ەتىلەدى.
2. اسكەري وقۋ ورىندارىنا قابىلداۋدى ۇيىمداستىرۋ
15. وقۋعا قابىلداۋدى ۇيىمداستىرۋدى اسكەري وقۋ ورنىنىڭ قابىلداۋ كوميسسياسى جۇزەگە اسىرادى.
16. قابىلداۋ كوميسسياسىنىڭ فۋنكتسياسى, جۇمىس ىستەۋ مەرزىمى مەن قۇرامى قازاقستان رەسپۋبليكاسى ءىىم ىشكى اسكەرلەر باس قولباسشىسىنىڭ جىل سايىنعى بۇيرىعىمەن ايقىندالادى.
17. قابىلداۋ كوميسسياسىنىڭ توراعاسى بولىپ اسكەري وقۋ ورنىنىڭ باستىعى تاعايىندالادى.
18. قابىلداۋ كوميسسياسى توراعاسىنىڭ شەشىمىمەن كوميسسيا قۇرامىنان داۋىس بەرۋ قۇقىعى جوق جاۋاپتى حاتشى تاعايىندالادى.
19. كانديداتتاردى ىرىكتەۋدى جانە قابىلداۋدى ۇيىمداستىرۋ جونىندەگى شارالار كەشەنىن جۇزەگە اسىرۋ ءۇشىن اسكەري وقۋ ورنى باستىعىنىڭ بۇيرىقتارىمەن:
1) شتاتتان تىس ۋاقىتشا ارەكەت ەتەتىن اسكەري-دارىگەرلىك كوميسسيا;
2) كانديداتتاردىڭ دەنە شىنىقتىرۋ دايارلىعىن تەكسەرۋ جونىندەگى كوميسسيا;
3) اپەللياتسيالىق كوميسسيا;
4) تەحنيكالىق توپ قۇرىلادى.
شتاتتان تىس ۋاقىتشا ارەكەت ەتەتىن اسكەري-دارىگەرلىك كوميسسيا قازاقستان رەسپۋبليكاسى ىشكى ىستەر ءمينيسترىنىڭ 2010 جىلعى 27 شىلدەدەگى № 325 بۇيرىعىمەن بەكىتىلگەن ىشكى ىستەر ورگاندارىندا اسكەري-دارىگەرلىك ساراپتاما وتكىزۋ جونىندەگى نۇسقاۋلىققا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6407 بولىپ تىركەلگەن) سايكەس, دەنساۋلىق جاعدايى بويىنشا وقۋعا تۇسۋگە جارامدىلىعىن انىقتاۋ ماقساتىندا كانديداتتارعا سوڭعى مەديتسينالىق كۋالاندىرۋدى جۇرگىزۋ ءۇشىن دارىگەر-مامانداردىڭ قاتىسۋىمەن ىشكى ىستەر مينيسترلىگىنىڭ اسكەري وقۋ ورنىنىڭ مەديتسينالىق ءبولىم باستىعىنىڭ توراعالىعىمەن قۇرىلادى.
دەنە شىنىقتىرۋ دايارلىعىن تەكسەرۋ جونىندەگى كوميسسيا كانديداتتاردى دەنە شىنىقتىرۋ كورسەتكىشتەرى بويىنشا ىرىكتەۋدى ۇيىمداستىرۋ جونىندەگى شارالاردى جۇزەگە اسىرۋ ءۇشىن قۇرىلادى. كوميسسيا قۇرامىنا اسكەري وقۋ ورنىنىڭ دەنە شىنىقتىرۋ دايارلىعى جانە تاكتيكالىق-ارنايى دايارلىق كافەدرالارىنىڭ قىزمەتكەرلەرى كىرەدى.
اپپەلياتسيالىق كوميسسيا كانديداتتاردى دەنە شىنىقتىرۋ كورسەتكىشتەرى مەن تەستىلەۋ بويىنشا ىرىكتەۋ قورىتىندىسى بويىنشا كانديداتتاردىڭ ارىزدارىن قاراۋ ءۇشىن قۇرىلادى.
تەحنيكالىق توپ كانديداتتاردىڭ جەكە جانە وقۋ ىستەرىن قابىلداۋ جانە وڭدەۋ جونىندەگى شارالاردى جۇزەگە اسىرۋ ءۇشىن قۇرىلادى.
20. كانديداتتاردى اسكەري وقۋ ورنىنا وقۋعا قابىلداۋ ءۇش كەزەڭدە جۇزەگە اسىرىلادى:
ءبىرىنشى كەزەڭدە – اسكەري وقۋ ورنىنىڭ قابىلداۋ كوميسسياسى كادرلاردى دايارلاۋدىڭ اۋماقتىق قاعيداسىن ەسكەرە وتىرىپ, مەديتسينالىق, دەنە ءبىتىمى جانە پسيحوفيزيولوگيالىق كورسەتكىشتەرى بويىنشا ىرىكتەي وتىرىپ, كانديداتتار كونتينگەنتىن قالىپتاستىرادى;
ەكىنشى كەزەڭدە – كانديداتتاردى بىرىڭعاي ۇلتتىق تەستىلەۋ (بۇدان ءارى – ۇبت) نەمەس قازاقستان رەسپۋبليكاسى ءبىلىم جانە عىلىم مينيسترلىگىنىڭ ۇلتتىق تەستىلەۋ ورتالىعى ازىرلەگەن تەحنولوگيالار بويىنشا جۇرگىزىلگەن كەشەندىك تەستىلەۋ ناتيجەلەرى بويىنشا بەرىلگەن سەرتيفيكاتتاردىڭ بالدارىنا سايكەس ىرىكتەۋ;
ءۇشىنشى كەزەڭدە – اسكەري وقۋ ورىندارىنىڭ قابىلداۋ كوميسسيالارى دەنە ءبىتىمى, مەديتسينالىق, پسيحوفيزيولوگيالىق ىرىكتەۋ ناتيجەلەرى, ۇبت جانە كەشەندىك تەستىلەۋ ناتيجەلەرى بويىنشا كۋرسانتتار قاتارىنا تىركەۋدى جۇرگىزەدى.
21. قابىلداۋ ءتارتىبى تۋرالى اقپارات, قابىلداۋ كوميسسياسىنىڭ قابىلداۋدى ۇيىمداستىرۋ جانە وتكىزۋ جونىندەگى شەشىمدەرى, ەمتيحاندار مەن كونسۋلتاتسيالار كەستەسى, دۇرىس جاۋاپتاردىڭ كودتارى, كەشەندىك تەستىلەۋ ناتيجەلەرى, سونداي-اق باسقا دا قاجەتتى اقپاراتتار كانديداتتارعا ۋاقتىلى جەتكىزۋ ءۇشىن اقپاراتتىق تاقتاعا ورنالاستىرىلادى.
3. كانديداتتاردى دەنە ءبىتىمى بويىنشا ىرىكتەۋ ءتارتىبى
22. قازاقستان رەسپۋبليكاسى ءىىم ىشكى اسكەرلەرىنىڭ اسكەري ينستيتۋتىنا وقۋعا تۇسۋشىلەرگە ارنالعان دەنە شىنىقتىرۋ دايارلىعى بويىنشا نورماتيۆتەر سايكەس وسى قاعيداعا 3-قوسىمشاعا سايكەس كانديداتتاردى دەنە ءبىتىمى كورسەتكىشتەرى بويىنشا ىرىكتەۋ جۇرگىزىلەدى جانە دەنە شىنىقتىرۋ جاتتىعۋلارىن ورىنداۋ ناتيجەلەرى باعالانادى.
23. دەنە شىنىقتىرۋ بويىنشا نورماتيۆتەردىڭ مازمۇنى جانە سپورت جاتتىعۋلارىن ورىنداۋ شارتتارى كانديداتتارعا دەنە شىنىقتىرۋ دايارلىعى بويىنشا ىرىكتەۋ وتكىزىلەردەن 24 ساعات بۇرىن جەتكىزىلەدى.
24. دەنە شىنىقتىرۋ دايارلىعى بويىنشا نورماتيۆتەردى تاپسىرۋدى باستار الدىندا دەنە شىنىقتىرۋ دايارلىعىن تەكسەرۋ جونىندەگى كوميسسيا مۇشەلەرى ولارمەن نۇسقاۋلىق جۇرگىزۋى ءتيىس, ونىڭ بارىسىندا ولاردى جاتتىعۋلاردى ورىنداۋ شارتتارىمەن جانە قاۋىپسىزدىك تەحنيكاسىمەن قول قويعىزا وتىرىپ, تانىستىرادى.
25. دەنە شىنىقتىرۋ دايارلىعى بويىنشا نورماتيۆتەرگە قوسىلعان سپورت جاتتىعۋلارىنىڭ ءاربىر ءتۇرى جەكە تاپسىرىلادى.
26. دەنە شىنىقتىرۋ دايارلىعى بويىنشا نورماتيۆتەردى ورىنداۋ ءۇشىن بەلتەمىرگە تارتىلۋ جانە 100 مەترگە جۇگىرۋ بويىنشا ءبىر ۋاقىتتا كەمىندە 3 كانديدات جىبەرىلەدى. 3000 مەترگە جۇگىرۋگە ءبىر ۋاقىتتا كەمىندە 10 ادام قاتىسادى.
27. ءاربىر سپورت جاتتىعۋىن تاپسىرۋ ناتيجەلەرىن كانديداتتاردىڭ دەنە شىنىقتىرۋ دايارلىعىن تەكسەرۋ جونىندەگى كوميسسيا مۇشەلەرى جەكە ۆەدوموسقا بەلگىلەيدى. جاتتىعۋلاردى ورىنداۋ ناتيجەلەرى بەلگىلەنگەننەن كەيىن ولاردى قايتا تاپسىرۋعا رۇقسات ەتىلمەيدى.
28. دەنە شىنىقتىرۋ جاتتىعۋلارىنىڭ جەكەلەگەن تۇرلەرىن تاپسىرۋ بويىنشا ۆەدوموستارداعى دەرەكتەر نەگىزىندە دەنە ءبىتىمى كورسەتكىشتەرى بويىنشا نورماتيۆتەردى ورىنداۋدىڭ جيىنتىق حاتتاماسى جاسالادى, ول اسكەري وقۋ ورنىنىڭ قابىلداۋ كوميسسياسىنا ۇسىنىلادى.
جيىنتىق حاتتامادا قانداي دا ءبىر كانديداتتاردىڭ دەنە شىنىقتىرۋ دايارلىعى بويىنشا ءنورماتيۆتى تاپسىرعانى نەمەسە تاپسىرماعانى تۋرالى قورىتىندى بولۋى ءتيىس جانە ءبىر ساعاتتىڭ ىشىندە وسى مالىمەتتەر كانديداتتارعا جەتكىزىلەدى جانە اقپاراتتىق تاقتاعا ىلىنەدى.
29. دەنە شىنىقتىرۋ دايارلىعى بويىنشا سىناقتىڭ ناتيجەسىمەن كەلىسپەيتىن كانديدات اپەللياتسياعا ارىز بەرە الادى.
دەنە شىنىقتىرۋ دايارلىعى بويىنشا ءنورماتيۆتىڭ ناتيجەلەرىنە بايلانىستى ماسەلەلەردى قاراۋعا ارنالعان اپەللياتسيالىق كوميسسيا قۇرامى اسكەري وقۋ ورنى باستىعىنىڭ بۇيرىعىمەن بەكىتىلەدى.
30. اپەللياتسياعا ارىزدى كانديداتتىڭ جەكە ءوزى اپەللياتسيالىق كوميسسياعا دەنە شىنىقتىرۋ دايارلىعى بويىنشا ناتيجەلەر جاريالانعاننان كەيىن كەلەسى كۇنگى 13 ساعاتقا دەيىن تاپسىرادى جانە اپەللياتسيالىق كوميسسيا ءبىر جۇمىس كۇنى ىشىندە قارايدى. ارىزدانۋشىدا وزىمەن بىرگە جەكە باسىن كۋالاندىراتىن قۇجات بولۋى ءتيىس.
31. ارىزدى قاراۋ ناتيجەلەرى بويىنشا كانديداتقا ونىڭ قالاۋى بويىنشا دەنە شىنىقتىرۋ جاتتىعۋلارىنىڭ بىرەۋىن قايتا تاپسىرۋ قۇقىعى بەرىلەدى.
32. اپەللياتسيالىق كوميسسيانىڭ شەشىمى كوميسسيا قۇرامى داۋىسىنىڭ كوپشىلىگىمەن قابىلدانادى. اپەللياتسيالىق كوميسسيانىڭ جۇمىسى حاتتامامەن راسىمدەلەدى, وعان كوميسسيا توراعاسى جانە كوميسسيانىڭ بارلىق مۇشەلەرى قول قويادى. اپەللياتسيالىق كوميسسيا شەشىمىنىڭ ناتيجەلەرى بويىنشا ارىزدانعان كانديداتقا اپەللياتسيالىق كوميسسيا وتىرىسىنىڭ حاتتاماسىنان ءۇزىندى بەرىلەدى.
4. كەشەندى تەستىلەۋدى وتكىزۋ
33. كانديداتتاردى كەشەندىك تەستىلەۋ تەستىلەۋدى وتكىزۋ پۋنكتتەرى بازاسىندا (بازالىق جوعارى وقۋ ورىندارىندا) ۇلگى ەرەجەگە سايكەس وتكىزىلەدى.
34. كەشەندى تەستىلەۋ ۇلگى ەرەجەنىڭ 5-تارماعىندا انىقتالعان تۇلعالار ءۇشىن جۇرگىزىلەدى.
35. اسكەري وقۋ ورنىنا تۇسەتىن كانديداتتار كەشەندىك تەستىلەۋدى قازاق جانە ورىس تىلدەرىندە ورتا ءبىلىم باعدارلاماسى كولەمىندە تاپسىرادى. سالالىق ءپان «فيزيكا» بولىپ تابىلادى.
36. كەشەندىك تەستىلەۋدى قايتا تاپسىرۋعا جول بەرىلمەيدى, مەديتسينالىق جانە پسيحوفيزيولوگيالىق كورسەتكىشتەر بويىنشا قايتا ىرىكتەۋ جۇرگىزىلمەيدى.
5. اسكەري وقۋ ورنىنا تىركەۋ
37. اسكەري وقۋ ورىندارىنا تىركەۋ مانداتتىق كوميسسيانىڭ وتىرىسىندا مەديتسينالىق, دەنە ءبىتىمى جانە پسيحوفيزيولوگيالىق كورسەتكىشتەرى بويىنشا دەرەكتەردى جانە قابىلداۋ جوسپارىندا انىقتالعان قابىلداۋ ورىندارىن ەسكەرە وتىرىپ, سەرتيفيكات بالدارىنا سايكەس كونكۋرس بويىنشا جۇرگىزىلەدى.
38. اسكەري وقۋ ورنىنىڭ تىڭداۋشىلارى قاتارىنا تىركەۋگە كونكۋرس وتكىزۋ كەزىندە مەملەكەتتىك ءبىلىم تاپسىرىسى نەگىزىندە باسىمدىق قۇقىعىنا:
1) «التىن بەلگى» بەلگىسىمەن ناگرادتالعان تۇلعالار;
2) اۆتونومدى ءبىلىم بەرۋ ۇيىمدارىنىڭ ءبىلىمى تۋرالى قۇجاتى بار تۇلعالار;
3) سوڭعى ءۇش جىلدا جالپى ءبىلىم بەرۋ پاندەرى بويىنشا حالىقارالىق وليمپيادا جانە عىلىمي جارىستاردىڭ ء(بىرىنشى, ەكىنشى جانە ءۇشىنشى دارەجەدەگى ديپلوممەن ناگرادتالعان), رەسپۋبليكالىق جانە حالىقارالىق ورىنداۋشىلار كونكۋرستارىنىڭ جانە سپورتتىق جارىستاردىڭ ء(بىرىنشى, ەكىنشى جانە ءۇشىنشى دارەجەدەگى ديپلوممەن ناگرادتالعان) جەڭىمپازدارى, ولاردىڭ تىزبەسىن ءبىلىم بەرۋ سالاسىنداعى وكىلەتى انىقتايدى, سونداي-اق اعىمداعى جىلى جالپى ءبىلىم بەرۋ پاندەرى بويىنشا پرەزيدەنتتىك, رەسپۋبليكالىق وليمپيادالاردىڭ جانە عىلىمي جارىستاردىڭ جەڭىمپازدارى ء(بىرىنشى, ەكىنشى جانە ءۇشىنشى دارەجەدەگى ديپلوممەن ناگرادتالعان), ولاردىڭ تاڭداعان ماماندىقتارى وليمپيادا, كونكۋرس نەمەسە سپورتتىق جارىستاردىڭ پاندەرىنە سايكەس كەلگەن جاعدايدا يە بولا الادى.
39. ۇبت سەرتيفيكاتتارىنىڭ نەمەسە كەشەندى تەستىلەۋدىڭ بالل كورسەتكىشتەرى بىردەي بولعان جاعدايدا وقۋعا تىركەلۋگە باسىمدىق قۇقىققا:
جەتىم بالالار جانە اتا-انالارىنىڭ قامقورلىعىنان ايىرىلعان بالالار;
ۇزدىك ءبىلىمى تۋرالى قۇجاتتارى (اتتەستات, كۋالىك, ديپلوم) بار تۇلعالار;
«جاس ۇلان» رەسپۋبليكالىق مەكتەبىن بىتىرگەندەر;
اسكەري دايارلىق بويىنشا قوسىمشا باعدارلاماسى بار ءبىلىم بەرۋ ۇيىمدارىندا تاربيەلەنگەندەر;
قىزمەت وتكەرۋ كەزىندە قازا تاپقان, حابارسىز كەتكەن نەمەسە اسكەري قىزمەت وتكەرۋ كەزىندە مۇگەدەكتىك العان اسكەري قىزمەتشىلەردىڭ بالالارى يە بولادى.
40. كۋرسانتتاردى قازاقستان رەسپۋبليكاسى ءىىم ىشكى اسكەرلەرىنىڭ اسكەري وقۋ ورنىنا تىركەۋ اسكەري وقۋ ورنى باستىعىنىڭ بۇيرىعىمەن جۇرگىزىلەدى.
41. كۋرسانتتاردى تىركەۋ تۋرالى بۇيرىقتاردان ءۇزىندى قول قويىلعاننان كەيىن كۇنتىزبەلىك ون كۇن ىشىندە ءبولىم تىزىمىنەن الىپ تاستاۋ ءۇشىن اسكەري بولىمدەرگە جىبەرىلەدى, سونداي-اق كانديداتتاردى اسكەري ەسەپتەن الىپ تاستاۋ جانە قازاقستان رەسپۋبليكاسى ىشكى ىستەر مينيسترلىگىندە ارنايى ەسەپكە قويۋ ءۇشىن قورعانىس ىستەرى جونىندەگى دەپارتامەنتتەرگە, اۋداندىق (قالالىق) قورعانىس ىستەرى جونىندەگى باسقارمالارعا جولدانادى.
42. وقۋعا قابىلدانباعان كانديداتتاردىڭ جەكە ىستەرىن كەرى قايتارا وتىرىپ جانە تىركەلمەۋ سەبەبىن كورسەتە وتىرىپ: اسكەري قىزمەتشىلەر – بۇرىنعى قىزمەت ورنىنا; ازاماتتىق جاستار اراسىنان كەلگەن تۇلعالار – تۇرعىلىقتى ورنى بويىنشا قورعانىس ىستەر جونىندەگى اۋداندىق (قالالىق) باسقارمالارىنا جىبەرىلەدى.
43. قابىلداۋ كوميسسياسىنىڭ جۇمىسى اياقتالعاننان كەيىن اسكەري وقۋ ورنىنىڭ باستىعى قازاقستان رەسپۋبليكاسى ءىىم ىشكى اسكەرلەر كوميتەتىنە كۋرسانتتاردى قابىلداۋ جۇرگىزىلگەنى تۋرالى ەسەپتى ۇسىنادى.
44. وسى قاعيدادا رەگلامەنتتەلمەگەن ماسەلەلەردى قازاقستان رەسپۋبليكاسىنىڭ ء«بىلىم تۋرالى», «قازاقستان رەسپۋبليكاسى ىشكى ىستەر مينيسترلىگىنىڭ ىشكى اسكەرلەرى تۋرالى» زاڭدارىنا سايكەس قابىلداۋ كوميسسياسى شەشەدى.
جوعارى ءبىلىم بەرۋدىڭ كاسىپتىك وقۋ باعدارلامالارىن ىسكە اسىراتىن قازاقستان رەسپۋبليكاسى ىشكى ىستەر مينيسترلىگى ىشكى اسكەرلەرىنىڭ ءبىلىم بەرۋ ۇيىمدارىنا وقۋعا قابىلداۋ قاعيداسىنا 1- قوسىمشا
اسكەري وقۋ ورنىنا وقۋعا تۇسۋگە قاجەتتى قۇجاتتار تىزبەسى
1. ءوتىنىش (بايانات).
2. ءومىربايان.
3. اسكەري ءبولىمنىڭ كادر اپپاراتى راستاعان ساۋالناما.
4. جۇمىس نەمەسە وقۋ (اسكەري قىزمەت) ورنىنان مىنەزدەمە.
5. تۇرعىلىقتى ورنى بويىنشا تىركەۋ تۋرالى انىقتاما.
6. 3,5*4,5 كولەمدەگى فوتوسۋرەت – 6 دانا, 9*12 كولەمدەگى فوتوسۋرەت – 1 دانا (اسكەري ءبولىمنىڭ كادر اپپاراتى راستاۋى ءتيىس).
7. ۋچاسكەلىك ينسپەكتوردان, كورشىلەرىنەن پىكىرلەر.
8. جاقىن تۋىستارىنىڭ (اكەسى, شەشەسى, اعالارى, اپالارى) جەكە كۋالىكتەرى مەن تۋ تۋرالى كۋالىكتەرىنىڭ كوشىرمەلەرى.
9. قۇجاتتارىنىڭ كوشىرمەلەرى (تۇپنۇسقالارى سالىستىرۋ ءۇشىن):
- وسى قۇجاتتارعا قوسىمشالارى بار اتتەستات نەمەسە ديپلوم (ورتا مەكتەپ وقۋشىلارى ۇلگەرىمى تۋرالى تابەلدى, ليتسەي, كوللەدج وقۋشىلارى – سىناق كىتاپشاسىنىڭ كوشىرمەلەرىن ۇسىنادى);
- جەكە كۋالىگى;
- تىركەلگەن كۋالىگى نەمەسە اسكەري بيلەتى.
ەسكەرتپە:
1. وتىنىشتە (باياناتتا): تەگى, اتى, اكەسىنىڭ اتى, تۋعان كۇنى, ءبىلىمى, تۋعان جەرى, قانداي وقۋ ورنىنا, قانداي ماماندىق بويىنشا تۇسكىسى كەلەتىنى, قاجەت بولعان جاعدايدا كەشەندىك تەستىلەۋدى قاي تىلدە تاپسىراتىنى تۋرالى كورسەتىلەدى.
2. كانديدات اسكەري وقۋ ورنىنا كەلگەن سوڭ جەكە كۋالىگىن, اسكەري بيلەتىن نەمەسە تىركەلگەن كۋالىگىن, ورتا ءبىلىمى تۋرالى قۇجاتتى جانە بىرىڭعاي ۇلتتىق تەستىلەۋدى تاپسىرعانى تۋرالى مەملەكەتتىك سەرتيفيكاتىن (اعىمداعى جىلى تاپسىرعان مەكتەپ بىتىرۋشىلەر) قابىلداۋ كوميسسياسىنا ۇسىنادى.
جوعارى ءبىلىم بەرۋدىڭ كاسىپتىك وقۋ باعدارلامالارىن ىسكە اسىراتىن قازاقستان رەسپۋبليكاسى ىشكى ىستەر مينيسترلىگى ىشكى اسكەرلەرىنىڭ ءبىلىم بەرۋ ۇيىمدارىنا وقۋعا قابىلداۋ قاعيداسىنا 2- قوسىمشا
نىسان
اسكەري-دارىگەرلىك كوميسسياعا
جولداما
مەكەن-جايى: _____________________________________
لاۋازىمى: _____________________________________________________
اسكەري اتاعى, ت.ا.ءا. ____________________________________________
تۋعان جىلى: ___________________________________________________
كۋالاندىرۋدىڭ ماقساتى: قازاقستان رەسپۋبليكاسى ءىىم ىشكى اسكەرلەرىنىڭ اسكەري ينستيتۋتىنا وقۋعا تۇسۋگە جارامدىلىق دەڭگەيىن انىقتاۋ.
اسكەري-دارىگەرلىك كوميسسيانىڭ قورىتىندىسىن ودان ءارى كادر بولىمىنە ۇسىنۋ ءۇشىن قولىنا بەرۋىڭىزدى سۇرايمىن.
كادر ءبولىمىنىڭ باستىعى ___________________________________________
______________________________________________________________
(اسكەري اتاعى, قولى, تەگى, اتى-ءجونى)
20 ___ ج. «____» _______________
جوعارى ءبىلىم بەرۋدىڭ كاسىپتىك وقۋ باعدارلامالارىن ىسكە اسىراتىن قازاقستان رەسپۋبليكاسى ىشكى ىستەر مينيسترلىگى ىشكى اسكەرلەرىنىڭ ءبىلىم بەرۋ ۇيىمدارىنا وقۋعا قابىلداۋ قاعيداسىنا 3- قوسىمشا
قازاقستان رەسپۋبليكاسى ءىىم ىشكى اسكەرلەرىنىڭ اسكەري ينستيتۋتىنا وقۋعا تۇسۋگە ارنالعان دەنە شىنىقتىرۋ دايارلىعى بويىنشا نورماتيۆتەر
|
ر/س № |
جاتتىعۋلار |
باعا |
||
|
وتە جاقسى |
جاقسى |
قاناعاتتانارلىق |
||
|
1 |
3000 مەترگە جۇگىرۋ (مينۋتپەن) |
12,15 |
12,45 |
13,30 |
|
2 |
100 مەترگە جۇگىرۋ (سەكۋتپەن) |
14,0 |
14,2 |
14,8 |
|
3 |
بەلتەمىرگە تارتىلۋ (رەت) |
11 |
9 |
7 |
ەسكەرتپە:
1. 3000 جانە 100 مەترگە جۇگىرۋ ستاديوننىڭ جۇگىرۋ جولىمەن نەمەسە كەز-كەلگەن تەگىس الاڭمەن جوعارعى سورەدەن ورىندالادى.
2. ءبىر كۇندە ەكى جاتتىعۋدان ارتىق ورىنداۋعا جول بەرىلمەيدى, كروسس (3000 مەترگە جۇگىرۋ) باسقا جاتتىعۋلاردان بولەك كەلەسى كۇنى ورىندالادى.
3. اسكەري قىزمەتشىلەردىڭ دەنە شىنىقتىرۋ دايارلىعى بويىنشا باعاسى ولاردىڭ تەكسەرۋگە ارنالعان بارلىق جاتتىعۋلاردى ورىنداعانى ءۇشىن العان باعالارىنان قۇرالادى جانە انىقتالادى:
«وتە جاقسى» – ەگەر جارتىسى جانە ودان كوبى «وتە جاقسى» دەگەن باعا, ال قالعاندارى – «جاقسى» دەگەن بولسا;
«جاقسى» – ەگەر جارتىسى جانە ودان كوبى «جاقسى», ال قالعاندارى – «قاناعاتتانارلىق» دەگەن بولسا;
«قاناعاتتانارلىق» – ەگەر قاناعاتتانارلىقسىز دەگەن باعاسى بولماي باعالارىنىڭ جارتىسىنان كوبى «قاناعاتتانارلىق» نەمەسە بارلىق جاتتىعۋلاردى ورىنداعانى ءۇشىن وڭ باعالار (ونىڭ ىشىندە ولاردىڭ كەمىندە بىرەۋى «جاقسى» دەگەن باعادان تومەن ەمەس) بولىپ, ءبىر باعاسى «قاناعاتتانارلىقسىز» بولسا.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 4 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 8211 بولىپ ەنگىزىلدى
