«سوڭعى جىلدارى ماشيناجاساۋ سالاسىندا تۇراقتى ءوسىم بايقالىپ وتىر. 2018 جىلدىڭ قورىتىندىسى بويىنشا ماشينا جاساۋ ءوندىرىسىنىڭ كولەمى العاش رەت 1 ترلن تەڭگەدەن استى (1 089,8 ملرد تەڭگە)», — دەدى ۆيتسە-مينيستر.
2019 جىلى جوعارعى ءوسىم ديناميكاسى ساقتالدى. 2019 جىلدىڭ 8 ايىنىڭ قورىتىندىسى بويىنشا ماشينا جاساۋدا ءوندىرىس كولەمىنىڭ ءوسۋى وتكەن جىلدىڭ وسىنداي كەزەڭىمەن سالىستىرعاندا 18% قۇرادى. سالا قۇرىلىمىندا ماشينا جاساۋدىڭ قوسالقى سالالارىنىڭ ىشىندە كوبىرەك ءوسىم ديناميكاسىن اۆتوموبيل جاساۋ كورسەتىپ وتىر (نكي – 156,5%). بۇگىندە قازاقستاندا اۆتوكولىك قۇرالدارىنىڭ بارلىق ساناتتارىنىڭ ءوندىرىسى جۇرگىزىلۋدە. ەلىمىزدە 167 اۆتوموبيل مودەلى قۇراستىرىلادى, ونىڭ ىشىندە 39 جەڭىل كولىك مودەلى, 22 الەمدىك برەند بار.
سونىمەن قاتار ا. ەرجانوۆ ەكى بەسجىلدىقتا اۆتوموبيل جاساۋ قازاقستاننىڭ ماشينا جاساۋ سالاسىنىڭ درايۆەرلەرىنىڭ بىرىنە اينالعانىن ايتتى. ءىرى توراپتى قۇراستىرۋدان (DKD) ۇساق توراپتى قۇراستىرۋعا (CKD) كوشۋ قولعا الىندى. مىسالى, شاناقتاردى دانەكەرلەۋ مەن بوياۋ بويىنشا تەحنولوگيالىق وپەراتسيالار ەنگىزىلدى.
سونىمەن قوسا, ا. ەرجانوۆ ەلەكتروتەحنيكالىق ماشينا جاساۋ سەكتورىنا نازار اۋداردى, بۇل سالا ماشينا جاساۋداعى باسقا سەتكورلارمەن سالىستىرعاندا, اسا تۇراقتى ءوندىرىس ديناميكاسىمەن جانە ءوندىرىستىڭ تەرەڭىرەك جەرگىلىكتەندىرىلۋىمەن سيپاتتالادى. سەكتورداعى ءىرى ويىنشىلار — قاينار-اكب, Alageum Electric, كازتسەنترەلەكتروپروۆود, كازەنەرگوكابەل باسىم بولىگى ەكسپورتقا كەتەتىن باسەكەلى ونىمدەر شىعارادى.
قازاقستانداعى تەمىرجول, اۋىل شارۋاشىلىعى, تاۋ-كەن جانە مۇنايگاز ماشينا جاساۋدا وتاندىق كاسىپورىندار ەلەكتروۆوزدار, لوكوموتيۆتەر, ۆاگوندار,تۇتاس تاپتامالى دوڭگەلەكتەر, تراكتورلار, كومبايندار, اۋىل شارۋاشىلىعى تەحنيكالارىن, مۇناي سەرۆيستىك كومپانيالار مەن جەر قويناۋىن پايدالانۋشىلار ءۇشىن ءتۇرلى جابدىقتار شىعارادى.
اتالعان سالالار وندىرىستە روبوتتاندىرىلعان دانەكەرلەۋ كەشەندەرىن (يندۋستريا 4.0 ەلەمەنتتەرىن) پايدالانۋمەن سيپاتتالادى. سالانىڭ كورنەكتى مىسالدارى:
«پرومماشكومپلەكت» جشس, «قازاقستان اگرو يننوۆاتسيالىق كورپوراتسياسى» جشس, «مەيكەر» جشس, «جىگەرمۇنايسەرۆيس» جشس, «وسكەمەن ارماتۋرا زاۋىتى» اق جانە ت.ب.
سونىمەن قاتار ا. ەرجانوۆ جۋىردا وتكەن VI ماشينا جاساۋشىلار فورۋمىندا ماشينا جاساۋدى دامىتۋدىڭ كەشەندى جوسپارى تالقىلانعانىن ايتتى. وسى تالقىلاۋلاردىڭ قورىتىندىسى بويىنشا 2019-2024 جىلدارعا ارنالعان قر ماشيناجاساۋ سالاسىن دامىتۋدىڭ جول كارتاسى ازىرلەندى, ول قر پرەمەر-ءمينيسترىنىڭ وكىمىمەن بەكىتىلدى.
سالالاردى ودان ءارى دامىتۋ ماقساتىندا جول كارتاسىندا ماشينا جاساۋ كاسىپورىندارىن قولداۋدىڭ ناقتى شارالارى مەن بىرقاتار مىندەتتەر قاراستىرىلعان.
«مەملەكەت مەن بيزنەستىڭ ىنتىماقتاستىعى تابىستى بولعان جاعدايدا جوسپارلانعان مىندەتتەر ىسكە اسىرىلىپ, قازاقستاننىڭ ماشيناجاساۋ سالاسى ودان ءارى دامۋى ءۇشىن جاڭا يدەيالار كوتەرىلەدى دەپ ۇمىتتەنەمىز», — دەپ تۇيىندەدى ا. ەرجانوۆ.
